Со оваа иницијатива, клубот прави значаен чекор кон зачувување на мајчиниот јазик, културното наследство и националниот идентитет кај младите генерации што растат надвор од Македонија.

Претседателот на друштвото, Живко Лазаров, нагласи дека отворањето на училиштето претставува исполнување на долгогодишната цел на клубот и на целата заедница. Тој потенцираше дека вложениот труд, поддршката од родителите и заедничката посветеност резултирале со реализација на проект кој ќе има трајно значење за идните генерации.

Наставата ќе ја спроведува наставничката Кристина Петковска, а програмата е внимателно осмислена според возраста на учениците. Покрај изучувањето на македонската азбука и совладувањето на основите на читање и пишување, учениците ќе имаат можност да се запознаат и со македонската историја, традиција, култура и фолклор. Часовите ќе се одвиваат со интерактивен и едукативен пристап, со цел да се поттикне интересот и љубовта кон мајчиниот јазик.

Од клубот истакнуваат дека ваквите образовни активности имаат особено значење за одржување на врската со татковината и за градење силно чувство на припадност кај младите Македонци во Германија. Тие сметаат дека училиштето ќе биде место каде што децата не само што ќе учат, туку и ќе се поврзуваат меѓусебно преку заедничките вредности и традиции.

„Нашата заложба е децата да го научат, да го негуваат и да го почитуваат македонскиот јазик и култура. Без разлика каде живеат, важно е да ја носат Македонија во своето срце“, порача претседателот Лазаров.
Со оваа активност, клубот „Илинден“ уште еднаш ја потврдува својата мисија како активен промотор и чувар на македонската традиција и културен идентитет во Германија, оставајќи силен белег во животот на заедницата.

За повеќе информации и дискусии на вакви и други теми придружете ни се во групата Македонци во Германија.

The post Ново училиште по македонски јазик во Laatzen, Германија appeared first on Македонци во Германија.

Ова не е само почеток на часови по македонски јазик – ова е победа на идентитетот, културата и сплотеноста на македонските семејства кои со децении живеат во Германија. Денес тие го гледаат сонот претворен во реалност: нивните деца конечно ќе можат да го учат својот мајчин јазик, да ја зачуваат традицијата и да ја пренесуваат понатаму.

„Нашиот јазик е срцето на нашата култура. Тоа што македонскиот е дел од наставата по мајчин јазик е признание за нашата историја, идентитет и корени,“ порача тимот на родителската иницијатива во Рајнланд-Пфалц – Злате Ковилоски, Александар Бузлески и Оливија Штерјова. Со нивната огромна посветеност и неуморна работа, заедно со поддршката од Министерството за образование и Управата за надзор и услуги, македонската заедница денес го слави овој историски успех. Ќе има две паралелки (во зависност од возраста), а наставата ќе се одвива под раководство на професорката Марта Цветковска. На настанот присуствуваше и македонскиот конзул од конзулатот во Бон, господинот Амон Бајрамовски.

Воедно, прекрасниот настан го збогатија и г-ѓата Ана Коберлинг, ценета политичарка од Кобленц, како и господинот Мартин Ломер, директор на училиштето кое отстапи простории за македонски јазик.

Освен нив, организаторите на оваа иницијатива упатија огромна благодарност на г-ѓа Карина Абрамијан од ADD KOBLENZ за огромната поддршка.

Значаен допринос во целиот проект имаше и Агенцијата за иселеништво на Република Македонија, која преку раководителот за односи со дијаспората, госпоѓата Билјана Костова обезбеди учебници по македонски јазик.

Наставата ќе започне на 29-ти август 2025 и ќе се одржува секој петок во Основното училиште Астерштајн, Кобленц. Овој настан не е само за учењето на јазикот – тој ја зајакнува врската помеѓу генерациите, потсетувајќи нè дека корените никогаш не треба да се заборават и дека повеќејазичноста е сила и богатство за целото општество.

Денес, македонската заедница во Кобленц и пошироко може гордо да каже: „Нашиот јазик е жив, нашата култура е признаена, нашиот идентитет е почитуван.“

За повеќе информации и дискусии на вакви и други теми придружете ни се во групата Македонци во Германија.

