Со оваа иницијатива, клубот прави значаен чекор кон зачувување на мајчиниот јазик, културното наследство и националниот идентитет кај младите генерации што растат надвор од Македонија.

Претседателот на друштвото, Живко Лазаров, нагласи дека отворањето на училиштето претставува исполнување на долгогодишната цел на клубот и на целата заедница. Тој потенцираше дека вложениот труд, поддршката од родителите и заедничката посветеност резултирале со реализација на проект кој ќе има трајно значење за идните генерации.

Наставата ќе ја спроведува наставничката Кристина Петковска, а програмата е внимателно осмислена според возраста на учениците. Покрај изучувањето на македонската азбука и совладувањето на основите на читање и пишување, учениците ќе имаат можност да се запознаат и со македонската историја, традиција, култура и фолклор. Часовите ќе се одвиваат со интерактивен и едукативен пристап, со цел да се поттикне интересот и љубовта кон мајчиниот јазик.

Од клубот истакнуваат дека ваквите образовни активности имаат особено значење за одржување на врската со татковината и за градење силно чувство на припадност кај младите Македонци во Германија. Тие сметаат дека училиштето ќе биде место каде што децата не само што ќе учат, туку и ќе се поврзуваат меѓусебно преку заедничките вредности и традиции.

„Нашата заложба е децата да го научат, да го негуваат и да го почитуваат македонскиот јазик и култура. Без разлика каде живеат, важно е да ја носат Македонија во своето срце“, порача претседателот Лазаров.
Со оваа активност, клубот „Илинден“ уште еднаш ја потврдува својата мисија како активен промотор и чувар на македонската традиција и културен идентитет во Германија, оставајќи силен белег во животот на заедницата.

За повеќе информации и дискусии на вакви и други теми придружете ни се во групата Македонци во Германија.

The post Ново училиште по македонски јазик во Laatzen, Германија appeared first on Македонци во Германија.

Ова не е само почеток на часови по македонски јазик – ова е победа на идентитетот, културата и сплотеноста на македонските семејства кои со децении живеат во Германија. Денес тие го гледаат сонот претворен во реалност: нивните деца конечно ќе можат да го учат својот мајчин јазик, да ја зачуваат традицијата и да ја пренесуваат понатаму.

„Нашиот јазик е срцето на нашата култура. Тоа што македонскиот е дел од наставата по мајчин јазик е признание за нашата историја, идентитет и корени,“ порача тимот на родителската иницијатива во Рајнланд-Пфалц – Злате Ковилоски, Александар Бузлески и Оливија Штерјова. Со нивната огромна посветеност и неуморна работа, заедно со поддршката од Министерството за образование и Управата за надзор и услуги, македонската заедница денес го слави овој историски успех. Ќе има две паралелки (во зависност од возраста), а наставата ќе се одвива под раководство на професорката Марта Цветковска. На настанот присуствуваше и македонскиот конзул од конзулатот во Бон, господинот Амон Бајрамовски.

Воедно, прекрасниот настан го збогатија и г-ѓата Ана Коберлинг, ценета политичарка од Кобленц, како и господинот Мартин Ломер, директор на училиштето кое отстапи простории за македонски јазик.

Освен нив, организаторите на оваа иницијатива упатија огромна благодарност на г-ѓа Карина Абрамијан од ADD KOBLENZ за огромната поддршка.

Значаен допринос во целиот проект имаше и Агенцијата за иселеништво на Република Македонија, која преку раководителот за односи со дијаспората, госпоѓата Билјана Костова обезбеди учебници по македонски јазик.

Наставата ќе започне на 29-ти август 2025 и ќе се одржува секој петок во Основното училиште Астерштајн, Кобленц. Овој настан не е само за учењето на јазикот – тој ја зајакнува врската помеѓу генерациите, потсетувајќи нè дека корените никогаш не треба да се заборават и дека повеќејазичноста е сила и богатство за целото општество.

