групата Македонци во Германија реши директно да се вклучи во иницијативата за создавање на “Македонско-Мече” кое сакаме да биде дел од изложбата “United Buddy Bears”. Повеќе информации за оваа изложба може да прочитате ОВДЕ.

Се надеваме дека со ваша помош ќе ги собереме преостанатите околу 2.000 Евра и на тој начин ќе овозможиме Македонија достојно да биде презентирана на оваа изложба која во меѓувреме брои 152 мечки кои ги презентираат своите држави. Верувавме дека секој од нас ќе биде горд ако овозможиме преку оваа акција и Македонија да добие свое мече кое ќе биде обоено во македонски бои и насликано со македонска орнаментика.

Сите кои сакаат да ја подржат оваа иницијатива можат да уплатат средства на следниот линк: https://www.gofundme.com/f/donate-for-a-macedonian-united-buddy-bear?qid=7f60c31edf3cb34469a741c1c255450e

Покрај собирањето на средства преку платформата GOFUNDME во зависнот од потребите и можностите ќе се обидеме да бидеме присутни и на места каде што има организирано собирање (црковни општини, друштва, забави, македонски ресторани и тн.) за на тој начин да им овозможиме на луѓето да донираат на лице место. За овие активности ќе известиме дополнително.

Дополнително за подобро информирање создадовме плакати и летоци (флаери) и истите ќе бидат поделени на места каде што ќе има интерес и потенцијал да се подржи оваа активност

Оваа можност ја корисниме и да ги повикаме и нашите членови, здруженија, црковни општини, фирми и секој кој сака поинтензивно да ја поддржи оваа иницијатива да не контактираат на нашата E-mail адреса : makedoncivogermanija@gmail.com

Иницијатор на оваа акција е Ирена Бојаровска, Македонка од Берлин. Во меѓувреме ние стапивме во контакт со Ирена и се уверивме во нејзината искрена желба и мотивација. Затоа сакаме со заеднички сили да го реализираме овој многу интересен но и важен проект за кој од досегашните активности веќе се собрани 550 евра.

Во продолжение читајте како се роди идејата и за што поточно станува збор.

Фејсбук објава на Ирена Бојаровска во Групата Македонци во Германија.

Да му помогнеме на македонското мече да се врати кај другарчињата 🙂 – во изложбата на United Buddy Bears која што јас ја видов во Tierpark во Берлин, а шета низ целиот свет уште од 2002 година, ги има практично сите земји припадници на Обединетите Нации, освен нашата :(. Барав под сите возможни букви и ништо.. Потоа побарав одговор од организаторите на оваа изложба, и ми кажаа дека од 2002 година македонското мече се наоѓа пред Амбасадата на Р. Македонија, и за учество на изложбите треба да се наслика второ: трошоците се фиксни 2.500 Евра плус евентуален хонорар за уметникот. Ајде да ги собереме ние овие средства и да направиме и подариме македонско мече за изложбата! Досега имало над 30 изложби на сите пет континенти со преку 40 милиони посетители. Македонија цела да е, секој да ја знае 🙂 Ве молам донирајте и споделете се со акцијата со вашите пријатели! Со почит и верба дека можеме, Ирена Бојаровска.

За повеќе информации и дискусии на вакви  но и на други теми придружете ни се во групата: Македонци во Германија ЛИНК.
*Напомена: Групата е од затворен карактер, за да ги гледете содржините треба да станете член.

The post Акција: Да донираме за македонско мече!!! appeared first on Македонци во Германија.

5.617 инциденти на дискриминација биле пријавени во Федералната агенција за антидискриминација (ФАД) минатата година, открија официјалните податоци објавени овој месец (август 2022). Ова е втор најголем број на извештаи што агенцијата ги добила откако е основана во 2006 година. Тоа е значителен пад од 6.383 случаи регистрирани во 2020 година, но беше забележано дека многу жалби во претходната година беа поднесени во врска со пандемија на коронавирус, особено во однос на правилата за маски.

Иако дискриминацијата може да има многу форми, податоците покажуваат дека најчестиот вид на дискриминација со кој се соочуваат луѓето во Германија е расната. 37 проценти од извештаите вклучувале дискриминација врз основа на бојата на кожата или националното потекло на лицето.