The post За прв пат официјална настава по македонски јазик во Кобленц appeared first on Македонци во Германија.

Директно од наставничката Димова-Гомбар го добивме следното изведување.

Почитувани,

сакам да ве информирам дека и оваа година, четврта по ред продолжуваме со онлајн курсеви по македонски јазик за странци.
Овој вид на курсеви по македонски јазик за странци како единствен во Сојузна Република Германија за првпат беше понуден преку институција Volkshochschule во Диселдорф. Таа го понуди македонскиот јазик како 36 јазик во нивната јазична палета.

Oвој курс е наменет за возрасни странци кои што (не)знаат да зборуваат, читаат или пишуваат македонски, но имаат сопруг/а, пријатели, вработени или некаква друга дејност поврзаност со македонскијот јазик и истиот би сакале да го изучуваат.
Цената на курсот за 9 недели изнесува 108 евра.
Наставата ќе се одвива онлајн секој четврток од 18:30 до 20:15 часот. Започнуваме наредниот четврток на 29.02.2024.
Крајниот рок за пријавување е до вторник 27 февруари. Местата се ограничени затоа побрзајте.

Пријавувањето се врши на следниов линк: https://vhs.duesseldorf.de/programm/sprachen/englisch/kursangebote-von-a1-bis-c2/kurs/Onlinekurs-Mazedonisch-A11/D566001-D

Одржувањето на овој курс го поддржуваме од почеток. А на самиот почеток пред 3 години реализиравме интервју со доцентката Димова-Гомбар.
Интервјуто во кое можете да прочитате повеќе детали за овие курсеви може да го најдете на следните линкови:
КЛИКНИ ОВДЕ за германски јазик и
ОВДЕ за македонски.

За повеќе информации и дискусии на вакви  но и на други теми придружете ни се во групата: Македонци во Германија. КЛИКНИ ОВДЕ

The post Екслузивно: Онлајн курс по македонски јазик за странци и оваа година во понудата на Volkshochschule Düsseldorf appeared first on Македонци во Германија.

Соопштението го пренесуваме интегрално:

“Почитувани”,

Здружението „Македонска заедница во Германија“, поддржано од Амбасадата на Република Македонија во Берлин – одделение во Бон има чест да информира дека е отпочната постапка за иницирање на можноста преку Министерството за образование и наука да се упати на работа професор по македонски јазик за децата од основно образование за покраината Северна Рајна Вестфалија, со седиште во Бон или Келн, кој би опслужувал настава во Бон,Келн и Леверкузен.

За таа цел, молиме, најдоцна до 21 ноември 2022 година, сите заинтересирани родители за можноста за посета на настава на мајчин јазик на нивните деца, да се обратат до нашите контакт лица:

• Миле Николоски, претседател на Здружението „Македонска заедница во Германија“, на емаил адреса: makedonischegemeinschaft@gmail.com
  и телефонски број:017630435101- и
• Евдокиа Николова Лиере, од Македонска Амбасада во Бон на емаил адреса: Sekretar.Bon@mfa.gov.mk и на тел: 015153641084

со цел да ја добијат и да ја пополнат пријавата по што ќе треба истата да ја достават пополнета на една од наведените електронски адреси.

Наставата е бесплатна, но од Ваша страна ќе биде потребна асистенција во изнаоѓање соодветен простор за одржување на наставата, во рамки на некое училиште за основно образование/ или во просториите на Вашата компанија.

Доколку се заврши навреме процесот на пријавување и поднесување на барањето до Министерство за образование и наука, и истото биде прифатено и одобрено од страна на Министерството, наставата би отпочнала од следната учебна 2023 / 2024 година и истата ќе ја спроведува наставник по македонски јазик, одбран на конкурс, објавен од страна на Министерството. Наставата ќе се одвива согласно образовно-научен план на МОН за секоја учебна година соодветно.

Во зависност од бројот на пријавени деца (потребно е пријавување на најмалку 25 деца), наставата би се одвивала еднаш седмично во две групи и тоа: група 1 – деца од 1 до 5 одделение и група 2 – деца од 5 до 9 одделение.

Со оглед дека ова е иницијатива во почетна фаза, за сите дополнителни прашања, одговорите ќе ги добивате согласно развојот на иницијативата.

