Госпоѓо Глазер, „Враќање дома“ им нуди совети на луѓето кои размислуваат да се вратат во својата татковина. Може ли да се дојде на советување дури и ако некој сè уште не е сигурен дали навистина сака да се врати?
Нашето советување ве запознава со сите можности. Не мора веднаш на првиот состанок од советувањето да се донесе одлука за враќањето. Прво појаснуваме зошто некој дошол на советување — главните причини обично се обврска за заминување, лични или семејни причини, промена на ситуацијата во државата на потекло, болест, возраст или носталгија. За време на советувањето важно е да се разјасни индивидуалната ситуација — семејната, здравствената, дали клиентот работи, какви се очекувањата во однос на враќањето и/или професионалната перспектива во татковината, и на какви структури може да се потпре во државата на потекло.

Некои луѓе веќе решиле дека сакаат да се вратат. Други пак, сè уште размислуваат дали сега е вистинскиот момент за тоа. За нас, не е проблем ако некој одлучи да не се враќа. Во секој момент човек може да ја повлече одлуката за враќање. Секако, важно е да се разговара со лицето што бара совет за перспективата во однос на престојот, бидејќи ние не можеме да влијаеме на тоа.
Каков вид статус на престој имаат луѓето што доаѓаат на советување за можноста за враќање во нивната татковина?
Некои луѓе што доаѓаат кај нас на советување сè уште се во постапка за добивање азил, кај други барањето за азил е одбиено и имаат обврска да ја напуштат државата. Некои од оние што бараат совет сè уште немаат поднесено барање за азил. Исто така доаѓаат и луѓе кои имаат дозвола за престој или постојан престој, но сепак сакаат да се вратат во државата на потекло.

Што дополнително нуди „Враќање дома“?
Покрај индивидуалното советување, нудиме поддршка при организирање на патувањето, посредуваме во соработката со Сојузната служба за миграција и бегалци (BAMF) за организирање на летот и за добивање финансиска помош, доколку е можно. Исто така помагаме при добивањето на патни исправи.
За нас е важно лицето да размисли што може професионално да прави во државата на потекло. Мора само да се издржува. Во многу малку држави постои систем за социјална помош, затоа е важно човек релативно брзо да најде работа за да си обезбеди егзистенција.
Постојат програми за поддршка на национално ниво и нашите советници добро се запознаени со нив. Конкретната помош за реинтеграција зависи од државата на потекло. Ако треба, ние ги поднесуваме потребните барања за лицето што се враќа да добие што е можно поголема поддршка.. Ако, на пример, некој има потреба од лекови, можеме да му обезбедиме лекови за три месеци. Тоа е важно, бидејќи честопати е потребно време за повторно вклучување во здравствениот систем во државата на потекло. На тој начин лицето е сигурно дека ќе има лекови за неколку недели.
Госпоѓо Глазер, дали секој може да побара поддршка за враќање и реинтеграција или постојат одредени услови?

Во секој случај мора да се докаже финансиска слабост, на пример со тоа што лицето прима надоместоци за азил, или социјална помош, или надоместок за невработеност. Поддршка може да се добие и за низок приход. Постојат т.н. плафон на доделен приход. Ако примањата се под оваа граница, може да се добие поддршка од сите постоечки програми.
Што се случува ако некој се врати по повеќегодишна работа во Германија? Дали тогаш се губат уплатените придонеси за пензиско осигурување?
Ако некој работел, многу е важно пред заминувањето да стапи во контакт со пензиското осигурување. Во поединечни случаи има можност по две години од заминувањето да се побара поврат на придонесите за пензиско осигурување. Со некои држави на потекло има склучени договори за социјално осигурување и тогаш тоа не е можно, но многу често може да се добијат назад придонесите што самото лице ги уплатило. За тоа е особено важно пред заминувањето да се имаат сите потребни документи и да сте разговорале со пензиското осигурување.

