Во ова ексклузивно издание дознајте од прва рака кој бил главниот мотив нашиот пријател Маркус да се одлучи на еден ваков навидум несекојдневен чекор. Додека повеќето мигрираат на релација Македонија-Германија, Маркус кој претходно со својата сопруга (која е Македонка) и детето живееле во неговиот роден град во Баварија, решаваат да одат во спротивен правец, и заминуваат во топлата Струмица. Таму живеат до ден денес, и како што ни раскажа и самиот Маркус, уживаат во животот без многу стрес, опкружени со топлиот македонски менталитет. Дознајте што е тоа што го натерало Маркус да го замени подобриот животен стандард за топлата Македонија.

Видеото премиерно ќе се прикажува на нашиот YouTube канал во понеделник (17.04.2023) во 21:00 часот. Уживајте :

Воедно ја користиме оваа прилика да ве поканиме сите вас што сакате да ја споделите вашата приказна, да ни пишете на нашата е маил адреса:

makedoncivogermanija@gmail.com

За повеќе информации и дискусии на вакви и други теми придружете ни се во групата Македонци во Германија.

The post ВИДЕО: Маркус, Германец кој живее и работи во Македонија appeared first on Македонци во Германија.

Видеото стандардно ќе се прикажува на нашиот YouTube канал во понеделник (03.04.2023) во 21:00 часот.

Воедно ја користиме оваа прилика да ве поканиме сите вас што сакате да ја споделите вашата приказна, да ни пишете на нашата е маил адреса:

makedoncivogermanija@gmail.com

За повеќе информации и дискусии на вакви и други теми придружете ни се во групата Македонци во Германија ЛИНК.

The post Најава: Заедно со фамилијата до своја куќа во Германија!!! appeared first on Македонци во Германија.

Иако има исто име и презиме со неповторливиот селектор на македонската фудбалска репрезентација (Игор Ангеловски-Мрме) нашиов Игор е потполно различен и физички, и по својот животен пат.

Во првиот од двата дела, Игор ни раскажа за неговиот тригодишен престој во САД, во потрага по “американскиот сон”, по што повторно се враќа во Скопје, каде неколку години е на добра позиција во MICROSOFT MACEDONIA.

Некаде во 2017-2018 Игор сепак одлучува дека “таму некаде” ќе најде “подобар живот” за себе и за семејството, па заминува за Берлин, Германија каде останува неколку месеци. Од таму заминува во Братислава, Словачка каде останува околу 1 година, но фактот дека е разделен со семејството го тера да бара трајно решение.

Па така, со големи напори успева да се избори за работа каква што тој смета дека заслужува, и станува сениор менаџер во PUMA GERMANY, каде е до ден денес. За тоа како успеал да се снајде во голема компанија каде службен јазик е англискиот, и за другите детали, не ја пропуштајте премиерата на првиот дел од приказната со Игор, во понеделник (27.03.2023) во 21:00 часот на нашиот YouTube канал Македонци во Германија.

За повеќе информации и дискусии на вакви и други теми придружете ни се во групата Македонци во Германија.

The post ВИДЕО:Од американски сон до германска реалност во PUMA appeared first on Македонци во Германија.

Уживајте во кратката галерија со слики кои Александар без размислување ги сподели со нас:

Видеото стандардно ќе се прикажува на нашиот YouTube канал во понеделник 20.03.2023 во 21:00 часот.

Воедно ја користиме оваа прилика да ве поканиме сите вас што сакате да ја споделите вашата приказна, да ни пишете на нашата е маил адреса:

makedoncivogermanija@gmail.com

За повеќе информации и дискусии на вакви и други теми придружете ни се во групата Македонци во Германија.

The post Македонец оди по невеста од Германија во Кенија appeared first on Македонци во Германија.

Детали за првиот дел од оваа епизода може да видите на нашиот портал ЛИНК.
А целото видео може да го изгледате ОВДЕ.

Оваа интервју предизвика огромно внимание. Па така по објавувањето добивме огромен број на пораки но и многу луѓе сакаа да стапат во директен контакт со Виктор без да знаат дали тој воопшто уште се занимава со тоа што го работел на почетокот кога дошол во Германија.
Одговор на оваа прашање и многу повеќе ќе добиете во вториот дел. Во кој ќе зборуваме за многу интерсни случки кои ги поминал Виктор во Германија. Ќе дознаете и за одност кон него на луѓето кои со негова помош дошле во Германија. Виктор ќе раскаже и за тоа со што се занимава денес.

За повеќе информации и дискусии на вакви  но и на други теми придружете ни се во групата: Македонци во Германија ЛИНК

The post Премиера: Понеделник 20-ти Февруари во 21 Часот appeared first on Македонци во Германија.

Неприкосновениот крал на божиќниот декор, елката, се појавува во ходниците и дневните соби ширум светот, на врвот со ѕвезда, ангел или друг вид декорација во зависност од желбата на секое домаќинство.

Но, како оваа чудна практика да се носат дрвја во затворен простор за да се накитат со светла и украси стана традиција низ целиот свет?

Приказната започнува токму овде, во Германија….

Додека зимзелените дрвја отсекогаш имале посебно значење за луѓето ширум светот во текот на зимата, а украсувањето домови за време на студеното зимско време било вообичаена практика долго пред христијанството, првото поставување на новогодишни елки за да се прослави празникот било забележано во Германија, некаде околу 1500 година.
Приказната вели дека во 1510 година група германски трговци, кои биле членови на еснафот наречен Братство на црни точки, поставиле смрека пред нивното седиште и ја запалиле за да го прослават раѓањето на Исус. Оттогаш, традицијата се рашири низ Германија, а од средината до крајот на 16-ти век, дрвјата беа подигнати на градските плоштади низ целата земја, украсени со хартиени цветови и ѓевреци и палени секоја година за да го прослават празникот.

На протестантскиот реформатор од 16-ти век, Мартин Лутер често му се припишуваат заслуги за започнување на традицијата во Германија, иако записите покажуваат дека првите дрвја се појавиле во земјата дури години по неговата смрт во 1546 година. И покрај тоа, легендата сè уште вели дека се појавил Лутер со идејата во 1536 година додека шетал низ борова шума, восхитувајќи се на начинот на кој светлината од ѕвездите блескала низ дрвјата.

Германците воведоа новогодишни елки во Америка, Англија и Франција

Како што манијата на новогодишните дрвја се шири низ Германија, трендот почна да се прелева и во остатокот од светот. Германските доселеници во Пенсилванија ги донеле дрвјата во Америка, додека германскиот сопруг на кралицата Викторија, принцот Алберт, се вели дека “го извезол” овој тренд во Обединетото Кралство.

