🔹 За клиенти:
✅ Потполно бесплатно користење
✅ Брзо најдете мајстор во вашата близина
✅ Објавете и итен оглас кога ви треба помош веднаш
✅ Директна комуникација и праќање слики преку апликацијата
✅ Без размена на телефонски броеви – поголема сигурност

🔹 За мајстори и фирми:
✅ Бесплатна регистрација и 30 дена тест период
✅ Добијте огласи и итни повици за работа од вашиот регион
✅ Вие ја одредувате цената – без провизии по работа
✅ По желба, многу ниска месечна претплата за поголема видливост
✅ Претплатата може да се прекине во секое време, без обврски

💡 Fix Das е создадена за да заштеди време, нерви и пари – за двете страни.
📲 Регистрирајте се и бидете дел од новиот начин на поврзување на мајстори и клиенти!

За повеќе информации и дискусии на вакви и други теми придружете ни се во групата Македонци во Германија

The post Ако нудиш или бараш мајсторски услуги во Германија, FIX DAS е тука за вас appeared first on Македонци во Германија.

✅ГОЛЕМ ИЗБОР НА ВОЗИЛА
✅БЕЗ ДЕПОЗИТИ (за сите членови на нашата Facebook група)
✅ПРЕМИУМ УСЛУГА
✅ПРИСТАПНИ ЦЕНИ (од 19 ЕУР)
✅ Без скриени трошоци
✅Бесплатни детски седишта

Може да ги контактирате на нивниот телефонски број: +389 70 397 720 Viber&Whatsapp 24/7 !!

Или на Facebook, линк ТУКА.

Позитивните искуства на многу задоволни корисници на нивните услуги беа пресудни за нашето пријателство со нив.

За повеќе информации и дискусии на вакви и други теми придружете ни се во групата Македонци во Германија.

Цената е од 19 евра од ден. Ова се дел од нивните возила:

The post ДЕБА РЕНТАЛ КАР со најдобри цени за нашите членови appeared first on Македонци во Германија.

Продавање на објектот и трансформација во дата центар
Во 2007 година, Министерството за одбрана на Германија донело одлука да го продаде овој објект, бидејќи неговото одржување станало премногу скапо и комплексно. Одржувањето вклучувало постојано работење на вентилациски системи, пумпи за спречување на поплавување на подземните нивоа од подземните води, голем систем за климатизација, резервоари со нафта, масивни батерии итн.
Во 2013 година, холандскиот претприемач Херман Јохан Ксент го купува бункерот за 350.000 евра. Ксент ветил дека ќе отвори 50 до 100 нови работни места и дека објектот ќе го претвори во дата центар за хостирање податоци кои бараат висок степен на безбедност и приватност. Познат по својот контроверзен став за интернет без цензура, Ксент веќе имал искуство со вакви проекти во Холандија. Неговата цел била да создаде „bulletproof hosting“ услуга, каде корисниците би можеле да хостираат каков било вид на содржина без мешање на властите. Според Ксент, единствените содржини кои не би биле дозволени во „Сајбер бункер“ се терористичките активности и детската порнографија.

Како „Сајбер бункер“ стана место за нелегални активности
Во своите почетни години како дата центар, „Сајбер бункер“ хостирал веб-страници и услуги кои барале максимална приватност. Меѓутоа, со текот на времето, објектот станал популарен меѓу корисници на Дарк Веб. Властите откриле дека меѓу хостираните сајтови во „Сајбер бункер“ биле некои од најголемите пазари на Дарк Веб за трговија со дрога и хакерски услуги.
Според извори од полицијата, некои од најпознатите сајтови хостирани во „Сајбер бункер“ биле Wall Street Market, еден од најголемите маркети за нелегална трговија со дрога, како и Cannabis Road и Fraudsters, платформа позната по продажба на хакерски услуги и украдени податоци. Физичка и технолошка сигурност го направило „Сајбер бункер“ место за сајбер-криминалци од целиот свет.
Во 2016 година, од серверите скриени под земја, бил покренат хакерски напад на 1,25 милиони рутери на Дојче Телеком. Хакерите речиси го блокирале работењето на германскиот и светскиот телекомуникациски гигант, обидувајќи се да дојдат до податоци и шифри на корисниците, но експертите за компјутерска безбедност успеале да го спречат тоа. Тогаш во Германија се шпекулираше дека зад нападот стојат руски хакери, а канцеларката Ангела Меркел дури дала изјава која упатувала на тоа.