Во рамки на подготовката за заминување, заедно со клиентите го разгледуваме барањето и ги подготвуваме потребните документи кои треба да се достават до Германскиот пензиски фонд по истекот на двете години.
Што би рекле дека е најважната работа што некој треба да ја има предвид ако размислува да се врати во својата татковина?
Важно е луѓето благовремено да дојдат на советување. Треба да се одвои доволно време за добро подготвување на заминувањето и за да се размислат сите можни сценарија. Ако, на пример, некој е болен и редовно зема лекови, важно е навреме да се разговара со матичниот лекар. Треба да се утврди дали лековите се достапни во државата на потекло, и ако не се, дали има смисла да се премине на друг лек. Тоа трае секако одредено време.
При враќање на семејства со деца кои одат на училиште, можеби е добро да се почека да заврши учебната година, за децата да ги добијат свидетелствата. Важно е заминувањето да се подготви навреме, со добра проценка и претпазливо.

Кога се враќаат самохрани жени, одблиску соработуваме со женската организација Solwodi која работи низ цела Германија. Нивниот персонал повторно разговара насамо со жената, за да види дали може да ѝ се помогне во враќањето во професијата.
Имавме, на пример, самохрана жена од Косово , која за време на војната во 2000 година побегна со својот сопруг и двете деца во Минхен. Обајцата студирале медицина во Приштина. Морале да го прекинат студирањето и живееле во бегалски центар во Минхен. Трагично, но нејзиниот сопруг починал таму и таа останала сама со своите две деца. Нејзините најблиски роднини сè уште биле во Косово и таа имала желба да се врати. Заедно со Solwodi и други организации ѝ овозможивме да ги продолжи студиите по медицина во Приштина. Во тој период таа доби финансиска поддршка за станарина, за градинка, училиште и за дневен престој на децата. Со многу заложба и истрајност младата жена ги заврши студиите по медицина. Сега работи како лекарка во Приштина. Се обидуваме да помогнеме, колку што можеме, но главната заслуга е на самиот повратник.
Ви благодариме, госпоѓо Глазер. Пред да го завршиме разговоров, има ли нешто што сакавте да ни кажете?
Темата за враќањето честопати се гледа со негативна конотација. Не сакаме никого да убедуваме или да принудуваме на повраток. Советувањето е отворена можност. На враќањето треба да се гледа како на една од опциите. „Миграцијата не е еднодимензионална, таа вклучува и враќање.“ Важно е луѓето кои сакаат да се вратат навремено да побараат совет и да се информираат за можностите, без да мора да донесат одлука.

Ако вие, или некој што го познавате, размислува за доброволно враќање, може бесплатно да се информирате во една од над 700-те советувалишта за враќање во Германија. Советувањето за повраток е доверливо, непристрасно и необврзувачко. Учеството во советување нема никакво влијание врз вашиот статус на престој или постапката за добивање азил. Такво советовалиште за враќање има и во ваша близина и може да се информирате на информативниот портал за доброволно враќање и реинтеграција (ReturningfromGermany.de). Ако живеете во областа на Минхен и сакате да стапите во контакт со „Враќање дома“, слободно посетете ја нивната веб-страница Coming Home Website
Оваа статија е објавена во рамките на проектот спроведен од Меѓународната организација за миграција (МОМ), кофинансиран од Фондот за азил, миграција и интеграција (AMIF) на ЕУ и од Сојузната служба за миграција и бегалци (BAMF).

За повеќе информации и дискусии на вакви и други теми придружете ни се во групата Македонци во Германија.

The post „Миграцијата не е еднодимензионална, таа вклучува и враќање.“ appeared first on Македонци во Германија.

Како и со повеќето гости во изминатите епизоди на поткастот, и оваа епизода ќе биде презентирана во два дела.

Во првиот дел, Александар ни раскажува за периодот кога сеуште бил во родното Скопје и слабите можности за вработување и напредок во кариерата, и покрај тоа што во тоа време веќе бил на магистерски студии. Па така, свесен за целата ситуација, одлучува да си ја проба среќата во Германија. Како и многу други млади луѓе почнува од првата отскочна даска, а тоа се рестораните за брза храна ( во овој случај McDonald’s во градот Линдау, кој се наоѓа на брегот на убавото Боденско езеро, на самата граница со Австрија).