Денес, македонската заедница во Кобленц и пошироко може гордо да каже: „Нашиот јазик е жив, нашата култура е признаена, нашиот идентитет е почитуван.“

За повеќе информации и дискусии на вакви и други теми придружете ни се во групата Македонци во Германија.

The post За прв пат официјална настава по македонски јазик во Кобленц appeared first on Македонци во Германија.

Но што всушност значи „подобар живот“? Дали тоа се мери во евра, во мир во душата, во блискост со фамилијата, или пак во можности за децата? Решивме да ги ставиме на вага двете земји, преку неколку важни аспекти.

Економијата – срцето на секојдневниот живот

Во Германија, економијата е стабилна, платите се високи, а шансите за напредување се реални. Работничките права се заштитени, а дури и со просечна плата може пристојно да се живее.

Во Македонија, платите се значително пониски, но и животните трошоци се поскромни. Ако човек има свој дом и скромен начин на живеење, може да помине без големи финансиски грижи – но шансите за економски напредок се ограничени.

На крај, кога станува збор за пари и стабилност – Германија води.

Здравство – кога ќе не фати нешто, каде сакаме да сме?

Никој не сака да оди по лекари, ама кога ќе затреба – многу значи каде си. Во Германија, здравствениот систем е модерен, ефикасен и точен – но задолжително се плаќа здравствено осигурување.

Во Македонија, здравството е достапно за сите, барем на хартија. Практиката, сепак, варира – одлични лекари, но често недостиг на ресурси. Приватното здравство е на високо ниво, но скапо.

Ако се мислиме каде да бидеме ако сериозно се разболиме – Германија дава повеќе сигурност.

Цената на секојдневието

Животот во Германија е скап – кирија, храна, транспорт – сè чини. Но и платите се прилагодени на тоа. Во Македонија, сè е поевтино, особено ако се има сопствен дом. Комуналиите, храната, па дури и излегувањата – сè е подостапно.

За оние кои сакаат релаксиран, скромен живот без големи трошоци – Македонија нуди олеснување.

Баланс меѓу работа и живот

Во Германија, работното време е строго регулирано. Има платено отсуство, почитување на приватноста, па дури и викендите се свети.

Во Македонија, пак, нештата се понекогаш неформални. Работното време е флексибилно – иако тоа често значи и помалку права. Сепак, таа флексибилност му овозможува на човек да биде “снаодлив” и да работи на повеќе страни.

Зависно од приоритетите – некој ќе ја избере германската структура, а некој македонската слобода.

Човечкиот контакт – душата на живеењето

Во Германија, луѓето се културни, но резервирани. Секој си го чува својот простор. Пријателства има, но се градат со време.

Македонија, пак, дише со блискост. Семејството, комшиите, пријателите – сите се дел од секојдневниот живот. Има некоја топлина што не се мери во пари.

За многумина – оваа е причината зошто никогаш не би ја напуштиле Македонија.

Образованието и иднината на децата

Во Германија, образованието е систематски организирано, добро финансирано и нуди многу можности. Стипендии, размена, специјализации – сето тоа им е на дланка на младите.

Во Македонија, образованието е пристапно, но не секогаш квалитетно. Многу млади по дипломирањето се чувствуваат изгубено – со малку шанси за работа и напредок.

Ако размислуваш каде децата ќе имаат повеќе можности – Германија носи предност.

Патишта, сообраќај и секојдневен стрес

Да, Германија има одлична инфраструктура. Но и гужви, застои, паркинг проблеми. Понекогаш треба час и пол само да стигнеш до работа.

Во Македонија – улиците не се идеални, но и нема толкава гужва. Ако живееш блиску до работа, пешачиш, или возиш – стресот е помал.

Заклучок: Што значи „подобар живот“?

Ако за тебе „добар живот“ значи кариера, стабилност, добро здравство и образование – тогаш Германија е твојата дестинација.

Но ако ти се поважни блискоста со семејството, ниските трошоци, и едноставен живот со луѓе што ги познаваш од мали нозе – тогаш Македонија е домот кој не се напушта лесно.