Набргу потоа новогодишните елки станаа задолжителен орнамент во британските високи класи. Со слично кралско поврзување, војвотката од Орлеанс, од Мекленбург-Западна Померанија, се вели дека ја донела традицијата на елката во Париз.
Лампионите или новогодишните украси, кои се користат за украсување дрвја, исто така имаат германско потекло. Првите стаклени бабури беа создадени во Турингија некаде помеѓу 1550 и 1609 година. Години подоцна, во 1850-тите, германскиот научник Јустус фон Либиг додаде раствор од сребрен нитрат за да ги оплемени топчињата, давајќи им сјаен, рефлективен изглед, за сликарите да сликаат сложени дизајни потоа.

Со текот на времето, и како што новогодишните елки станаа “меѓународни”, традиционалниот начин на украсување се смени од типично германски обичај со ѓеврек и јаткасти плодови, до модерни лампиони и електрични светилки што ги користиме денес.

Денес во Европа секоја година се купуваат околу 50 милиони „вистински“ новогодишни елки за да се прослави сезоната на новогодишни празници.
Додека вистинските дрвја се сè уште многу популарни, постои и голема побарувачка за синтетички, вештачки зимзелени растенија. Вештачките новогодишни елки имаат подолга историја отколку што многу луѓе мислат.

Во доцните 1800-ти, производството на новогодишни елки во Германија доведе до масовно уништување на шумите, а неколку пронаоѓачи се вклучија за да се обидат да го решат проблемот.

Првите вештачки дрвја биле направени од пердуви од гуска кои биле обоени во зелено и обвиткани околу мало дрвено колче за да се создаде облик на дрво.

Други замени беа дрвјата создадени од влакна, а во 1960-тите зелените алуминиумски елки го достигнаа врвот на популарноста во САД. Поголемиот дел од вештачките дрвја што се купуваат денес се направени од рециклирани ПВЦ материјали за пакување и се произведени во Кина, околу делтата на реката Перл.

Расправијата продолжува секоја година помеѓу поборниците на реално и вештачко дрво за тоа што е подобро. Додека вистинските дрвја се традиционалниот, историски начин за украсување на домовите на Божиќ, со прекрасен мирис и природна текстура, може да биде незгодно често да се чистат испуштените борови иглички и има еколошки последици од годишното уништување на шумите.

Вештачките дрвја од друга страна можат да го спречат уништувањето на шумите, да се користат повторно секоја година и не треба често да се чистат, но постои загриженост за економските ефекти од производството на пластика и тие едноставно не мирисаат и не се чувствуваат исто како вистинска новогодишна елка.

Новогодишни елки ширум светот

Иако традицијата започна во Германија, многу земји кои ја прифатија практиката и дадоа свој пресврт. Од Јапонија до Јужна Африка, традицијата е прифатена и прилагодена за да одговара на обичаите на секоја земја.

На пример, во многу земји од јужната хемисфера, како Бразил и Јужна Африка, Божиќ паѓа во текот на летото, па дрвјата се украсени со мали парчиња памук, што претставува зимско време и снег.

Во Јапонија, која има богата историја на сопствената култура и традиции, новогодишните елки се украсени со фигури на оригами, стручно свиткани парчиња хартија кои создаваат форми како што се кранови, цвеќиња, лебеди и гулаби. Иако нема многу луѓе во Јапонија кои го слават Божиќ како христијански празник, многу семејства и деца го слават денот како секуларен празник и затоа сè уште украсуваат дрвја и им даваат подароци на луѓето што ги сакаат.

Во други земји, како што се Филипините, трошоците за увоз на новогодишна елка се екстремно скапи, па многу луѓе избираат да прават дрвја, слично како вештачките дрвја што луѓето ги правеа пред пластиката да стане популарна. Овие прекрасни рачно изработени дрвја често се направени од бамбусови стапчиња покриени со обоена хартија.

Без разлика дали поставувате вистинска или вештачка новогодишна елка, оваа година – или дури и ако воопшто нема да имате – ви посакуваме среќен Божиќ и весела Нова Година!

Извор ЛИНК

За повеќе информации и дискусии на вакви и други теми придружете ни се во групата Македонци во Германија ЛИНК.

The post Новогодишната елка всушност има корени од Германија appeared first on Македонци во Германија.

МиД: Најпрвин честитки за твојот успешен прв настап на “The Voice of Germany”.

Раја: Ви благодарам многу! Среќна сум што поминав еден круг понатаму и што ќе имам можност уште еднаш да застанам на „големата„ бина.

МиД: Во Германија има многу кастинг шоуа со сличен формат. Зошто се одлучи токму за “The Voice of Germany” и дали одлуката да се пријавиш беше твоја идеа или некој од твоите најблиски те мотивираше?

Раја: Според мене „The Voice of Germany“ е единствено шоу во Германија со толку високо ниво на професионализам. Целиот концепт е фер. Целото внимание е насочено кон гласовните способности бе разлика од каде си, што работиш или како изгледаш. Секој има исти шанси. Токму од тие причини „The Voice of Germany“ еден од најсаканите формати со милионска гледаност. Оваа шоу го следам од првата сезона и од тогаш ми е и желбата да учествува. Но дури сега во 11-тата сезона почуствував дека сега е моментот да се пријавам и се покажа дека тоа беше најисправна одлука.

МиД: Кажи ни нешто за процедурата на пријавување и со која песна ти аплицираше? 

Раја: Оваа година поради корона кризата целата процедура беше online. Јас пратив три видеа „Nobodys Perfect„ од Jessie J, „ Hurt„ од Christina Aguilera и „ My Immortal„ од Evanescence. Оваа година имаше најмногу пријавени, над 10 илјади. За да стигнам до „blind audition” односно до настапот што можевте да го гледате на малите екрани требав да поминам четири круга и самото тоа за мене претставува голем успех. Во последниот круг пеевме во живо во Берлин. Неколку недели подоцна ме побараа на телефон и ми кажаа дека сум дел од новата епизода на „The Voice of Germany“. Среќата која ја чувствував во тие моменти неможам да ја опишам со зборови.

МиД: Да се пее пред толкав аудиториум не е мала работа. Имаше ли трема?

Раја: Неколку недели пред настапот секојдневно мислев на тоа колку народ ќе го гледа настапот дали во живо, на TV а после и на YouTube. Самата помисла на тоа будеше кај мене голема возбуда. Дополнително ме возбудуваше помислата дека ќе ме слушаат и оценуваат светски ѕвезди. Но кога се отвори вратата и кога излегов на бината сето тоа исчезна. Во суштина јас секогаш имам трема дали пред испит на универзитет или пред настап, но овој пат тремата исчезна. Можеби затоа што не го гледав жирито директно, бидејќи како што знаете тие беа свртени со грб и тоа мислам дека беше клучниот момент за да испеам како што треба.