Голем дел од луѓето исто така се соочија со дискриминација врз основа на попреченост и хронични заболувања (32 проценти) и пол (20 проценти). 9 проценти се соочиле со дискриминација врз основа на нивната религија, а 4 проценти поради нивниот сексуален идентитет. Оние кои пријавиле дискриминација рекле дека тоа најмногу влијаело на нивниот пристап до приватни услуги (33 проценти) и на нивната работа  (28 проценти).

Презентирајќи го извештајот во Берлин, Ферда Атаман, новиот шеф на ФАД, рече: „Бројот на случаи на дискриминација пријавени кај нас е алармантен. Но, тоа покажува дека се повеќе луѓе не се помируваат со дискриминацијата и бараат помош“. Таа апелираше до секој што се соочува со дискриминација да преземе акција – доколку е потребно со вклучување на полицијата или германските судови.

Атаман понатаму апелираше до федералната влада да им даде на луѓето погодени од дискриминација подобри можности за спроведување на нивните права, тврдејќи дека моменталната правна ситуација „ставува пречки на патот на засегнатите“. Таа рече дека германските регулативи треба да поминат долг пат до исполнување на меѓународните стандарди.

За повеќе информации и дискусии на вакви и други теми придружете ни се во групата Македонци во Германија.

The post Расизмот останува широко распространет во Германија appeared first on Македонци во Германија.

Под темата „Покровителство“, учесниците можат да научат повеќе за расизмот и дискриминацијата и како да преземат решителна акција и да се изјаснат против расизмот.

Со вклучени повеќе од 60 партнери од Штутгарт и околината, настанот се очекува да ја расветли важноста на оваа тема и да понуди идеи и инспирација за справување со неа, надминување и освестување на идните генерации за нејзината важност.

Настанот се фокусира и на помладите, а има подготвена програма за одредени училишта. Примери за тоа се специјални лекции, филмски проекции, работилници и училишни проекти каде што учениците можат да имаат интерактивна интеракција со теми како што се расизмот, родовата различност, малтретирањето и злосторствата од омраза.

Утринските часови се посветени на училиштата, додека попладневните и вечерните часови ќе вклучуваат обуки, специјализирани работилници, читања и концерти, фокусирани на работодавците, вработените, компаниите, јавните канцеларии и јавните и приватните клубови.

На пример, работилницата наречена „Тоа е (не) расистичко“ ќе ги објасни перспективите на секојдневниот училишен живот и училишните структури и како расизмот е претставен во овие сцени.

Сите што се во близина на Штутгарт (а и тие што сакаат по секоја цена да бидат дел од настанот) може слободно да присуствуваат.

За повеќе информации и дискусии на вакви и други теми придружете ни се во групата Македонци во Германија.

The post Меѓународни недели против расизмот во Штутгарт appeared first on Македонци во Германија.

Зборникот е работен по идеја на Алдо Климан. Особено важно за нас е тоа што има посебен дел кој се однесува на Македонците ширум светот, и нивната спрега со татковината, Република Македонија.

Во тој контекст, македонската активистка Ана Дукоска од САД, даде свој удел во “мозаикот” што всушност е трајна вредност за сите Македонци во светот.

Меѓудругото, свој придонес во Зборникот дадоа и Вера Лалчевска, Никола Жежов, Теон Џинго, Тодор Чепреганов, Иванка Василевска , Драгица Поповска, Ведран Обучина, Љубомир Цуцуловски, Елка Јачева-Улчар, Невена Трајков и Стефан Влахов Мицов.

“Во мојот труд пишувам за историјата на Македонија, македонските иселеници, нивните акции и придонеси за Македонија од земјите во кои што се преселиле, но и за ширењето на македонската црква. Македонците наидувале на бројни пречки од страна на грчката и од бугарската емиграција во обидите да ги изградат црквите од темел, да ги регистрираат во црковни општини и да се изборат за нивно признавање.

Но, еве сме уште на тоа дереџе! Иселениците сè уште се соочуваат со нефункционалноста на македонската дипломатија, незаинтересираноста на македонските власти за соработка со иселеништвото, стигматизација на иселеништвото, кратење на загарантираното уставно право за учество во изборните процеси во Македонија. А најголем проблем е негирањето на националното малцинство во соседните држави, Грција и Бугарија.