После успешната студентска работа од околу 3 месеци се враќа во Скопје. Но германскиот начин на живот очигледно му се допаѓа и набрзо потоа одлучува повторно да се врати во Германија.

Преку групата Македонци во Германија стекнува многу совети околу првичните чекори (сместување, работа, документација и слично) и овој пат доаѓа во престолнината на Баварија , Минхен. Соочен со најголемиот проблем во Минхен (сместувањето) на почетокот мора да дели малечка соба со цимери, за да на крајот конечно дојде до мало станче од дваесетина квадратни метри.

Егзистенцијата за почетокот во Минхен повторно мора да ја бара во McDonald’s. Свесен дека тоа е прилично стресна работа, после извесно време почнува со работа и на други места.

Во една фирма каде веќе работел 2-3 години неочекувано добива отказ во период кога бил на боледување.

После кратки консултации, одлучува да ангажира адвокат и правдата да ја бара на суд. За среќа, си плаќал правно осигурување (Rechtsschutz) па речиси сите трошоци за адвокатот биле платени од страна на неговата осигурителна компанија.

За сите детали погледнете го првиот од двата дела од поткастот со Александар во понеделник ( 13.03.2023 ) во 21 часот на нашиот YouTube канал Makedonier in Deutschland Македонци во Германија.

За повеќе информации и дискусии на вакви и други теми придружете ни се во групата Македонци во Германија.

The post Фото и Видео:Судење со работодавачот во Германија appeared first on Македонци во Германија.

Детали за првиот дел од оваа епизода може да видите на нашиот портал ЛИНК.

Ова интервју предизвика огромен интерес. Па така по објавувањето добивме огромен број на пораки од луѓе кои сакаа да стапат во директен контакт со Виктор без да знаат дали тој воопшто уште се занимава со тоа што го работел на почетокот кога дошол во Германија.

Одговор на прашањето како со одвивал патот на Виктор овде во Германија ќе добиете во вториот дел. Во кој ќе зборуваме за многу интересни случки кои ги поминал Виктор во Германија. Ќе дознаете и за односот кон него на луѓето на кои им помогнал да дојдат во Германија. Видете колку од нив стиснале заби и останале овде. Виктор ќе раскаже и за тоа со што се занимава денес, како и за добрите и лошите страни на животот во Германија:

За повеќе информации и дискусии на вакви и други теми придружете ни се во групата Македонци во Германија.

The post Фото+Видео:47 работни визи за Германија – втор дел appeared first on Македонци во Германија.

Во првиот од двата дела од емисијата, Виктор за прв пат јавно проговори за проблемите кои ги имал во Македонија, а кои за многу брзо време станале пресудни за да извади карта во еден правец.

Имено, Виктор од прва рака ни раскажа за проблемите во македонскиот здравствен систем кои тој ги искусил во периодот непосредно пред да тргне за Германија. Конкретно, имале многу несакани моменти поврзани со животот на неговата ќеркичка која во тоа време (околу 2015 година) сеуште била мало бебе. Ни раскажа како здравствените власти во Македонија си ваделе дијагнози од ракав за малата ќеркичка, за да на крајот се испостави дека речиси ништо од тоа не е точно. Во трајно сеќавање им останал само стресот и трчањето низ македонскиот здравствен лавиринт.

Втората капка која ја прелила чашата на Виктор бил неговиот извор на егзистенција. Имено, во тоа време имал две свои продавници во Дојран со неколку вработени. Но како и многумина, не успеал да опстане во системот кој за некого е мајка а за некого маќеа.

Тука веќе донесува дефинитивна одлука дека среќата ќе си ја бара надвор од границите на Македонија и почнува да истражува кој би бил најдобриот начин. Во сета таа паника, за жал бил и жртва на лажни посредници за работа во странство. Конкретно, бил жртва на измамник од Бугарија кој му ветувал брда и долини, за да на крајот ги игнорира сите негови повици и пораки на Вибер.