НАПОМЕНА: На крај од секоја учебна година, децата добиваат Потврда за посетување на дополнителна настава по мајчин јазик, потпишана и заверена од страна на Амбасадата на Република Македонија во Берлин – одделение во Бон, која потоа може да се користи во образовни цели во Сојузна Република Германија, како и при евентуално враќање во матичната земја.”

***Напомена:

Уставното име на нашата татковина Македонија намерно е корегирано од страна на редакцијата на порталот Македонци во Германија, бидејќи тоа е основен услов за споделување на официјални информации во врска со Република Македонија на самиот портал.

За повеќе информации и дискусии на вакви и други теми придружете ни се во групата Македонци во Германија.

The post Македонски јазик во Северна Рајна Вестфалија!? appeared first on Македонци во Германија.

Во продолжение ви ја споделуваме објавата на професорката Емануала Димова – Гомбар:

Почитувани,
сакам да ве информирам дека и оваа година стартуваме со онлајн курсеви по македонски јазик.
Овој вид на курсеви по македонски јазик е единствен во Сојузна Република Германија и за првпат беше понуден минатата година преку јазичната институција Volkshochschule во Дизелдорф.
Постојат два вида на курсеви и тоа:
Курс по македонски јазик за возрасни со број Y566001.
Oвој курс е наменет за возорасни странци кои што (малку) или воопшто не знаат да зборуваат, читаат или пишуваат македонски, но имаат сопруг/а, пријатели, вработени или некаква друга поврзаност со македонскијот јазик и истиот би сакале да го изучуваат.
Цената на курсот за 14 недели изнесува 112 евра, за студенти 89,60 евра.
Наставата ќе се одвива онлајн секој вторник од 18:30 до 20:00 часот. Започнуваме на 08. 02.2022.
Крајниот рок за пријавување е 04.02.2022.
Пријавувањето се врши на следниов ЛИНК

Курс по македонски јазик за деца со број Y566002
Овој курс е наменет за деца во училишна возраст којшто зборуваат македонски но незнаат да читаат или пишуваат кирилица. На курсот можат да се пријават деца коишто живеаат во Германија, Австрија или Швајцарија и зборуваат германски или македонски. Наставата ќе се одвива двојазично.
Цената на курсот за 14 недели изнесува 56 евра.
Наставата ќе се одвива онлајн секој четврток од 18:30 до 20:00 часот. Започнуваме на 10.02.2022.
Крајниот рок за пријавување е до 05.02.2022
Пријавувањето се врши на следниов ЛИНК.

За сите други информации обратете се на телесниот број 0211/ 899 4168.

За повеќе информации и дискусии на вакви  но и на други теми придружете ни се во групата: Македонци во Германија ЛИНК

The post ЕКСКЛУЗИВНО. Онлајн курсеви по македонски јазик за дечиња и возрасни appeared first on Македонци во Германија.

The post Македонски јазик за ученици!!! Ексклузивна онлајн понуда на Volkshochschule-Düsseldorf appeared first on Македонци во Германија.

Emanuela: einfach nur Emanuela!!!

MiD: Möchten Sie sich kurz für unsere Leser und Mitglieder vorstellen?

Emanuela: Seit mehreren Jahren arbeite ich als Referentin für Integrationsarbeit an einem Projekt, das vom Ministerium für Kinder, Familie, Flüchtlinge und Integration, gefördert wird. Mein Universitätsabschluss hatte ich an der philologischen Fakultät „Blaze Koneski“ in Skopje, Lehrstuhl für Übersetzen und Dolmetschen absolviert. Danach hatte ich an der Uni in Bonn, den „Master of European Studies“-Zentrum für Europäische Integrationsforschung studiert. Dies hatte mir die Möglichkeiten gegeben, als Staiger im Europäischen Parlament tätig zu werden. Seit 2018 bin ich zusätzlich ermächtigte Übersetzerin und beeidigte Dolmetscherin der mazedonischen Sprache, vereidigt durch die Präsidentin des Oberlandesgerichts Köln. Darüber hinaus bin ich qualifizierte Lehrkraft für Deutsch als Zweitsprache (DAZ). Die Leser kennen diesen Begriff wahrscheinlich als Lehrkraft für die Integrationskurse A1-B1.