МиД: Како си задоволна од твојот прв настап?

Раја: Се на се доста сум задоволна од настапот. На некој места бев несигурна и неточна но тоа го гледам како резултат на тоа што досега немам никакво искуство на толку голема бина,а и никогаш досега немам настапувано со бенд во живо. Но мислам дека по почетните потешкотии константно се подобрував во текот на изведбата. Би сакала овде посебно да го пофалам бендот на „The Voice“. Секоја песна ја свират во живот и ми беа фантастична поддршка. Исто така и feedback-от на менторите беше доста позитивен. На пример Nico Santos кажа оти би сакал да го слуша мојот глас на радио. Sarah Connor кажа оти имам нешто посебно во гласот, а Johannes ми кажа после настапот дека имам дарба и многу убаво вибрато кое неможеш да го научиш или го имаш или не.

МиД: Во оваа шоу има 4 ментори сите до еден познати музички имиња во Германија и пошироко. Дали некој од нив ти беше фаворит пред да настапиш?

Раја: Кога дознав дека Nico Santos и Sarah Connor се во жирито многу се израдував. Двајцата ми се идоли кога се работи за поп музика. Mark Forster има многу искуство затоа што подолго е дел од жирито, а Johannes Oerding е фантастичен музичар но исто така е многу скромен и тоа посебно ми се допаѓа. Се на се ако имав можност да избирам секако дека одлуката ќе беше многу тесна. Но мислам дека Sarah Connor е перфектниот ментор за мојот глас и среќна сум што токму таа слушна потенцијал во мојот глас. Според мене таа најмногу ќе може да ми помогне за да го развијам гласот.

МиД: Со твојот настап ти успеа да го свртиш столчето на Sarah Connor но не и на останатите три ментора. Мислиш ли дека е тоа одреден недостаток за понатамошниот тек на натпреварувањето?

Раја: Секако дека ќе бев посреќна ако се свртеа повеќе ментори, но мислам дека во мојата ситуација имам скриена предност, затоа што во наредниот круг имам шанси да бидам поголемо изненадување затоа што во моментов на некој начин се потценети моите можности. Освен тоа има многу примери каде што со „еден стол„ може да се дојде до финалето и да се стане познат пејач. Најдобар пример за тоа е Michael Schulte кој 2018 година настапи на евровизија и 340 поени го освои четвртото место за Германија.

МиД: За настапот дознавме од твојата објава во нашата група Македонци во Германија. Дали очекуваше дека ќе има толку позитивен feedback и колку ти значи тоа?

Раја: Да ја споделам новоста во групата беше спонтана идеа и немав никакви посебни очекувања. Кога ги видов реакциите бев навистина изненадена и не ми се веруваше дека мојата објава ќе добие толку многу позитивни реакции. Пресреќна сум што успешно ја претставив Македонија и покрај тоа што делот каде што се претставувам од каде потекнувам не беше објавен.

МиД: Во реакциите по твојот настап некој членови се прашуваа “зошто не кажа дека потекнуваш од Македонија?”. Дали би можела да одговориш на оваа прашање?

Раја: Пред настапот имавме интервју со прашања за биографијата, што работиме, од каде сме и така натаму. Јас секако кажав дека сум од Македонија но за жал тој дел од интервјуто не беше објавен. Освен овој дел фалеше и делот каде што зборувам за тоа што го работам и за моето хоби. Но и покрај тоа се надевам дека благодарение на вашата група и моето презиме нашите ме распознаа.

МиД: Го помина првиот круг сега следува втор круг тн. „The Battles” односно директно соочување со еден или двајца натпреварувачи од твојот тим. Знаеш ли кога ќе може да го видиме твојот настап на малите екрани?

Раја: „The Battles” почнуваат официјално од 11 ноември и ќе бидат емитувани во 4 емисии. Мојот настап ќе биде емитуван на Pro7-телевизија овој четврток на 11 ноември во 20:15 часот. Битно е да се напомене дека мојот настап ќе биде емитуван веднаш на почетокот.

МиД: Покрај на телевизија настапите може да ги гледа и публика во живо. Можеш ли да ни кажеш каде настапувате и дали и како може да се дојде до карти за ваков настан?

Раја: „The Voice of Germany“ се снима во Берлин. Карти за публиката се продаваат Online на следниот ЛИНК

МиД: Ние сме познати по нашата музикалност но и покрај тоа што во Германија живеат многу Македонци, колку што на нас ни е познато ти си правата Македонка од Германија учесник во оваа шоу. Чуствуваш ли некоја посебна одговорност поради тоа?

Раја: Горда сум што како Македонка сум дел од еден ваков настан и што стигнав до „Blind Audition“ и се надевам дека успеав да ги направам македонските гледачи во Германија, Македонија и пошироко горди. Во следниот круг ќе се борам уште повеќе да покажам колку можам и се надевам дека со многу работа, желба и посветеност ќе поминам уште еден круг понатаму. Но без разлика на тоа како ќе се одвива моето учество на „The Voice“ ве уверувам дека ќе се потрудам да бидам успешна во музичкиот свет.

МиД: Покрај македонската јавност за твојот настап имаше голем интерес и во германските медиуми особено оние регионалните од Allgäu. Како се носиш со предизвикот кога наеднаш од сите страни стигаат покани за пријателства, покани за интервјуа и тн.?

Раја: Чувството е прекрасно и затоа сум многу благодарна на медиумите за можноста да ја раскажам мојата прикаска. Се радувам за секој што го следи мојот пат. Посебно ме радува што на мојот инстаграм профил (ЛИНК) бројот на абоненти има голем раст.

МиД: Како што веќе пишувавме ти си студент на правен факултет во Аугсбург засега музиката ти е само хоби но со оглед на твојот талент дали си размислувала со музика да се занимаваш попрофесионално?

Раја: Со оглед на тоа што сум при крај со студиите од една страна веќе имам обезбедено перспектива и сигурност. Но и покрај тоа би го прифатила секој предизвик во музиката затоа што немам што да изгубам а можам многу да добијам ако успеам да си го реализирам тој голем сон. Во моментов ја снимам мојата прва песна и по завршувањето на „The Voice“ ќе ја споделам.

МиД: На крај од оваа наше прво интервју би сакале да ти се заблагодариме на одвоеното време за нашите читатели и во знак на наша поддршка за понатамошниот дел од натпреварувањето чест ни е да ти поклониме една маичка со нашето лого “Македонци во Германија”

Раја: Голема чест ќе ми биде да ја носам маичката со логото на групата од која добив огромна поддршка. Ви благодарам многу за оваа интервју. Од срце сум ви благодарна за можноста и одвоеното време. Се гледаме во „The Battles”.