А ти, што мислиш? Каде е подобар животот?
Сподели го твоето мислење во коментарите
Ако те интересираат вакви теми, приклучи се во Фејзбук групата Македонци во Германија, каде што секојдневно споделуваме искуства, совети и реални приказни од двете страни на животот.

The post Каде е подобар квалитетот на животот: Македонија или Германија? appeared first on Македонци во Германија.

При вакви Клаус-констатации, т.е. клаустации, често се потсеќам на муабетот со црвенокосата госпоѓа во поодминати години од мојата зграда во Кобленц, Frau Münzel-Bock. Секогаш тип-топ средена, администратор на станарите, наоружана со соодветни, топли, зборови и совети при секоја наша „лифт-средба“. Нетипична „чиста“ Германка, елоквентна госпожетина, која им пркоси на предрасудите за швабите. Се истакнува физички, висока женетина преку 175см, скоро секогаш со свежо исфарбана црвена коса и мисловно, со бабска емпатија, емоционална интелигенција што знае да реагира соодветно во секоја прилика. Далеку над просечната германка Корина, вечно со несредена, а богами и често мрсна коса, последно нашминкана од матурската вечер, а може ни тогаш. За емпатијата и емоционалната интелигенција на Корина, не вреди уста да отворам, т.е. мастило да трошам. Дигитално мастило. Може сум се препознал во одредени постапки на Frau Münzel, затоа и ми е драга. Да пркосиш на системот и неговиот отпор во безброј наврати, да си го „тераш патот“ според свои убедувања и притоа да останеш присебен и приземјен при секоја несекојдневна ситуација. Само стави германска граматика, културна, социјална и секој преостанат тип на интеграција, транзиција од балкански кон западноевропски структури и вредности on top of it.

Нејсе, не целосна транзиција, не за сите вредности. Има fine tuning и тука. А, да, да се вратиме на elevator pitch на Frau Münzel. М: „Herr Poposki, многу убаво јас ја согледувам и ја резонирам цела ситуација“ Љ: „Каква ситуација, Frau Münzel?“ М: „Ех, каква. Па културно интеграциска, е таква, млад господине. Овој, Herr Asimov, казакстанецот под вас, има пет деца, од кои три ги „шлепа“ во станот наменет за четиричлено семејство. Знаеш и самиот дека киријата му е целосно покриена од државата.

Врз база на дадени лажни фамилијарни податоци на институциите. Срамота, Herr Poposki. Покрај социјалното, зема и по 250Eur месечно за секое дете. Од в година, 255. А тој, мажот, главата на семејството, ништо не работи. Вечно на боледување. Жената ја носи цела фамилија на грб!“ Љ: „И државата, Frau Münzel, и државата, значи и вие и ние ги носиме малку на грб. И ве молам, Љупчо.“ М: „Е, баш така, а од друга страна, вие, кои работите откако сте завршије студии на странски јазик во туѓа земја, немате ниту еден ден да сте биле невработени, а за тоа плаќате на државата преку 40% данок од вашите примања. Па не може да ве ставаат сите странци во исто тенџере Љупчо, не е фер!“ Само благо се насмеав и и´реков: Љ: „Така е, но има многу полоши ствари на светов, Frau Münzel. Не се жалиме ние, не е фер, ама нејсе. Германија била и останала социјална земја. Да има за сите, кога нема за едните, другите да го покријат тоа, преку дел од данокот, во случајов“

М: „Да, јас го оправдувам, ама боли Љупчо, и нас Германците не´боли кога гледаме до кој степен се злоупотребува тој наш систем, направен за севкупен добробит на сите. А примери како Asimov, каде и да се завртиш!“ Љ: „Така е, Frau Münzel, ама и тоа ќе се среди, се во свое време. М: „Мора Љупчо, мора!“ Го напушти лифтот, тропајќи со црното бастунче и погледнувајќи ме длабоко со нејзините големи очи. Поглед на недокажаност. Знае дека знам што мисли. Не смее гласно да го каже тоа. Си носи друго бреме таа нивна генерација и поради тоа уште им се затворени устите на многу теми. Но, на поновите генерации, не им се. Јасно си го кажуваат својот став и што им смета од дојденците.