MiD: Deine Nachricht über den Onlinekurs Mazedonisch bei der VHS Düsseldorf hat uns eine sehr große Freude bereitet. VHS ist eine hochgeschätzte und bedeutsame Institution. Wie kam es zur Realisierung dieses Projektes?

Emanuela: Diese Vision begleitete mich schon seit mehreren Jahren. Ich hatte immer wieder bei der VHS- Programm durchgeblättert, ob die mazedonische Sprache angeboten wurde oder nicht. Jedes Mal war ich enttäuscht und mit der Zeit auch darüber verärgert. Kurz entschlossen, ergriff ich eines Tages die Initiative und suchte das Gespräch mit der Leiterin der VHS in Düsseldorf. Konkrete Pläne über einen Kurs wurden mir im Sommer vermittelt, als die Leiterin der VHS Frau Dr. Berndt entschieden hatte, die mazedonische Sprache in deren Sprachprogramm als 36. Sprache mit aufzunehmen. Die VHS Düsseldorf hat über 10.000 Teilnehmer in den Sprachkursen, die jetzt zum großen Teil in der Pandemie online laufen.

MiD: Der Unterricht wird online stattfinden. Heißt das, dass der Kurs nicht nur für die Interessenten aus Düsseldorf gilt, sondern für alle in ganz Deutschland?

Emanuela: JA, jeder kann sich anmelden, egal wo sein Wohnort ist.

MiD: Über welche Applikation wird der Kurs realisiert?

Emanuela: Die VHS hat eine eigene Lernplattform, inklusiv eines Tools für Videokonferenzen „Big Blue Button“, das in NRW auch in den Regelschulen eingesetzt wird. Die Lernplattform nutzt die VHS schon seit 18 Jahren.

MiD: Dieser Kurs ist für Erwachsenen. Was genau heißt das und was ist die konkrete Zielgruppe dieses Kurses?

Emanuela: Dieser Kurs richtet sich an Erwachsene Teilnehmer ohne Vorkenntnisse, die gerne Mazedonisch lernen möchten. Gleichzeitig richtet es sich auch an Schülerinnen und Schüler, die gerne das kyrillische Alphabet erlernen möchten. Es ist im Prinzip an alle ab 10 Jahren.

MiD: Nach welchem Programm wird der Unterricht stattfinden und auf welchem Niveau?  Ist dieser Kurs nur für Anfänger oder auch für Interessenten, die schon Vorkenntnisse haben. Wird ein Einstufungstest notwendig sein?

Emanuela: Dies ist mein Pilotprojekt. Ich kann nicht absehen, wie groß das Interesse für die Teilnahme sein wird. Ab dem 23. Februar 2021, starten wir mit der A1.1 Alphabetisierung und Grundkommunikation. Wenn sich Kandidaten mit Vorkenntnissen anmelden, dann habe ich die Möglichkeit noch einen zusätzlichen Kurs anzubieten. Die ideale Mitte wäre ein Kurs für Erwachsene und ein Kurs für Kinder oder Jugendlichen anzubieten. Es müssen sich mindestens 6 Teilnehmer anmelden.

MiD: Welche Unterrichtsmaterialien werden benutz (Bücher, Skripten usw.) Wie und wo können die Teilnehmer die Materialien erlangen?

Emanuela: Der Unterrichtsplan besteht aus Skripten und Übungen, die ich ausarbeite und für die Teilnehmer kostenlos als Upload zur Verfügung stelle.

MiD: Was genau umfasst der Unterricht (Grammatik, Schreiben, Lesen, Sprechen)?

Emanuela: Alles, was Sie genannt haben!!!

MiD: VHS im Prinzip erteilt Zertifikate für einen abgeschlossenen Kurs. Können Sie uns etwas mehr über diese Zertifikate sagen, wo können die Teilnehmer später dieses gebrauchen und ob diese Zertifikate eine Gültigkeit außerhalb von Deutschland haben?

Emanuela: JA, man muss 80% anwesend sein, um ein Zertifikat am Ende des Kurses zu bekommen. Das Ist kein echtes Prüfungszertifikat, dies kann man nur in Mazedonien selbst ablegen.