За Радојка веќе пишувавме на нашиот портал и тој текст може да го видите ОВДЕ.

Го објавивме и нејзиниот прв настап и истиот може да го видите на следниот ЛИНК.

За повеќе информации и дискусии на вакви но и на други теми придружете ни се во групата: Македонци во Германија ЛИНК .

The post Ексклузивно: Интервју со Радојка Десподовска!!! Девојката која не израдува со настапот на “The Voice of Germany” appeared first on Македонци во Германија.

МиД: Здраво Нино. Почеток на сезоната во Формула 1. Што значи тоа за тебе? Кога не си во можност да присуствуваш во живо ги следиш ли трките на малите екрани? 

Нино: Здраво и добро вечер. Адреналин и посебно чувство. Следам и додека снагата ме држи ќе следам.

МиД: По потекло си од Чаир Скопје. Колку време си во Германија и дали и пред да дојдеш овде следеше формула еден?

Нино: Роден сум во Скопје населба Топана. Во 1967 се преселивме во Чаир. Во Германија сум 38 години. Додека бевме во Скопје немавме можност да следам или следиме Ф-1.

МиД: Живееш во Kerpen, градче на 20 километри од Hürth родното место на Michael Schumacher. Дали можеби тоа влијаело на твојата поврзаност со Формула 1. 

Нино: Да, од 1997 сум во Kerpen. Hührt е родно место на Michel и Ralf Schumacher. Но тоа не влијаеше да почнам со следење на Формула, следев и пред да се преселиме во Kerpen.

МиД: Која е првата сезона на која се сеќаваш и кои возачи беа тогаш најпопуларни? 

Нино: 1990 ако не се лажам Ayrton Senna и Alain Prost. Исто Nigel Mansell и Gerhard Berger. Повеќето од нив имаат гаражи на Nürburgring.

МиД: Дали се сеќаваш на првата трка на која имаш присуствувано? Каде беше тоа и кога? 

Нино: 29.07.1990 Hockenheim. Ayrton Senna победи на мојот роденден. И тогаш како и другите години спиев во истиот хотел на мотодромот.

МиД: Можеш ли да се сетиш на колку трки досега имаш присуствувано и на кој патеки?

Нино: Незнам точно. Околу 15 до 20 трки а можеби и повеќе. Најчесто сум на Nürburgring и Hockenheim. Понатаму сум бил на Spa-Francorchamps во Белгија, Budapest, Monza, Barcelona, Silverstone, Monaco, Istanbul, Magny Cours Франција и Spielberg во Австрија.

МиД: Македонско знаме ти е неизбежен декор како во твоето биро така и на Формула еден патеките. Кажи ни што најмногу те поврзува со Македонија? 

Нино: Сé. Јас сум роден во Македонија. Татко ми, дедо ми, пра пра дедовците ми се Скопјани. Душата ми е Македонија. Кога и да одам на некој си спектакл обавезно со мене носам знаме на Македонија. Се сеќавам на една случка од 2019 година на памук кале и Fethiye во Турција. Ние со внукот и еден пријател на плажа со македонското знаме. Ни пријдоа луѓе од Гостивар со радосни/насолзени очи. Ми викаат „респект човеку, вака да се сака државата немам видено„. Кога му кажам дека сум Турчин – Муслиман но пред се Македонец со насолзени очи си замина со зборовите „вакви патриоти се раѓаат, не излегуваат од школски клупи„.

Македонско знаме во бирото на Нино

Мид: Благодарение на тебе македонското знаме може често да се види и на малите екрани во преносите на Формула 1. Од пред некое време и на Netflix во третата сезона од документарецот “Drive to survive” на сцените од трката во Nürburgrіng се гледа македонското знаме. Го гледаше ли документарецот? 

Кадар од третата сезона на Netflix документарецот “Drive to survive”

Нино: Не уште го немам гледано. Но во прва прилика ќе го изгледам. Ме радува многу што и таму можев со љубов и срце да ја претставам Македонија.  Овде сакам да дополнам. Покрај Формула 1 од време на време одев и на фудбалски натпревари на најчесто на FC. Köln и таму се вееше македонското знаме и повеќе пати можеше да се види на TV.

Мид: Се запознавме на трката во Hockenheim 2019 година. Секако причина за тоа беше твоето знаме закачено веднаш во хотелот под главната трибина. Ти се случува ли често на ваквите настани да се запознаеш со Македонци? 

Нино: Да ми се случува. Нашата љубезност и добродушност кој ја сфаќа и цени се враќа 1000 пати назад. Овде би сакал да го издвојам нашиот пријател (спортски амбасадор) на Македонија Наце Митев. Тој прв стапи во контакт со мене. Тоа дете го засакав од срце, како брат (син) како род да ми е. Здрав и жив да ми биде, многу добри моменти поминав со него (вас) тие денови во Hockenheim. За љубителите на Формула сакам да напоменам дека најголемото шоу и забава за се случува во четврток пред и во понеделник после трката. Затоа јас останувам секогаш 5 до 6 дена на секоја трка.

Македонско знаме на хотелот под трибините на патеката Hockenheim

Нино со Наце Митев на трката во Hockenheim

МиД: Те прашуваат ли луѓето често за знаме на која држава се работи. Можеш ли да Издвоиш некој интересен настан во таа насока?

Нино: Често се случува да ме прашат. Некогаш има и мали провокации. Пример во СПА Белгија и на патеката во Барселона ми го имаат побарано знамето „дај ми го јорганот да се покријам со него„. Јас ја соблеков јакната и им ја понудив за покривање. Знаме не се дава на непознати.

Мид: Додека пиевме пиво до нас помина Nico Rozberg светскиот првак од 2016. Се фотографираме со него и беше навистина интересен настан. Дали покрај ова си имал вакви средби и со други познати формула 1 возачи или некој други јавни личности со оглед на тоа што на овие трки често можат да се видат познати спортисти, актери и тн. 

Нино со Niko Rozberg на патеката во Hockenheim

Нино: Да. Се сеќавам на една случка далечната 1996 во Анталија хотел Дедеман сегашен Барут. Во дискотеката седевме со Damon Hill и со David Coulthard заедно на маса со Ефес пиво. Со David имам и слики. Најдобра случка беше со Michael и Ralf Schumacher и татко им Rolf во Kerpen и од оваа случка имам слики.

Нино со David Coulthard

МиД: Имаш огромна колекција на Формула 1 реквизити меѓу другото и многу капи, дел од нив со автограми. Од кого се имаш добиено автограм и дали имаш некој што ти е посебно омилен? 

Нино: Имам многу реквизити и автограми. Омилен тим ми е McLaren, дури и жена ми која е антиспортист ја имам однесено во боксот гаражата на McLaren и Ферари.