Asimov & family беа депортирани во ситни саати. Типично германски, дискретно, да не паѓа во очи. One way ticket за Astana. Нека, со право, правилата треба да бидат исти за сите. Ние сме гости кај нив, тие ги сетираат иститие. Но, нека земат повеќе тенџериња во предвид. Поголеми, помали, со поклопец, без. Rostfrei, зарѓани, you name it. Во германската кујна има место колку ти душа сака…

Базирано на вистинска приказна.

Љупче Попоски. 23.03.2025

The post Интеграциски тенџериња appeared first on Македонци во Германија.

Во срцето на Ханау, на адреса Рикертштрасе 3 (овде линк од Instagram), се крие вистинско гастрономско богатство – Скала Кафе и Ресторан. Овој ресторан, познат по својата уникатна комбинација на македонски и интернационални специјалитети, е место каде што се ужива во секој залак, каде секој момент станува посебен, а секој гостин се чувствува како дома.

Приватна и Топла Атмосфера

Скала Кафе и Ресторан е внимателно осмислен простор кој нуди топлина и удобност како дома, но со доза елеганција што го прави совршен за секоја пригода – од интимни вечери до семејни собири и деловни ручеци. Просторот е уреден со вкус и внимание на деталите, создавајќи пријатна атмосфера која повикува на релаксација. Без разлика дали уживате во утринското кафе или во специјалитетите за вечера, амбиентот на Скала ќе ви остави траен впечаток.

Врвна Храна – Уметност на Чинија

Кујната на Скала Кафе и Ресторан е вистински рај за љубителите на добрата храна. Менито нуди внимателно подготвени јадења, почнувајки со разни варијации на македонски салати и предјадења, поховани даски и сочни ќебапчиња со кајмак, тавче гравче и други македонски специјалитети па се до совршено зачинети италијански тестенини и други интернационалци специјалитети.

Секое јадење се подготвува со посветеност и страст, користејќи само најквалитетни состојки за да ги задоволи и најпребирливите гурмани.
Целото мени можете да го симнете ОВДЕ

Љубезен Персонал – Гостите Секогаш на Прво Место

Персоналот на Скала Кафе и Ресторан е симбол на љубезност и професионалност. Секој член на тимот, од келнерите до готвачите, е посветен на создавање незаборавно искуство за секој гостин. Секогаш подготвени да ги исполнат вашите желби, тие ќе ви предложат најдобри специјалитети и ќе се погрижат секој момент поминат во ресторанот да биде совршен.

Особено впечаток остава сопственикот на ресторанот, чија присутност дополнително ја збогатува пријатната атмосфера. Со неговиот личен пристап и срдачност, секој гостин се чувствува како дел од големото семејство на Скала.

Идеално Место за Славења

Без разлика дали планирате интимна прослава или поголем собир, Скала Кафе и Ресторан е вистинскиот избор. Уживајте во врвната храна и гостопримството додека ги славите вашите посебни моменти со семејството и пријателите.

Доживејте ја Магијата на Скала

Скала Кафе и Ресторан работи од вторник до недела, овозможувајќи ви да уживате во нивните вкусови во текот на целиот ден. Посетете го ресторанот, резервирајте го вашето место на време и препуштете се на магијата на вкусот и топлата атмосфера што ја нудат.

За повеќе информации и резервации јавете се на 06181 6689717 или посетете ја нивната веб-страница www.scala-hanau.de. Дојдете и уверете се зошто Скала Кафе и Ресторан стана омилено место за сите кои бараат незаборавно гастрономско доживување во Ханау.

За повеќе информации и дискусии на вакви и други теми придружете ни се во групата Македонци во Германија.