Да знаете мои Македонци, дека баш поради овие причини и намери за наше уништување и замолкнување, ние, македонските иселеници, со уште поголем интензитет работиме кон помасовно обединување за да ја вреднуваме и за да ја одбраниме нашата татковина Македонија!

Да живее Македонија!”-напиша Ана Дукоска на својот ФБ профил.

Зборникот е достапен во електронска (пдф) верзија, и може бесплатно да се симне ОВДЕ

За повеќе информации и дискусии на вакви и други теми придружете ни се во групата Македонци во Германија.

The post Конечно е готов Зборникот “Македонија, 100 години од Версај” appeared first on Македонци во Германија.

Нашата редакција најпрво стапи во контакт со блиски луѓе на малиот Јаков, по што ни беше испратена оригиналната документација како доказ за веродостојноста на случајот. Откако се уверивме дека се работи за 100% транспарентен случај, одлучивме да дадеме свој придонес за спас на малиот Јаков, затоа што и тој како и секое друго дете, заслужува нормално и среќно детство.

Увид во оригиналната дијагноза од болницата Систина може да најдете тука:

Dijagnoza od Sistina

А увид во профактурата од болницата во Турција може да најдете тука:

Profaktura od bolnicata vo Turcija

За хируршката интервенција во Турција потребни се 92 илјади евра.Секој од Вас кој сака да даде парче спас за малиот Јаков, може тоа да го направи на следните сметки:

Стопанска Банка – 20000 148 174 0176 – Елена Јанакиев, и

IBAN – MK0720000 387 639 2077 SWIFT Cod – STOBMK2X

За повеќе информации и дискусии на вакви и други теми придружете ни се во групата Македонци во Германија.

The post ПОМОШ ЗА МАЛИОТ ЈАКОВ ОД КОЧАНИ appeared first on Македонци во Германија.

Ви споделуваме уште една прекрасна вест. Швајцарската национална телевизија SFR исто како и германските ARD и ZDF (ЛИНК) позитивно одговори на нашето барање за национална припадност да го користат терминот “МАКЕДОНЦИ” односно “MAZEDONIER” и да ја користат исклуливо придавката македонска/ македонски односно “mazedonisch”.

Во нивниот одговор до нас меѓудругото стои:

“… Благодарност за споделените информации. Ние ги забележавме вашите информации, соодветно ги информиравме нашите новинари и ќе се придржуваме до вашите упатства. Доколку некој репортер несакајќи употреби неточен термин во жарот на коментирањето, однапред ви се извинуваме…
Ви посакуваме многу забава и се надеваме дека ќе уживате да гледате фудбал на СФР… ”

Позитивни одговори добивме и од SWR регионалните радиостаници во Германија но за тоа ќе пишеме посебен пост.

Пишавме исто така и на ORF но со нив имаше мало недоразбирање кое се надеваме ќе биде надминато деновиве.

За повеќе информации и дискусии на вакви  но и на други теми придружете ни се во групата: Македонци во Германија

The post И швајцарската национална телевизија SFR ги прифати нашите барања да не нарекуваат Македонци!!! appeared first on Македонци во Германија.

Македонија во недела во 18 часот против Австрија го започнува историското патишествие наречено европско првенство. Поучени од непријатните искуства германските медиуми да не нарекуваат “С.македонци” наместо “МАКЕДОНЦИ” и наместо придавката “МАКЕДОНСКИ/КА” да користат “с.македонски/ка” решивме и овој пат како и пред натпреварот Германија – Македонија (ЛИНК) писмено преку е-маил да се обратиме до спортските редакции на телевизиите кои ќе вршат директен пренос на европското првенство поточно до германските национални телевизии ARD (прва програма) и ZDF (втора програма) со барање наместо навредливи но и политички некоректни термини да ги користат коректните термини за нашата национална припадност.

Писмата ги пративме во понеделникот наутро и веднаш истиот ден добивме одговор од спортските редакции на двете телевизии.