Нино во боксот на Ферари

МиД: Оваа сезона се предвидени 23 трки со тоа сезоната ќе биде најдолгата во историјата на Формула 1. За жал вратите на патеките во Nürburgring и во Hockenheim ќе останат затворени за Формула 1 циркусот во Германија. Дали тоа значи дека годинава нема да го видиме Нино на некоја Формула 1 трка или сепак постои можност секако под услов тоа да биде дозволено да посетиш некоја трка во соседството или подалеку? 

Нино: Ако има можност секако. Јас не сум коцкар но често добивам, затоа гледајте формула и ако го видите македонското знаме таму сум.

МиД: Формула 1 е убаво но и скапо задоволство можеш ли да ни кажеш како се движеа цените за трките во Германија од едноставна викенд карта до 4 дневна карта со сместување во хотел под трибините? 

Нино: Ако сакате целосно задоволство чини 4 до 5.000 евра. Инаку тикетите за квалификации и трка се некаде помеѓу 100 и 300 евра зависи на која трка и на кое место сакате да седите.

МиД: Покрај Формула 1 Нино можеме да го видиме и на други авто мото натпреварувања. Кажи ни што поточно следиш, каде се одржуваат овие трки и кое натпреварување би им го препорачал на нашите читател кои би сакале со поскромни средства да уживаат во бучавата и мирисот на бензинот. 

Нино: Гледам се што е поврзано со мото спортот. Не само трки туку и тренинзи. Еве веќе неколку недели сум на Nürburgring. Гледам и си уживам на секој тренинг на DTM, GT Oldtimer итн.

МиД: Нашиот најпознат авто мото спортист несомнено е Игор Ице Стефановски. Тој во минатата година во TCR Italy натпреварувањето на пред тоа има возено и трки во Германија. Дали го имаш гледано некогаш Ице во живо? 

Нино: За жал не. Но во најскоро време ќе се видам со Игор, ви ветувам.

МиД: Постарите велат “порано беше се подобро” кој е твојот најомилен Формула 1 возач на сите времиња и за кој возач и тим ќе се навива оваа година. 

Нино: Ayrton Senna, Emerson Fittipaldi секако Schumi и незаборавниот Niki Lauda. Пред некој ден бев во хотелот во Nürburgring кај што Niki има спиено со години. Почивај во мир легендо.

МиД: Се надеваме дека пандемијата ќе заврши што побрзо во прва линија поради здравјето на луѓето а потоа и поради враќањето во нормала. Во таа смисла ти посакуваме пред се многу здравје и набрзо да те видиме повторно на формула еден патеките. 

Нино: Да сте ми живи и здрави. Чувајте се.

The post Нино Сулејман “човекот со македонско знаме на Формула 1 патеките„ appeared first on Македонци во Германија.

MiD: Во првиот дел од интервјуто ги спомена можностите за време на студирањето да се работи на проекти директно за компании. Како се одвива тој процес и за кои автомобилски компании имаш работено како студент?

Славче: На факултетот каде што студирав, фокусот е ставен на практичната работа. Имате задолжителни теоретски предмети и предмети/проекти кои си ги одбирате во зависност од афинитетите или насоката која ја заземате. Во 3 семестар имате по еден проект, а секој нареден семестар по еден плус. Но може факултативно да се вклучите и на повеќе проекти како што направив и јас, од вториот семестар. Тука практично изработувате автомобил по ваша замисла исто како што тоа го правам и денес професионално. Факултетот има развиено добра комуникација со студијата за дизајн кои ги финансираат тие проекти, студентите развиваат концепти за нив, win win ситуација. Прв проект на кој можев да работам беше за Lamborghini, а потоа и за BMW, MINI, Mercedes Trucks, VW и Porsche.

MiD: Дипломската работа ја работеше во Мерцедес. Како дојде до тоа и зошто Мерцедес?

Славче: Дипломската работа ми беше втор ангажман во Мерцедес. Првиот беше пракса, 2 семестра пред да почнам со дипломска работа. Таа можност ја добив откако победив на конкурс за дизајн. После неколку месеци пракса (5 семестар) добив понуда за работа, а и воедно за изработка на дипломската работа.

Проектна работа во 5 Семестар „Mercedes Nimbus”

MiD: “Ариа” беше именуван твојот дипломски проект. Зошто тоа име?

Славче: Па има неколку филозофски тези кои се испреплетуваат во самата дипломска работа како научен труд, а не само скулптура и од тука беше и инспирацијата за името. Сакав формалното и семантичкото да бидат една целина. Кога ќе го слушнете името без да ја видите колата, да ве асоцира и да ви отслика што ќе видите. Прво беше идејата да направам кола која што ќе изгледа лесно и нежно, со аеродинамична форма, како антитеза на Мерцедесите од тоа време кои изгледаа посолидно и имаа повеќе ивици. Потоа беше значењето на трикраката ѕвезда – транспорт по копно, вода и воздух. ‚‚Ариа‘‘ на италијански значи воздух. Исто така и дуетот на Тоше и Џана Нанини „Ариа„ беше актуелен од тоа време и таа класична музика ја дополни инспирацијата пред се за ентериерот-естетика од жичани инструменти и пијано, па се сé вклопи во една целина и делото мораше да се вика Ариа. А и убаво звучи мислам.

Дипломска работа „Mercedes Aria”

MiD: “Ариа” оваа година го слави 10-тиот јубилејен роденден но и покрај годините и денес според мене изгледа фасцинантно и футуристички. Како се создаваше овој проект од идеа до реализација?

Славче: Проектот го изработував 7 месеци. Понуда за работа имав веќе, па бев растеретен од тој аспект на притисок, и си работев мерачки. Имав неограничен буџет од Мерцедес, и смеев сам да си одберам каков тип на возило ќе работам. Истражувањето траеше еден месец, тука отприлика си дефинирав со каков тип на естетика ќе работам и во кој свет ќе се наоѓам. Од хералдички симболи, антички оклопи и форми, се до музички инструменти. Но пред се мотиви кои асоцираат на движење и динамика. Имав неколку правци и визии и почнав со користење на иновативни техники да дојдам до основната форма, прво цртав без тркала, целта ми беше да создадам скулптура. Дури потоа ги применив сите школски принципи и правила за дизајнирање. Од скици, преку модел од глина во комбинација со компјутерски 3Д модел. На крајот излезе како испечатен 3Д модел со ентериер.

Дипломска работа „Mercedes Aria”

MiD: “Ариа” на задниот дел има многу светилки. Ми имаш кажано дека тие го симболизираат ѕвезденото небо кое беше направено од публиката на последниот концерт на Тоше Проески во Скопје. Дали е тоа така и дали има и други детали кои исто така се инспирирани од некој настан или некоја секојдневна форма?