The post Кафе-Ресторан Скала во Ханау, вкусот на Македонија среде Германија appeared first on Македонци во Германија.

Д-р Илков потекнува од Струмица, Македонија. Во Германија е од 2012 година. Моментално живее и работи во градот Neuburg an der Donau  во покраината Bayern (Баварија).

Негова специјалност е микроинвазивната descensus I inkontinenz- хирургија со субспецијалност vo гинеколошката онкологија, а воедно е и сертифициран оператор за карцином на дојка. Хоби му е фитнесот, со кој се бави од својата 15-та година. Врските со Македонија редовно ги одржува и често доаѓа во Македонија.

Сите што имаат било какви прашања поврзани со неговата работа, може да му пишат на неговиот Instagram профил, ЛИНК . Доколку е во можност, Д-р Илков ќе ви даде бесплатен стручен совет (ве молиме да не ја злоупотребувате оваа добрина за прашања надвор од неговата специјалност)

Нашата редакција му честита за престижното унапредување и му посакува многу успех на професионално поле, но и на приватен план.

За повеќе информации и дискусии на вакви и други теми придружете ни се во групата Македонци во Германија.

The post Доктор Илков, Македонец Chefarzt во Германија appeared first on Македонци во Германија.

VinoStory не само што се обидува да продава вина, туку и преку своите блогови дегустации се труди да раскаже дел од богатата македонска традиција и историја.

На здравје!

Кај нас можете да ги најдете класиците Т’га за југ, Александрија, Александар, Мускат Темјаника, но и многу други вина кои се етаблираат на пазарот со нивниот квалитет. Нашата цел и визија е покрај реномираните винарии како Тиквеш и Бовин на нашите купувачи да им понудиме избор на вина и пијалоци од познати винарии како Камник, Брзанов, Лазар…

Доколку сакате вашата трпеза да ја облагородите со чаша од големиот избор на вина од Вранец или чашка лозова ракија, нарачајте и за 2-3 работни дена ќе ја добиете порачката пред вашата врата.

Ако ви треба совет или ви требаат специјални подароци и поголеми нарачки, едноставно испратете е маил или јавете ни се телефонски за да нè контактирате.
Е-Маил: kontakt@vinostory.de
Тел: +49(0)1575-0477-095.

За повеќе информации и дискусии на вакви и други теми придружете ни се во групата Македонци во Германија

The post Онлајн продавница VinoStory. Вкусот на татковината во една голтка вино или ракија… appeared first on Македонци во Германија.

Дали се работи за осигурување, штедење, кредити, станбено прашање – сега имате сè на едно место. Можете да го контактирате за сè што ве интересира. Добивате најдобри услуги на пазарот во Германија. Голема предност е што секој договор ќе ви биде објаснет на македонски јазик за да може точно да знаете што потпишувате. Од почеток до крај сè на едно место: отварање сметка, пријавување за здравствено осигурување, осигурување стан па сè до купување на стан.

Доколку сте слушнале за повеќе осигурувања но не сте сигурни кое ви е потребно, без гајле, контактирајте, ќе ја разгледа вашата ситуација и според тоа ќе добиете повеќе понуди што би одговарале на вашиот животен стил.

Кредити: Многумина прашуваат за кредити со работна виза – да тоа е возможно. Рефинансирање на постоечки кредит исто така може да добиете, или пак затворање кредит во Македонија. Станбени кредити – потребно е еден од кредитобарателот да има ЕУ пасош или постојани документи (Niederlassung). Осигурувања: Сите видови на осигурување, додатни здравствени осигурувања како и приватни здравствени и пензиски осигурувања. Осигурување на автомобил, осигурување од болест, животни осигурувања итн. Осигурувања за фирма: Сите осигурувања за една фирма, од осигурување од одговорност до осигурување за вработените. Штедење: За луѓето кои сакаат да штедат за себе или пак за своите деца, прекрасни планови за штедење и за градење на сигурна иднина.