Во одговорот на ARD меѓудругото стои:

“Почитуван тим на Македонци во Германија,
ви благодариме за пораката и многу битната забелешка.
Вашата порака ќе ја земеме многу сериозно и ќе ја пратиме понатаму на нашите експерти, коментатори и водители за секогаш да бидат употребени коректните термини. Ова беше многу добра идеа од ваша страна да ни ја доближиме поблиску оваа проблематика.
Ви посакуваме убаво Euro 2020, останете со здравје,
Вашиот EURO Team на ARD Sportschau. ”

Во одговорот на ZDF меѓудругото стои:

“Почитувани,
Ви благодариме за пораката.
Вашата критична забелешка за именување на македонската репрезентација е земена во предвид. Истата ќе биде препратена до надлежните редакции и од нивна страна применета.
Поздрави, вашиот ZDF сервис.”

Ние на оваа место уште еднаш се заблагодаруваме на ARD и ZDF за исклучително брзата и коректна реакција од нивна страна. Се надеваме дека то што ни пишаа ќе биде и практично применето.

Во меѓувреме ги контактираме и другите медиуми и за нивните реакции ќе информираме дополнително.

За повеќе информации и дискусии на вакви  но и на други теми придружете ни се во групата: Македонци во Германија

The post Прва победа на Македонија на EURO2020? ARD и ZDF позитивно одговорија на нашето барање да не нарекуваат Македонци!!! appeared first on Македонци во Германија.

Спомен плоча на македонски

Овој настан традиционално е организиран и уредно пријавен во градската управа на градот Ellwangen од Црковната Општина “Свети Кирил и Методиј” од Stuttgart.

Црковна општина Свети Кирил и Методиј Stuttgart

Оваа година настанот е закажан утре понеделник 24 мај во 14 часот. Со оглед дека во Германија е неработен ден по повод празникот Pfingstmontag организаторите се надеваат дека ќе се собереме поголема група. Затоа поканети се сите кои имаат желба и време на овој начин да го обележат утрешниот голем празник.
Важно е да се знае дека спомен плочата е надвор така да во однос на корона мерките доволно е да се држи растојание и евентуално по потреба да се стават маски.
Адреса: Schmiedstraße 1, 73479 Ellwangen (Jagst)

Во продолжение прочитајте го во целост известувањето на Црковната општина Свети Кирил и Методиј од Stuttgart по повод овој настан.

Почитувани Верници,

По годишниот план за Богослужби, наредната е на 24.5.2021 година но за жал црквата домаќин поради висок број на заразени во Штутгарт не ни дозволи, но тоа е кога немаме свој Храм.
Бидејќи на истиот ден 24.5.2021 година е и нашиот Патрон па по традиција долги години одиме на чествување и положување свежо цвеќе на Споменполчата на Методиус плац во Елванген, и оваа година одлучивме да одиме.
Значи во Понеделник 24.05.2021 година во 14:00 часот започнува чествувањето во Елванген (Ellwangen)… 

Објавата на Црковната општина Свети Кирил и Методиј од Stuttgart може да ја видите ОВДЕ.

Фото: Сенада Даздаревиќ

За повеќе информации и дискусии на вакви  но и на други теми придружете ни се во групата: Македонци во Германија.

The post Утре 24 мај во 14 часот сите патишта водат кон Ellwangen. Да положиме цвеќе на спомен плочата на Свети Методиј! appeared first on Македонци во Германија.

Поучени од негативните искуства германските медиуми да не нарекуваат “северно Македонци” наместо МАКЕДОНЦИ, на иницијатива на член на нашата Facebook ГРУПА “Македонци во Германија” решивме писмено преку препорачано ПИСМО и преку е-маил да се обратиме до спортската редакција на РТЛ телевизија, со барање нашата репрезентација да ја нарекуваат” MAZEDONISCHE Nationalmannschaft (македонска репрезентација)” а националноста исклучиво како ” Mazedonier (Македонци)”.

Писмата ги пративме во понеделникот наутро и досега немаме добиено одговор ниту преку писмо нити преку е-маил. Се надеваме дека во текот на денешниот ден нашето барање односно забелешка ќе биде разгледана и соодветно применета.

Во меѓувреме и други членови на групата Македонци во Германија реагираа до RTL со иста надеж дека ќе биде слушнат нашиот глас и дека ќе ни бидат испочитивано правото и слобододата на само идентификување.

The post “Ние сме Македонци” писмо до спортската редакција на RTL телевизија appeared first on Македонци во Германија.