Славче: Сакав да внесам некој оригинален детал што не е виден досега, нешто по што ќе се памти Ариа. Кога истражував динамични форми, движења на флуиди, и разни феномени од природата, дојдов до разлеаната долга коса на ветар. И тука не може да замрзнете некоја форма, туку прамените се толку динамични, се испреплетуваат и на крај имате fade out ефект. Токму така сакав да ја изработам задницата, да биде провидна, да не знаете точно каде завршува колата. Не е солиден затворен волумен, туку се состои од многу издолжени игли кои завршуваат со кристал. Тука доаѓа аспектот на луксуз кој го нуди Мерцедес. Кога ќе ги погледнете тие завршетоци, точки, односно кристали, во формацијата заедно со ѕвездата на Мерцедес делуваат како ѕвездено небо.

Видео за пројектот Mercedes-Benz Aria – YouTube

MiD: Концептните возила обично никогаш не се реализираат но многу елементи од нив потоа на еден или друг начин се вградуваат во сериските автомобили. Така е случајот и со “Ариа”. Задните светилки кои создаваат многу точки се всушност и инспирација кај поновите модели на Мерцедес предната маска место стандардните три лајсни да има многу точки. Можеш ли да ни кажеш детали како дојде до тоа? Дали и други дизајнерски детали од Ариа се превземени како инспирација за сериски модели?

Славче: Токму така, принципот од ѕвезденото небо подоцна беше превземен за сериските возила, на предната маска и опстојуваат веќе во две генерации на возила. Сега во третата генерација имаме еволуција, наместо хексагонална форма ја имаме трикраката ѕвезда. Друг елемент се тркалата, комбинација од алуминиум со бакарни жици како симбол за електо погонот и еден retro touch. Исто така формалниот јазик на полни форми, скулптурално обликуваната каросерија послужи како инспирација за сериските возила кои се појавија во заднава декада. Доколку забележите, предходно беа користени многу линии и остри агли со плоснати површини.

Ариа како инспирација за сериските модели на Mercedes

MiD: Со оглед дека дипломската работа ја работеше во Mercedes логично беше твојата професионална кариера да ја продолжиш таму. Но дали воопшто размислуваше во тој период за друг предизвик?

Славче: Воопшто не, бев задоволен од третманот и соработката. Како што реков, работното место го добив веќе во 5тиот семестар.

MiD: Karl Benz во Mannheim и Gottlieb Daimler во Stuttgart во 1886 година ги има создадено првите автомобили воопшто. Интерсно е тоа што името “Mercedes” почнува да се користи од 1901 година па натака. Би сакал ли да ни кажеш збор два за историјата на името Mercedes.

Славче: Мерцедес Јелинек е ќерка на австрискиот бизнисмен Емил Јелинек. Емил купувал возила од Даимлер и организирал трки. Нарачал неколку возила со желба да се викаат како неговата ќерка Мерцедес. Од тогаш е превземено тоа име со додавка Бенз. Денес е составен дел на сите под/брендови, Mercedes-Benz, Mercedes-Maybach, Mercedes-AMG и најновиот Mercedes-EQ.

Мерцедес Јелинек

MiD: Mercedes-Benz на автомобилскиот свет му има подарено илјадници автомобили. Гледано од дизајнерски аспект кој модел за тебе е најубав на сите времиња?

Славче: Има многу Мерцедес дизајн икони, но доколку избирам една тоа би била 300SL Gullwing од 1954.

300SL Gullwing од 1954

MiD: Често милуваш да кажеш “во светот има повеќе активни NBA играчи отколку дизајнери на автомобили”. Колку дизајнери се одговорни за изгледот на Mercedes автомобилите?

Славче: Моментално сме 12тина кои работиме на дизајн на екстериер.

MiD: На пошироката јавност и стана познат по твојот прв сериски дизајн Mercedes GLC Coupe. Дали беше тоа и твојот прв проект за Mercedes по завршувањето на студиите?

Славче: Токму така. Само месец дена по почетокот го изработив GLC Coupe, беше прифатен од бордот на директори и веднаш влезе во производство.

Mercedes GLC Coupe

MiD: Создавањето на еден автомобил е долгорочен процес кој зависно од моделот трае од 5 до 7 години? Кога за тебе почна а кога заврши процесот на дизајнерско создавање на Mercedes GLC Coupe?

Славче: Па во меѓувреме светот почна малку побрзо да се врти. Ни требаат 3,5 до 4 години за развојот на еден автомобил. Дизајн процесот, мојот дел од работата година до година и пол. Конкретно GLC Coupe се ‚калеше‘ во 2011/2012 година.

Mercedes GLC Coupe

MiD: По GLC Coupe следуваа уште три сериски автомобили Mercedes Б класа, Mercedes CLA Coupe и Mercedes CLA Shooting Break. Во кој периоди се создававаа овие автомобил?

Славче: Веднаш после GLC Coupe почнав да работам на Б-класата. CLA Coupe е третиот мој сериски автомобил,. Го работев во Калифорнија во 2015 година. Тоа беше најубавиот период во мојот живот. После тоа дојде CLA Shooting Break.

Mercedes B Klasse

Mercedes CLA Coupe

Mercedes CLA Shooting Break

MiD: За разлика од Mercedes GLC Coupe кој е прв модел од оваа класа, Mercedes CLA Coupe беше всушност втора серија на овој автомобил. Промената на дизајнерската екипа помеѓу две серии е пракса или се работи за исклучок?

Славче: Не, тука нема некакво правило. Секој дизајнер се натпреварува според можностите на секој проект. Не е однапред определено кој што ќе работи. Секој ден е натпревар и се е по заслуга.

MiD: Би можел ли подетално да ни го опишеш процесот на дизајнерско создавање на сериски автомобил?

Славче: Се почнува со скица. Креативната идеја на дизајнерот е најважна, тука се поставува насоката, карактерот на возилото итн. Најуспешните цртежи се дефинираат компјутерски во 3д модел. Подоцна таа форма се пренесува на модел од глина во вистинска големина, којшто се развива скоро цела година од секој аспект. Тука имаме соработка со инжинери и специјалисти од многу области како безбедност, законски регулативи, аеродинамика, исплатливост, ергономија итн. Улогата на дизајнерот е да ги искоординира сите и да не отстапи многу од неговата првична замисла. Секако и да може својот модел да го продаде кај надредените, односно кај бордот на директори.

MiD: Какви се врските односно взаемното влијание при дизајнирањето на внатрешноста (Interior) и надворешноста (exterior)?

Славче: Би рекол дека се два различни света. Не мора да бидат ускладени во смисла на дизајнерски јазик, можат и да бидат контраст еден на друг. Во ентериерите забележуваме тренд на дигитализација и многу квадрати монитори, кои отвараат нови дигитални светови на интерфејсот.