Но, тој бил цврсто решен и не се откажал во потрагата по “ветената земја”. Во сета таа бркотница пробал да замине и за Нов Зеланд, но и таа процедура се покажала како прилично скапа и комплицирана.

Конечно, за среќа успева да дојде до работен договор за Берлин, Германија и врз основа на тој работен договор успева за брзо време да ја добие првата работна виза од германската амбасада во Македонија.

Не чекајќи ни секунда, Виктор уште истиот ден кога ја подигнал визата го фатил првиот авион и слетал на аеродромот во Берлин.

Почетокот за него бил ужасно тежок. Воедно, како што и самиот искрено признава, претходно немал многу искуство со странски земји, па културниот шок уште повеќе му ја усложнил претставата за новата средина. Но, за среќа успева да го преброди тој прв период, па за нешто повеќе од една година успева да помогне на неверојатни 47 други Македонци, да дојдат и да почнат со работа во фирмата Hermes, каде и самиот тој работел во тоа време.

За тоа што се случувало детално погледнете во видеото на следниов ЛИНК

Воедно ја користиме оваа прилика да го поканиме секој еден од вас што сака да ја раскаже својата приказна, да ни пише на нашата е маил адреса:

makedoncivogermanija@gmail.com

Придобивките од сето тоа ќе бидат: 1) совет за тие што планираат да поминат по истиот пат и 2) искрено и несебично споделување на искуството за тие што веќе се надвор од Македонија, кои неретко се пронајдуваат во тие случки.

За повеќе информации и дискусии на вакви и други теми придружете ни се во групата Македонци во Германија.

The post Фото+Видео: 47 работни визи за Германија со помош на Виктор appeared first on Македонци во Германија.

Во првите неколку епизоди ќе се раскажува воглавно за Македонци во Германија, но планирано е да има гости и од “пошироката дијаспора” (цела Европа, Америка, Канада, Австралија и тн.) Воедно, ќе гостуваат и лица кои од дијаспората се вратиле во Македонија.

Целта е од прва рака да се запознаеме со причините зошто повеќето луѓе воопшто одлучуваат да заминат, како најдуваат работа и сместување, како обезбедуваат работни документи, со кои проблеми се соочуваат и слично. Гостите раскажуваат за своите згоди и незгоди, искрено и без цензури. На тој начин ќе се разбијат многу митови и заблуди поврзани со “работата во странство”.

Сите кои размислуваат да го спакуваат целиот живот во само еден куфер, во оваа емисија ќе најдат одговор на поботните прашања кои ги мачат. Воедно, заклучете сами зошто многу не ни стигнуваат на саканата дестинација или не успеваат да го издржат тој притисок и жртва, и одлучуваат да се вратат во Македонија.

Проследете ја оваа епизода во која гостин е Драган Алексовски, по потекло од Кавадарци.Слушнете ја неговата животна приказна директно од него.

Воедно ја користиме оваа прилика да ве поканиме сите вас што сакате да ја споделите вашата приказна, да ни пишете на нашата е маил адреса:

makedoncivogermanija@gmail.com

За повеќе информации и дискусии на вакви и други теми придружете ни се во групата Македонци во Германија.

The post ВИДЕО: Азил во Германија – втор дел, со Драган Алексовски appeared first on Македонци во Германија.

Во првите неколку епизоди ќе се раскажува воглавно за Македонци во Германија, но планирано е да има гости и од “пошироката дијаспора” (цела Европа, Америка, Канада, Австралија и тн.) Воедно, ќе гостуваат и лица кои од дијаспората се вратиле во Македонија.

Целта е од прва рака да се запознаеме со причините зошто повеќето луѓе воопшто одлучуваат да заминат, како најдуваат работа и сместување, како обезбедуваат работни документи, со кои проблеми се соочуваат и слично. Гостите раскажуваат за своите згоди и незгоди, искрено и без цензури. На тој начин ќе се разбијат многу митови и заблуди поврзани со “работата во странство”.

