Со цел да дојдеме до одговорот на ова прашање, на нашата Facebook група Македонци во Германија, направивме анкета со јасно и концизно прашање:

За тие што живеат подолго во Германија, а имаат деца кои се родени тука во Германија, или се донесени многу мали во Германија:

На кој јазик комуницирате со вашите деца?

Како понудени опции беа:

1.Македонски,
2.Германски,
3.Мешано (македонски/германски) и
4.На друг јазик (пр:англиски)

Свое учество во истражувањето зедоа над 1800 испитаници.

Резултатите од истражувањето беа дека над 75% од испитаниците при комуникацијата со своите деца во Германија го користат македонскиот јазик.

Само околу 4% при комуникацијата со своите деца воглавно го користат германскиот јазик.

Околу 18% од испитаниците при комуникацијата со своите деца ги користат наизменично и македонскиот и германскиот јазик.

Додека мал дел,или околу 2% при комуникацијата со своите деца користат друг јазик (на пример англиски) најверојатно надевајќи се дека на тој начин освен македонскиот (мајчин), германскиот (службен), ќе практицираат и друг јазик и на тој начин ќе ги збогатат комуникациските вештини на своите деца.

Инаку, за сите што сакаат своите деца да ги запишат на официјално школо по македонски јазик, и притоа да добијат официјална диплома, можат да се информираат на овој ЛИНК каде ќе најдат контакт од сите официјални наставници по македонски јазик во Германија. Важно да се напомене е дека меѓу Република Македонија и Сојузна Република Германија има договор за взаемна соработка на тоа поле, и успехот од школото по македонски јазик влегува во крајниот официјален успех на децата кои учат во било кое школо на територијата на Сојузна Република Германија .

За повеќе информации и дискусии на вакви и други теми придружете ни се во групата Македонци во Германија.

The post Над 75% од Македонците во Германија користат македонски јазик со своите деца appeared first on Македонци во Германија.

1.Мајчин јазик значи прв јазик кој детето го учи од своето семејство.
2.Знаењето на мајчиниот јазик е значајно при формирање на мислењето,учењето на други јазици воопшто.
3.Мајчиниот јазик има голема улога во развојот на комуникациските вештини во формирање на свеста и креативноста на секој поединец.
4.Мајчиниот јазик е средство за разбирање помеѓу луѓето,средство за културна,општествена,политичка и национална идентификација на заедницата во која поединецот припаѓа.
5.Мајчиниот јазик е витален дел во цивилизациското културно наследство.

??НЕГУВАЈТЕ ГО И ЧУВАЈТЕ ГО СВОЈОТ МАЈЧИН ЈАЗИК??

Воедно, напомена до сите кои имаат интерес за изучување на македонскиот јазик во Германија на престижниот VHS (Volkshochschule), искористете ги овие последни моменти за пријавување.

Линк за пријавување за возрасни ТУКА

Линк за пријавување за деца ТУКА

Фото-  Творам за Македонија-Мојот јазик,тоа сум јас

За повеќе информации на вакви и слични теми,придружете ни се групата Македонци во Германија.

The post 21-ви февруари-Меѓународен ден на мајчиниот јазик appeared first on Македонци во Германија.