MiD: За разлика од порано денес имаме огромен број на различни класи на автомобили но и од една класа се создаваат повеќе модели. Така е и со двете Coupe форми на постоечките модели GLC односно A класа. Со тоа голем дел од формата е зададен. Од една страна на овој начин се забрзуваат процесите на создавање на еден модел од друга страна дизајнерот нема многу простор за дизајнерски израз. Како ти гледаш на овие трендови и кои се предизвиците со кои се соочувате со оглед на малиот маневарски простор кој ви е оставен?

Славче: Тоа е уметноста и умешноста на еден дизајнер. Секако на крајот на денот треба да биде исплатлив производот, но од друга страна да биде оригинален. Затоа најголем примат во целиот ланец на еден производ ја има дизајнот. Тоа е сликата нанадвор, средството за непосредно комуницирање со клиентот или корисникот. Тоа што постојат многу деривати од едно возило или од една платформа на возила го гледам како предност. Можност да се задоволат што поголема целна група.

Mercedes CLA Shooting Break

MiD: Кои дизајнерски елементи кај сериските автомобили кои ги имаш дизајнирано ни сугерираат дека позади дизајнот е потпишан “Славче Таневски” и кои се тие?

Славче: Па најголемо влијание имам со чистите површини и отсуството на ивици и рабови. Складните и екстремни пропорции кај двете купеа и употребата на триаголникот кај CLA на пример во светлосната група напред и назад. Исто така сродноста на предната и задната експресија на ликот. Доколку ги анализирате формата на предните и задните светла на CLA, ќе видите дека се разликуваат само пропорционално, додека силуетата е иста. Сите други возила моментално во гамата имаат различна форма на предни и задни светла.

Mercedes CLA Coupe

MiD: Два од четирите сериски дизајна се автомобила се coupe форми. Дали тоа значи дека дизајнерите се поделени на повеќе оддели во зависност од класата и формата на автомобилот?

Славче: Не. Во принцип секој дизајнер може да работи на сите проекти. Секако купеата се најпрестижни, барем за мене.

The post Втор дел интервју со Славче Таневски – Mercedes Benz Design appeared first on Македонци во Германија.

Гордана: Здраво Александар, одлично сум. Најпрво би сакала да ти се заблагодарам на поканата за ова интервју.

MiD: Честитки за приновата во вашето мало животинско царство. Прославивте ли и кој од вашата фамилија најмногу се радуваше?

Гордана: Ја прославуваме со радост и нетрпение секоја принова во нашето мало домашно животинско царство. За секое ново животинче иницијатор е мојот втор син Филип, а секогаш најсреќен и највозбуден е најмалиот син.

MiD: Повод за интервју се вашите малку поинакви миленици. Е сега не знам дали се домашни или приПИТОМени. Како гледаш ти на нив?

Гордана: Интересно прашање кое би го одговорила кратко, тоа се наши домашно припитомени членови на семејството.

MiD: Твојата односно вашата љубов кон несекојдневните домашни миленици не е од вчера. Можеш ли да ни кажеш пред да се доселите во Германија какви животни имаш односно имате чувано?

Гордана: Додека живеевме во Македонија имавме препелици ги изведуваше Филип во инкубатор. Процесот бара прецизност и одговорност во секој поглед, но навистина беше успешен иако мал. Исто така размножуваше и риби (скалари, циклиди, гупи и златни рипки) и ги продаваше во однапред договорен петшоп. Нормално имавме и мачиња, едно улично кутре и пит бул, исто така одгледувавме зајчиња. Одреден период од 4 години живеевме во Грција и таму имавме патор ”Перо” се викаше. Го припитомивме до степен да се гали како кутре, си го препознаваше името и трчаше по нас да се гали.

MiD: Во Германија сте фамилијарно околу 6 години. Животните што сега ги имате се сите со германско или има некој и со македонско државјанство?

Гордана: Сите се со германско потекло од овде набавени. Македонските животинчиња останаа домче. Најмногу ми е жал што не можевме со нас да го понесеме пит булот поради забраната во Германија на таа сорта на кутриња, а беше дел од нашето семејство растено заедно со бебуш (најмалиот син).

MiD: Во моментов имате змија, гуштери, пајаци и риби. За кои видови поточно се работи и колку време ги чувате?

Гордана: Змијата е од видот кралски питон, нејзе ја имаме 2 години и земена е речиси во исто време со драгонот (австралиски брадест змеј). Пајаците се тарантули и ги поседуваме 1 година, а рибите се скалари, неонки и златни рипки, нив ги имаме 3 години.

MiD: Како воопшто дојдовте до идеја да чувате животни од кои многумина имаат паничен страв?

Гордана: Уфф реално јас таква идеа никогаш не сум имала ама средниот син Филип пак од секогаш кажувал дека штом порасне и сам заработува ќе ги има дома. Мислев ќе му мине желбата но дефинитивно не сум била во право, пред 2 години отидовме на одмор со маж ми и он тогаш решил да искористи ситуација да купи питон, знаејќи ме дека кога е веќе дома ќе го прифатам. Иако на почетокот ми беше езиво за кратко време го прифатив новиот член. Потоа почна да ги носи и другите “наши членови”. Сега се дел од нашето секојдневие и дел од семејството.

MiD: Змиите и гуштерите се ладнокрвни животни тоа за многумина значи дека не чувствуваат љубов односно поврзаност кон сопственикот. Дали е тоа така?

Гордана: И јас мислев така, но се испостави дека сум грешела. Така драгонот првата година кога отиде Филип на одмор штрајкуваше одреден период со глад и не сакаше да се шетка како кога е дома Филип зошто беше само со него поврзан и тоа им беше прва разделба. Потоа почнав и јас да се грижам почесто за него за да не тагува кога не е дома син ми, сега е поврзан со мене, Филип и најмалиот син. Тарантулите не се приврзуваат, а питонот јаде само Филип кога го храни.

MiD: Претпоставувам дека вакви животни не можат да се купат во Алди или Лидл. Каде се купени и колкав е отприлика буџетот што треба да се предвиди за купување на вакви животни?

Гордана: Секако животинчињата се купени во специјализирани продавници за животни и цената е индивидуална и зависи од сортата, староста па дури и од полот. Еве на пример кај камелеоните мажјаците се секогаш поскапи некогаш дури и двојно од женка иако се на иста возраст.

MiD: Германија е бирократска земја за се и сешто треба осигурувања, одобренија и документи. Каква документација односно осигурувања се потребни за ваков вид на животни?