Во продолжение, уживајте во одличното интервју со Ивана Атанасова ексклузивно за нашиот портал:

MiD: Здраво Ивана,
Голем поздрав до тебе, и благодарност што прифати интервју за нашиот портал. Ќе може ли најпрво за нашите читатели да ни откриеш која е Ивана Атанасова?

Ивана Атанасова: Здраво , најпрво сакам да  се заблагодарам што ме контактиравте и секако ви благодарам на интервјуто, моја е честа и задоволството.

Јас сум Ивана Атанасова, родена на 16.06.1991г. во Радовиш, Македонија.
Во Македонија студирав Фармација, но поради различни причини ги прекинав студиите и дојдов во Јули 2014г. за Германија.

Млада, сама, полна со надеж и цели, секако за подобар живот во подобри услови.

За многу кратко време го совладав германскиот јазик, за една година до Ц1 ниво (не ме прашувајте како ?) и потоа се запишав на студии овде во Фулда на Hochschule Fulda – University of Applied Sciences, насока Wirtschaftsrecht – Nachhaltigkeit und Ethik.

MiD: Да преминеме на главната причина за ова интервју, а тоа е твојот избор во Советот на странци на градот Фулда. Ќе може ли да ни откриеш како дојде на идеја да се кандидираш воопшто на едни вакви специфични избори, каде се избираат претставници на етничките заедници во Германија?

Ивана Атанасова: Откако дојдов овде, како поминуваше времето увидов за жал дека германците и странците не се третираат подеднакво.

На пример, на еден оглас за издавање на стан, кога ќе се пријави странец и увидат дека е странец, без разлика колку добро го владее германскиот јазик и има добри примања, едноставно го одбиваат со изговор дека станот е веќе издаден, иако после тоа уште долго е самиот оглас активен.

Потоа, посебно кога се работи за фамилијарно право, истотака има големи разлики во третирањето, на пример, многу татковци се погодени од таа проблематика на коишто не им дозволуваат да имаат контакт со своите деца и покрај тоа што во многу случаи има и судско лице кое го надгледува самиот контакт.

Има многу луѓе кои, како мажи, така и жени се погодени посебно од проблематиката кога станува збор за фамилијарно право, фамилијарен живот, бракови, контакт помеѓу децата и родителите, татко -дете или мајка- дете.

Да не ги набројувам и секојдневните проблематики, коишто се однесуваат со самото доаѓање овде, регулирање на престој, на најнеопходни потреби, како што беше признавањето на македонските возачки, потоа спојување на фамилијата итн.

Сите овие работи да не кажам пак проблематики, беа причини кои кај мене имаа огромно влијание  политички да се активирам.

Официјалниот флаер за време на изборот за Советот на странци

Пред да се кандидирам долго ја следев работата на Советот на странци. Имав чест да го запознаам претседателот на советот на странци господинот Абдулкерим Демир, познат како Керим и со него да соработувам.
Неговото функционирање, неговата подготвеност секому да помогне едноставно ме фасцинира и така сите овие години преку меѓусебна соработка, преку помошта што јас и лично секому што можев му ја пружив, а истотака и преку учеството на многу седници на советот на странци сфатив дека можам да бидам дел од него и да придонесам и помогнам уште повеќе за нашиот македонски народ овде во странство за да се подобрат и променат многу работи во позитивна насока и посебно ми е чест што сум избрана како прва православна македонка и жена од листата и воедно сакам овде  јавно да се заблагодарам на сите кои гласаа за мене и ми  дадоа  поддршка.

MiD: Може ли накратко да ни објасниш која е целта и функцијата на Советот на странци во еден град?

Ивана Атанасова:Советот на странци има голема улога во општината, има советодавна функција и се ангажира за сите странци во сите области, без разлика на етничката и верска припадност, за правото на странци, за рамноправност, против расизмот,  на кратко од А до Ш ги застапува интересите на сите странци.

MiD: Кои според тебе се приоритетите на Македонците во Фулда, и дали сметаш дека сега кога имаме свој македонски претставник во Советот, ќе дадеш свој искрен придонес кон нивна реализација?

Ивана Атанасова: Многу од причините кои претходно ги набројав зошто се кандидирав, сметам дека се приоритет на сите Македонци во Фулда.