За повеќе информации и дискусии на вакви и други теми придружете ни се во групата Македонци во Германија.

The post Климент Анев, наш човек за осигурување и кредити во Германија appeared first on Македонци во Германија.

Имено на 15.09. 2024 со благослов на Високопреосвештенеишиот Митрополит Европски г. Пимен ќе биде осветен и поставен камен темелникот на новата црква посветена на “свети Климент Охридски”во Берлин. На овој историски настан очекуваме гости од цела Европа, а и од другите континенти.

Инаку проектот е веќе готов, автор е архитект Елена Цонева, а кординатор на проектот е архитект Мариан Јозеф Тебел. Како што се гледа и од скицата подолу црквата ќе биде на две нивоа и тоа во долниот дел ќе бидат црковните простори со површина од 150 m2 а во горниот дел ќе биде црквата и таа ќе има површина од 100 m2.

Моментално богослужбите се вршат во наш параклис (мала црква) посветена на “Рождество на Пресвета Богородица”, изградена во 2009 година. Новата црква ќе биде изградена на истиот плац до параклисот (мала црква).
Адреса: Osdorfer Straße 16, 12207 Berlin.

Очекуваме овој проект да биде подржан од сите Македонци во светот преку финансиска помош, на трансакциската сметка од Црквата во Берлин. Исто така, може да се помогне, со машини, материјали (железо, бетон итн) и со работа. На тој начин Црквата би се завршила побрзо од две години.

Berliner Volksbank eG
IBAN: DE06 1009 0000 5726 9810 02
BIC: BEVODEBB
Verwendungszweck: Errichtung eines Kirchengebäudes

Телефон за контакт: 017661358101 отец Оливер Новески

Facebook профил Отец Оливер Новески ЛИНК

Facebook профил Црковна Општина Свети Климент Охридски Берлин ЛИНК

За повеќе информации и дискусии на вакви  но и на други теми придружете ни се во групата: Македонци во Германија. ЛИНК

The post Изградба на нова македонска православна црква во Берлин, главниот град на Р. Германија appeared first on Македонци во Германија.

Директно од наставничката Димова-Гомбар го добивме следното изведување.

Почитувани,

сакам да ве информирам дека и оваа година, четврта по ред продолжуваме со онлајн курсеви по македонски јазик за странци.
Овој вид на курсеви по македонски јазик за странци како единствен во Сојузна Република Германија за првпат беше понуден преку институција Volkshochschule во Диселдорф. Таа го понуди македонскиот јазик како 36 јазик во нивната јазична палета.

Oвој курс е наменет за возрасни странци кои што (не)знаат да зборуваат, читаат или пишуваат македонски, но имаат сопруг/а, пријатели, вработени или некаква друга дејност поврзаност со македонскијот јазик и истиот би сакале да го изучуваат.
Цената на курсот за 9 недели изнесува 108 евра.
Наставата ќе се одвива онлајн секој четврток од 18:30 до 20:15 часот. Започнуваме наредниот четврток на 29.02.2024.
Крајниот рок за пријавување е до вторник 27 февруари. Местата се ограничени затоа побрзајте.

Пријавувањето се врши на следниов линк: https://vhs.duesseldorf.de/programm/sprachen/englisch/kursangebote-von-a1-bis-c2/kurs/Onlinekurs-Mazedonisch-A11/D566001-D

Одржувањето на овој курс го поддржуваме од почеток. А на самиот почеток пред 3 години реализиравме интервју со доцентката Димова-Гомбар.
Интервјуто во кое можете да прочитате повеќе детали за овие курсеви може да го најдете на следните линкови:
КЛИКНИ ОВДЕ за германски јазик и
ОВДЕ за македонски.

За повеќе информации и дискусии на вакви  но и на други теми придружете ни се во групата: Македонци во Германија. КЛИКНИ ОВДЕ

The post Екслузивно: Онлајн курс по македонски јазик за странци и оваа година во понудата на Volkshochschule Düsseldorf appeared first on Македонци во Германија.