Гордана: Сите наши миленичиња се сертифицирани со документи но никакви осигурувања не се задолжителни за нив. Обврска околу камелеонот имавме само да го пријавиме затоа што е милениче од заштитена сорта и доколку тоа не го сторевме во рок од 2 недели следи парична па и затворска казна. Исто така доколку изгине или го продадеме треба да го одјавиме.

MiD: На сликите сѐ гледа дека питонот е прилично голем. Колку години има и колку е стар?

Гордана: Питонот е женка и е стара 2 и пол години. Брзо расте но женките не растат повеќе од 1,5 Метри.

MiD: Колку често се храни питонот и со што? Какви други специфики би можела да издвоиш за питонот во улога на домашен љубимец?

Гордана: Интересно во врска со питонот е што се храни само еднаш месечно (идеално за луѓе кои не сакаат многу обврски). Инаку се храни со жив плен на пример со пилиња или со глувчиња. Го стега поточно дави пленот и ја отвара вилицата колку што е голем пленот, го голта цел и со помош на јаки киселини кои ги лачи полесно го вари. Откако ќе го проголта ја мести вилицата повторно назад. Од страна гледано делува како да сака да нападне но тоа не е така особено не кога е сита. Инаку е питома и кога би нападнала тоа би било доколку почувствува опасност.

MiD: Имате два вида на гуштери, камелеони и австралиски брадест змеј (драгон). Какви се карактерните разлики односно разликите во одгледувањето помеѓу овие два вида на гуштери?

Гордана: Тоа се сосема различни видови, но имаат неколку особини кои им се слични. Обожуваат топлина, сонце, инсекти и зеленчуци.

MiD: Можат ли да живеат во ист терариум или треба да бидат одвоени? Ако се одвоени зошто е тоа така?

Гордана: Задолжително е да се одвоени, различна влага треба да има во терариумите или на едниот или на другиот вид не би му годело нешто доколку би биле заедно, камелеонот е бебче и доколку би го ставиле кај драгонот може да го изеде.

MiD: Има преку 200 подвида на камелеони. Каков камелеон имате вие и дали сите под видови менуваат бои?

Гордана: Вајлед сорта е бебчето и да сите видови камелеони менуваат боја особено под UV зраци но и во зависност од нивната старост и расположение. На пример кога се помлади имаат побледи бои кои потоа со време се интензивираат. Исто така кога се лути или вознемирени добиваат шари или точки. Но за разлика од тоа што повеќето мислат боите не ги менуваат толку често имитирајќи ги боите на околината.

MiD: Имам слушнато дека гуштерите треба да се држат почесто на нашето тело и тоа на места на кои подобро се чувствува човечкиот пулс за да се навикнат на нас односно да не препознаваат. Дали е ова точно и дали би можела да ни издвоиш некој други специфики поврзани во однесувањето на гуштерите?

Гордана: Тоа со пулсот ме ми е познато. Дефинитивно бараат многу светлина, топлина и влага во зависност од сортата. Инаку камелеонот не слуша но затоа има многу добар вид како да има диоптер број 50, очите ги врти независно едно од друго гледа странично напред и назад исто така. Драгонот пак сака да плива и ужива во топла бања.

MiD: Кажавме на почетокот дека деновиве добивте принова односно се подновивте со бебе камелеон. Му дадовте ли име?

Гордана: Точно така, ова е прво толку малецко животинче да земеме и го доживуваме баш како бебуш. Му дадовме име Пикси, така сакаше нашиот најмал но главен член, а беше инспириран од еден филм со џуџе по име Пикси.

MiD: Очекувате ли во скоро време некоја друга принова?

Гордана: Хахаха тоа кај нас никогаш не се знае.

MiD: Покрај змијата и гуштерите имате и две тарантули. Кажи ми збор два за нив? Дали се некој подвид, отровни ли се и тн.

Гордана: Едната тарантула е од сортата мексиканска црвенонога а другата е psalmopoemus irminia односно тигар тарантула и има појак отров но и двете не се смртоносни. Припаѓаат на сорти од нов свет.

MiD: Вашите деца особено помалиот син се игра со питонот и гуштерите. На кои правила на игра мора да се внимава за да не дојде до некој несакан настан?

Гордана: Питонот е сосема безопасен за луѓето и расте до максимум 1.50 не е отровен воопшто. Тарантулите се отровни но не опасни по живот. Нивниот отров се споредува со убод од оса до стршлен зависно од староста, може да предизвика температура треска, црвенило но не и смрт. Малиот син без никаков страв се дружи со питонот дури и го вози во камиончиња, а со тарантулите не му даваме да има допирен физички контакт затоа што во момент на одбрана тарантулата фрла влакна кои исто така може да направат реакција.

MiD: Сте имале ли досега непријатни ситуации?

Гордана: Пред да земеме било какво животинче прво се информираме убаво, на таков начин нема простор за непријатни ситуации.

MiD: Змии, гуштери, пајаци како реагираат вашите комшии, пријатели, роднини кога ќе ве посетат?

Гордана: Многумина од нив панично реагираат (поради недоволна информираност), дел од пријателите пак љубопитно реагираат и според нивно кажување имаат чувство како да престојуваат во мини ЗОО.

MiD: Кога одите на одмор кој се грижи за нив?

Гордана: Не се случило сите заедно да одиме речиси никогаш. Ние сме 5-члено семејство од кое 2-цата батковци ни се веќе возрасни па си тераат нивни планови независно од нашите. Така секогаш некој од нас останува дома. За итен случај секако имаме наше човече од доверба кое е грижливо и не би не изневерил. Тоа е нашиот чичко Добре кој си го има името на место според карактерот.

MiD: Можеш ли да издвоиш некој поинтересен настан поврзан со вашите миленичиња.

Гордана: Пример купивме 5 риби и за еден месец станаа 50. Драгонот ни снесе јајца без мажјак а се чудевме зошто го раскопува терариумот. Бебето камелеон има моќ да биде различна боја од страната каде што е изложено на UV зраци и од другата страна каде не е сосема различна боја на двете страни.

MiD: Имате ли пријатели или можеби сте член на некое здружение на љубители на ваков вид на домашни миленичиња? Со кого разменувате искуства?

Гордана: Додека бевме во Македонија син ми контактираше со Војо, тој е вработен во зоолошката градина во Скопје а во Македонија е доста познат по неговата љубов и стручно знаење за рептилите. Откако сме овде контактира со човек кој има сопствен пет шоп и многу знаење за секое животинче.

MiD: За крај што би им препорачала на сите кои сакаат да чуваат дома малку поинакви миленичиња?

Гордана: Прво да се информираат убаво за условите и потребите што ги бараат животинките и нека пробаат да изберат животинче кое ќе им одговара најмногу на условите и можностите.

The post Интервју со Гордана Илиевска – нашите малку поинакви „домашни„ миленичиња appeared first on Македонци во Германија.