Сите кои размислуваат да го спакуваат целиот живот во само еден куфер, во оваа емисија ќе најдат одговор на побитните прашања кои ги мачат. Воедно, заклучете сами зошто многу не ни стигнуваат на саканата дестинација или не успеваат да го издржат тој притисок и жртва, и одлучуваат да се вратат во Македонија.

Проследете ја првата епизода во која гостин е Струмичанецот Васко Коцев (алијас Артур Коцев). Слушнете ја неговата животна приказна директно од него.

Воедно ја користиме оваа прилика да ве поканиме сите вас што сакате да ја споделите вашата приказна, да ни пишете на нашата е маил адреса:

makedoncivogermanija@gmail.com

За повеќе информации и дискусии на вакви и други теми придружете ни се во групата Македонци во Германија.

The post ВИДЕО: Струмичанецот Васко раскажува за почетоците во Германија appeared first on Македонци во Германија.

Регистрирањето се прави исклучиво онлајн на следниот ЛИНК.

За повеќе информации и дискусии на вакви и други теми придружете ни се во групата Македонци во Германија.

The post Пријавување за германски визи за месец мај appeared first on Македонци во Германија.

“Апликациите за термин за месец април може да се регистрираат во листата за чекање за термин од 01.03.2022 од 10 часот до 14.03.2022 во 15 часот. Ве молиме да ја пополните регистрацијата внимателно и да ги проверите Вашите податоци пред да ги сочувате. Особено внимавајте на точноста на и-мејл адресата. За жал Амбасадата не може да направи промени или сторнирања. Доколку сте напишале погрешна мејл адреса, тогаш повторно може да се регистрирате дури следниот месец.”

Линк за пријавување ТУКА.

За повеќе информации и дискусии на вакви и други теми придружете ни се во групата Македонци во Германија.

The post Од утре почнува пријавувањето за германски визи за април appeared first on Македонци во Германија.

“Почитувани дами и господа,
драги пријатели на Германија,

Во септември 2021 година на ова место Ви ветив дека имаме намера да го подобриме нашиот систем на доделување термини за таканаречените визи за Западен Балкан. Драго ми е што денес може да Ве информирам за првиот успех:
Поради Вашите многубројни реакции и сè уште многу големиот интерес за термини за поднесување на барање за виза, од февруари 2022 г. секој месец ќе се применува постапка на лотарија. За таа намена, во февруари за првпат ќе се отвори нов список за регистрирање, кој ќе биде неприкинато отворен за подолг период (најверојатно за околу две недели). Потоа, по случаен избор, со помош на компјутерски управуван генератор во лотариска постапка, од сите регистрации ќе се извлечат оние, на кои ќе им се додели термин за месец март 2022 година.
Како и секогаш, поопширни информации може да најдете на нашата веб-страна (ЛИНК ТУКА)

Со почит
Анке Холштајн
Амбасадорка”

За повеќе информации и дискусии на вакви и други теми придружете ни се во групата Македонци во Германија.

The post Нов начин на доделување на термин за германска виза appeared first on Македонци во Германија.

Резервација на термини за наредните месеци.

Поради технички проблеми при последната регистрација на термини на 5 октомври 2021 година, се регистрираа повеќе лица отколку што тоа го дозволува списокот на чекање на термин. Амбасадата одлучи да не ги избрише „пребукираните термини“, туку на сите регистрирани лица да им додели термин до најверојатно крајот на февруари 2022 година по хронолошки редослед. Од таа причина, во месеците ноември, декември и јануари нема да има отворен список за регистрација на термин.

Ве молиме, воздржете се од прашања во врска со оваа тема.

Исто така однапред би сакале да Ве информираме, дека Амбасадата најверојатно на почетокот на наредната година ќе воведе промена во врска со регистрацијата и доделувањето на термините. На тој начин регистрацијата ќе се поедностави. За конкретните детали ќе бидете благовремено информирани-стои во сопштението на Фјесбук страната на Гермaнската амбасада во Скопје

За повеќе информации и дискусии на вакви и други теми придружете ни се во групата Македонци во Германија.

The post Лоши вести од германската амбасада во Скопје – стопирани термините за виза!!! appeared first on Македонци во Германија.