MiD: Können Sie uns etwas mehr über die Anmeldung mitteilen (beschreiben, Anmeldelink etc.). Wann ist Anmeldefrist und an welchen Tagen wird der Unterricht stattfinden? Wie kann man bezahlen?

Emanuela: Die Anmeldung erfolgt über diesen Link:

Kurs-Anmeldung

Anmeldeschluss: 19. Februar

Beginn: 23. Februar

Wann: Dienstag 18:30-20:00 Uhr

Wie viel Unterrichtseinheiten: 15

Preis: 120,- €

MiD: Bestimmte Bürger können Ermäßigungen bekommen. Welche Gruppe ist das und welche Ermäßigung können sie erhalten?

Emanuela: Schüler und Arbeitslose, Hartz IV 50%, Studis, Azubis, Freiwillige 20% Ermäßigung. Mehr über die Ermäßigung können Sie unter dem folgenden Link erhalten:

VHS Ermäßigungen

MiD: Ich bedanke mich und wünsche Ihnen weiterhin viele Erfolg bei der Realisierung dieses Kurses.

Emanuela: Sehr gerne. Ich bedanke mich für das Gespräch und ihre Unterstützung.

The post Exklusiv Volkshochschule-Düsseldorf bietet Onlinekurs mazedonisch für Anfänger in Kleingruppe appeared first on Македонци во Германија.

Емануала: Овде Емануала.

MiD: Би сакале ли накратко да им се претставите на нашите читатели и членови?

Емануeла: Да секако, последните неколку години работам на еден проект финансиран од германското Министерство за деца, фамилија, бегалци и интеграција. Инаку, јас сум дипломиран преведувач по германски и англиски јазик на катедрата за преведување и толкување при Филолошкиот факултет Блаже Конески во Скопје. Магистрирав „Европски Студии“ на универзитетот во Бон, а пo магистратурата бев стажант во Европскиот парламент во Брисел. Од 2018 сум овластен судски преведувач и толкувач за сите судови во Германија, регистрирана сум во Министерството за правда во Северна Вестфалија. Од неодамна сум и квалификувана наставничка по германски како втор странски јазик. На читателите повеќе им е познат поимот – наставник по интеграциони курсеви од А1 до Б1.

MiD: Твојата објава за online изучување на македонски јазик во Volkshochschule (VHS) Düsseldorf многу не израдува. VHS е огромна и многу значајна институција. Како дојде до тоа да се реализира ваков проект?

Емануeла: Идејата ми се вртеше низ глава многу оддамна. Првично од фрустрација, бидејќи ниту една јазична институција овде не нуди изучување на македонскиот јазик! Буквално, секоја година ја листев програмата на VHS со надеж дека и ние ќе се носиме рамо со рамо со другите јазици, бидејки со години не се промени ништо, започнав иницијатива и остварив разговори со директорката на VHS. Конкретни планови за реализација се случија минатата година каде одлучија од 2021 да го понудат и македонскиот јазик како 36-ти јазик во нивната јазична програма. Инаку, VHS  Дизелдорф брои над 10 000 учесници коишто  изучуваат странски или германски јазик и тоа моментално само онлајн.

MiD: Како што кажавме наставата ќе се одржи онлајн. Дали тоа значи дека курсот нема да биде само за тие што се од дизелдорф туку ќе може да се пријавуваат учесници од цела Германија?

Емануела: Да, на курсот може да се пријави секој без разлика каде живее.

MiD: Преку која апликација ќе се реализира курсот?

Емануела: Овој курс ќе се одржува онлајн. VHS има своја платформа за видео конференција којашто се вика „ Big Blue“. Истата платформа се користи и во училиштата. Со оваа платформа VHS работи веќе 18 години.

MiD: Која е целната група и за која возраст е наменет курсот?

Емануела: На овој курс можат да се пријават возрасни коишто не знаат македонски, а сакаат да го научат македонскиот јазик. Исто така, оние родители кои сакаат нивното дете да научи македонски јазик, да пишува и чита на кирилица, еве можност да се информираат и да ни ги пријават своите деца. Предуслов е да се има над 10 години.

MiD: По која програма ќе се реализира наставата и кое ниво ќе се изучува? Односно, дали курсот е само за почетници или и такви кои имаат предзнаења? Во тој контекст, дали ќе има некаков вид на тестирање за да се утврди степенот на познавање на јазикот? 