Како германските власти дознале за нелегалните активности
Германските власти добиле први информации за нелегалните активности во 2015 година. Сомневајќи се во објектот и зголемените активности поврзани со Дарк Веб, тие започнале темелна и долготрајна истрага. Со оглед на заштитата на објектот, полицијата морала да примени софистицирани методи за собирање докази и да се посвети на детално следење на активностите во и околу бункерот.
Полицијата ја користела тактиката на инфилтрирање агенти во бункерот под маската на работници. Овие оперативци, всушност, биле тајни агенти кои имале задача да обезбедат информации одвнатре. Преку нивната работа, полицијата постепено создавала јасна слика за активностите во бункерот, следејќи ги комуникациите и интеракциите на лицата кои доаѓале и заминувале од објектот. Благодарение на овие докази, полицијата добила доволно информации за да планира координирана акција.

Полициска рација и апсења
Во септември 2019 година, по четиригодишна истрага, германските власти организираа координирана акција со повеќе од 600 полицајци за упад во „Сајбербункер.“ а претреси биле извршени и во соседните земји, Луксембург и Холандија, како и во Полска.
Откако специјалните сили на германската полиција ГСГ успеале да ги совладаат електронските безбедносни системи и да ги отворат блиндираните метални врати на бункерот, внатре ги чекало вистинско изненадување: на едниот надземен и четирите подземни нивоа на поранешниот бункер на германската војска – Бундесверот, се наоѓале околу 2.000 меѓусебно поврзани компјутери. Се работи за најголемиот досега откриен дата цента за дарк веб


Судски процес и пресуди
Во декември 2021 година, осум лица беа изведени пред суд за нивната улога во управувањето со нелегалноста на “Сајбер бункер”. Главниот обвинет, Херман Јохан Ксент, доби казна од пет години и девет месеци затвор, додека другите обвинети добија казни од четири години и три месеци до една година условно. Пресудата беше историска и го отвори прашањето за етичката одговорност на хостинг провајдерите и потребата за законска регулација во оваа област.

Нетфликс за ова има снимено документарен филм.

За повеќе информации и дискусии на вакви и други теми придружете ни се во групата Македонци во Германија

The post Сајбер бункер во Трабен-Трарбах: Од Воен Бункер до Центар за Сајбер-Криминал.Фото+Видео appeared first on Македонци во Германија.

VinoStory не само што се обидува да продава вина, туку и преку своите блогови дегустации се труди да раскаже дел од богатата македонска традиција и историја.

На здравје!

Кај нас можете да ги најдете класиците Т’га за југ, Александрија, Александар, Мускат Темјаника, но и многу други вина кои се етаблираат на пазарот со нивниот квалитет. Нашата цел и визија е покрај реномираните винарии како Тиквеш и Бовин на нашите купувачи да им понудиме избор на вина и пијалоци од познати винарии како Камник, Брзанов, Лазар…

Доколку сакате вашата трпеза да ја облагородите со чаша од големиот избор на вина од Вранец или чашка лозова ракија, нарачајте и за 2-3 работни дена ќе ја добиете порачката пред вашата врата.

Ако ви треба совет или ви требаат специјални подароци и поголеми нарачки, едноставно испратете е маил или јавете ни се телефонски за да нè контактирате.
Е-Маил: kontakt@vinostory.de
Тел: +49(0)1575-0477-095.

За повеќе информации и дискусии на вакви и други теми придружете ни се во групата Македонци во Германија

The post Онлајн продавница VinoStory. Вкусот на татковината во една голтка вино или ракија… appeared first on Македонци во Германија.

Во сопственост на фамилијата Стефанов ресторанот „Zur Traube“ ги отвори вратите на 7-ми октомври 2023 за гостите и оттогаш неуморно, со огромна љубов и исклучително професионален пристап создаваат прекрасна гастрономска приказна во која има по нешто за сечиј вкус. Почнувајќи од прекрасните салати и мезиња на чело со нејзиното височество шопската салата, традиционалните македонски макала, сирење под капак преку пстрамајлиите, секаков вид на скара па се до специјалитети како селско месо, плескавица во тесто, фламбирано ребро и многу други специјалитети кои ќе ги најдете во нивното МЕНИ (кликни ОВДЕ). Сето тоа сервирано во традиционални глинени грниња, глинени чинии и даски. 