Македонците во Фулда немаат место за средби.
Има многу клубови или места за средби од различни нации, а додека ние Македонците сме една од нациите која што ја нема таа можност.

Ќе дадам свој искрен придонес за основање на еден македонски клуб, каде што би можеле ние Македонците во оваа туѓа земја меѓусебно да се поддржуваме, да ја негуваме нашата македонска традиција и култура.

Да би можеле преку нашите средби да ја доловиме нашата татковина Македонија овде во Германија, да дозволиме и придонесиме нашите деца да ја видат и чувствуваат, а и да ги поврземе со нашата Македонија.

Од посебно значење, план и желба ми е да придонесам околу изградба на македонска црква во Фулда или за почеток да добиеме соодветен верски објект, кадешто би можеле и ние Македонците да ја одржуваме нашата религија и богослужби.

Исто така будно ќе ја следам и политиката во нашата татковина и посебно ќе се залагам да нашите амбасади и конзулати конечно почнат за нас Македонците, за народот, а не против народот да работат.

За жал македонскиот народ тука во Германија е како изгубен народ и тоа морам да го сменам.
Потребна ни е комуникација и учество во политичките цели.
Ние мораме да се бориме за нашата татковина, да привлечеме и придонесиме да се развие туризмот, имаме преголемо богатство кое гордо би го покажале на светот.

Да основаме и придонесиме во развојот на партнерства помеѓу Македонија и Германија,  на пример, размена на ученици и студенти, меѓусебно да се поддржуваме и да ја негуваме традицијата и културата на двете земји.

MiD: Како конкретно изгледа Советот на странци, колку членови брои, и колку време е неговиот мандат?

Ивана Атанасова: Со демократски избори се избираат членовите на советот на странци.

Во Фулда има 11 советници и мандатот е 5 години.

На сегашните избори се избрани 11 советници од 8 различни земји и од различни верски припадности.

Во групата, во којашто сум јас, ние сме и мнозинството на советот на странци и сме социјално демократски настроени и се залагаме за интересите на сите странци во Фулда.

MiD: Кои се условите за пријавување на ваков избор и дали имаш некоја препорака (или совет) за тие кои би сакале во иднина да се кандидираат?

Ивана Атанасова: Секој, којшто има миграциска позадина смее да се кандидира.

Сите кои не поседуваат германски пасош имаат право на гласање.
Оние кои веќе поседуваат германски пасош, истотака можат да се кандидират и да бидат избрани, но не можат сами да гласаат за советот на странци. Доколку бидат избрани ги имаат истите права како и останати советници.

Моја препорака на сите е да ја следат будно работата на Советот на странци. Да се интегрираат и да придонесат за подобар соживот, но не смеат да заборават од каде потекнуваат и доаѓаат.

MiD: Дали и колку често Ивана ја посетува родната Македонија?

Ивана Атанасова: Па какво е ова прашање? ? Мислам одговорот се подразбира, секако дека ја користам секоја прилика и слободно време за да ја посетам нашата Македонија.

MiD: За крај, дозволи официјално да ти честитаме за успехот, и да ти посакаме многу успешни проекти. Се надеваме дека ќе имаме многу други причини за контакт во иднина.

Ивана Атанасова:Ви благодарам од се срце!
Голема благодарност и до сите читатели, а уште поголема благодарност на сите коишто ми дадоа огромна поддршка, како виртуелно, така и лично.

Посебно сакам да се заблагодарам на моите родители, на моето семејство кои  целосно ме поддржуваат и следат во моите цели и кои ми ја дават потребната енергија да продолжам понатаму!

Огромна чест  ми е што успеав како Македонка да влезам во Советот на странци и да ја претставувам нашата татковина Македонија и да придонесам за подобар и заеднички соживот.

Заедно сме посилни, каде и да сме!

Се надевам и јас дека и во иднина заеднички ќе прославуваме само успеси.

Ви благодарам, Ивана Атанасова

За повеќе информации и дискусии на вакви и други теми придружете ни се во групата Македонци во Германија

The post Интервју со Ивана Атанасова-првиот македонски претставник во Советот на странци во Фулда, покраина Хесен appeared first on Македонци во Германија.