Емануeла : Како што спомнав, ова е пилот проект и не знам колкава би била заеинтересираноста.Засега стартуваме со А1.1 азбука и основна комуникација. Доколку се јават кандидати со предзнаење имаме можност да создадеме нов курс. Моја цел е доколку има доволно учесници да создадеме посебен курс за возрасни, посебен за деца.Се зависи од бројот на учесниците. Еден курс може да се одржи доколку се пријават минимум 6 учесници.

MiD: Каков наставен материјал (книги, скрипти итн.) ќе се користи и како ќе можат учесниците да набават наставен материјал?

Емануела: Наставниот план се состои од скрипти и вежби кои јас ги правам. Истите делумно се потпираат на нашиот образовен план за прво одделение. Притоа, го земам фактот дека за учесниците ова е странски јазик.

MiD: Што поточно опфаќа наставата (граматика, пишување и читање, говор)?

Емануела: Комбинација од читање, пишување, граматика, говор.

MiD: VHS по принцип доделува сертификати за завршен курс. Кажете ни нешто повеќе за тие сертификати каде ќе можат да се употребуваат и дали истите имаат важност и надвор од Германија?

Емануела: Да, сертификат се доделува по завршувањето на курсот. Предуслов е учесниците да бидат присутни на 80% од наставата. Сертификатот е доказ дека сте посетувале настава по македонски јазик но, не претставува сертификат за положен испит по македонски јазик.

MiD: Кажете ни нешто повеќе за начинот на запишување (опис и линк за пријавување). До кога траат уписите и во кои термини ќе се оддржува наставата? Која е цената и на кој начин се врши уплата?

Емануeла :Линк ѕа пријавување е: https://vhs.duesseldorf.de/vhs/sprachen0/sprachen-suedeuropas.html?kathaupt=11&knr=W566001-D&kursname=Onlinekurs+Mazedonisch+A11&katid=1533. Наставата ќе се одвива секој вторник од 18.30 до 20.00 часот. Ќе стартуваме на 23 февруари. Крајниот рок за пријавување е 19.2.2021 год. Цената за 15 недели изнесува 120 евра.

MiD: Одредени групи на граѓани можат да добијат попуст. Кои се тие групи и колкави се попустите?

Емануeла : Да, одредена група на граѓани може да добие попуст и тоа: ученици и невработени имаат попуст од 50%, студенти и практиканти добиваат 20% намаление.

MiD: За вакви проекти  секогаш се обидуваме за нашите членови да обезбедиме симболичен попуст од 20-тина проценти. Во овој случај тоа не е можно. Зошто? 

Емануeла: Бидејќи, како што спомнав курсот е организиран преку VHS и попусти се доделуваат само на погоре споменатите групи на граѓани.

MiD: Ви благодарам многу и ви посакувам успешна реализација на курсот. 

Емануeла: Ви благодарам и Вам за одвоеното време и вашата поддршка.

За повеќе информации и дискусии на вакви и други теми придружете ни се во групата:Mакедонци во Германија .

*Авторски текст на порталот Македонци во Германија. Дозволено е споделување само директно преку линк или преку нашата истоимена Facebook фан страна ЛИНК.

The post Онлајн настава по македонски јазик Ексклузивно во понудата на Volkshochschule Düsseldorf appeared first on Македонци во Германија.

-Frankfurt/Mainz:  Бисера Филиповска

b.filipovski@gmx.de

-Ulm/Augsburg/Ravensburg/München:  Анастасија Гашко

a_nejman@yahoo.com

– Berlin:  Ана Смилевска

anasmilevska@hotmail.com

-Vaihingen an der Enz/Stuttgart/Sindelfingen/Aalen/Ulm:   Кети Мицева

ketimicev@gmail.com

Сите родители кои сакаат да ги пријават своите деца за настава по македонски јазик, може да се обратат до соодветната наставничка. Не заборавајте дека токму јазикот е нашата најголема гордост и обележје како македонски народ.

За повеќе информации и дискусии на вакви и други теми придружете ни се во групата Македонци во Германија.

The post Настава по македонски јазик во Германија appeared first on Македонци во Германија.