Во ресторанот ќе ве поздрави Јован, синот на фамилијата Стефанов кој како вистински македонски амбасадор овде во Германија освен македонските специјалитети ќе ви понуди и тиквешка ракија, скопско пиво и голем асортиман на македонски вина. Автентичното доживување е заокружено со прекрасен амбиент, многу детали кои потсеќаат на Македонија, фамилијарна атмосфера и тивка македонска музика, која Јован неуморно ја негува. 

На крај секако треба да се каже дека погоре кажаното е резултат на гастронсомското искуство кое Јован го има собирано од најмали нозе во родното Кочани а неговата мајка Габриела е школуван кувар. 

Ресторанот „Zur Traube“ работи од четврток до сабота од 17:30 до 23:00 часот а во недела од 12:00 до 21:30 часот. 

Ресторанот има место за 70 гости во затворениот дел и 35 гости на терасата. 

За повеќе детали посетете ја нивната веб страна клиники ОВДЕ односно Фејсбук профилот (ЛИНК). 

За повеќе информации и дискусии на вакви и други теми придружете ни се во групата Македонци во Германија.

The post Ресторан „Zur Traube“, вкусот на Македонија никогаш не бил поблиску! appeared first on Македонци во Германија.

Малку за нејзината работа:

Огромна предност е што не мора да одите посебно во осигурителна компанија, во банка и слично, туку можете се на едно место.

-Таа е лице за контакт на сите нејзини клиенти за што и да се случи во иднина;
-Договорот ќе ви биде објаснет до детали на Македонски јазик.

За што се може да ја контактирате:

-Приватни кредити (и со 19ц виза);
-Станбени кредити;
-Осигурувања за фирма и работници;
-Правна заштита (Rechtsschutzversicherung)
-Приватни осигурувања (Haftpflichtversicherung, Hausratversicherung, Glasversicherung…)

• Осигурување на автомобил;
  -Додатни здравствени осигурувања; (за заби, протеза, за болница итн.);
  -Приватно пензиско осигурување;
  -Приватно здравствено осигурување;
  -Отварање на жиро сметки (две години е комплетно бесплатно)
  -Штедење;
  -План за штедење за вашите деца;
  -Осигурување на деца (очи, заби….)
  -Патничко осигурување;
  -Осигурувања за во случај на неспособност за работа;
  -Осигурување за во случај да сте подолго време на боледување.

Пожелно е да се направи прво финансиска анализа, за да може да се види според вашите примања и месечни трошоци, што сè е пожелно, а многу често и неопходно да се има за да немате негативен импакт на Вашите финансии.

Несреќите не можеме да ги спречиме, но финансиските последици можеме…

Меѓудругото, сите кои се заинтересирани да се бават со таа дејност, може да ја контактираат Тијана и да станат дел од нејзиниот тим.

За подетални информации, слободно може да ја контактирате.

Mobile:+49 176 73988675 (може и WhatsApp)

E-Mail: tijana.mileva@dvag.de

За повеќе информации и дискусии на вакви но и на други теми придружете ни се во групата:
Македонци во Германија

The post Тијана Милева, наш човек за осигурување и кредити во Германија appeared first on Македонци во Германија.

Tor е кратенка за The Onion Router, што значи луковиден рутер, бидејќи користи слоевита мрежа од релеи залепени еден до друг како лушпи од кромид, користени за анонимизирање и криптирање на комуникацијата.Проектот првично бил развиен во 90-тите години на минатиот век од морнаричката лабораторија за истражување на САД од страна на математичарот Пол Сиверсон и компјутерските научниците Мајкл Рид и Дејвид Голдшланг, со намера за заштита на американската разузнавачка онлајн комуникација. Денес, TOR е достапен за сите корисници на интернет, кои сакаат да ја заштитат својата приватност и слобода на изразување.

Но пред да навлеземе подлабоко,прво да објасниме што е IP адреса и зошто е таа важна.
IP адреса е скратено од Internet Protocol Address. IP адресата се користи за идентификација на компјутерски уред и комуникација со други уреди во интернет протокол мрежата.Секој уред има уникатна IP адреса,самата IP адреса ви ја доделеува вашиот интернет оператор,и точно знае на кого, во кое време, и која IP адреса ја има доделено. Исто како што лична карта ќе ве идентификува, IP-адресата е клучен дел од податоци што може да му ја каже некому вашата локација, давателот на интернет услуги (ISP) и целата историја на прелистување и пребарување на веб(сