Како што се намалуваат бројките на заразени со вирусот Covid 19 така полека се релаксираат корона мерките. На регионално ниво во зависност од бројот на заразени во последните 7 дена во тој регион полека отвараат продавниците за облека, градежни материјали, цвеќарите, моловите и тн. Исто така во многу региони веќе се отворени и рестораните, фризерските салони, зоолошките градини и тн. Во многу случаи повторно во зависност од бројот на заразени во вашиот регион (види овде број на заразени) за да користите некоја од повторно достапните услуги како на пример фризер или купување облека потребно е најпрвин да закажете термин а потоа и да приложите негативен корона тест и личен документ.
ВНИМАНИЕ тестовите за самотестирање не се признаваат.
За да биде признаен тестот мора да биде направен од овластено лице. Но тоа воопшто не е проблем затоа што антиген тестовите во Германија се бесплатни и може да се направат во повеќето аптеки, специјални центри за брз тест, а ги има и во некој продавници како на пример во некој филијали на DM или LIDL. Овие тестови по правило може да ги правите бесплатно еднаш неделно.
Скоро секаде пред да се тестирате треба да закажете термин. Исклучок се специјалните центри за тестирање каде што може да се тестирате и без термин. Локациите каде што може да се тестирате лесно се наоѓаат со пребарување на интернет или едноставно прашајте во некоја локална аптека или продавница на ДМ, Лидл и тн.
Таму каде што е потребно закажување во најголем број случаи термините се добиваат краткорочно, а резултатите најчесто се добиваат за 20-тина минути. Пред да се тестирате треба да исполните документ „Einverständniserklärung„ за корона тест. Овој документ може да го земете или на местото каде што се тестирате или може да си го симнете online. Зависи од тоа каде се тестирате резултатите ги добивате или по е-маил или во форма на потврда на лист. Во некои тест центри вашите податоци на оваа потврда ги исполнувате вие. На потврдата која ќе ја добиете стои резултатот од тестирање, каде, кога и кој ве тестирал, како и производителот на антиген тестот.
Пример за потврда од антиген тест. Löwen-Apotheke Karlsruhe
ВНИМАНИЕ: овие тестови во зависност од тоа каде сакате да ги приложите имаат важност од 24 односно 48 часа.
ВАЖНО: Овие бесплатни тестови можат да се употребат и како потврда за тие што се враќаат од Македонија за Германија по копнен пат во случај да не сте направиле тест во Македонија или во некоја од транзитните земји. Детали за тие што патуваат од Македонија кон Германија може да прочитате ОВДЕ.
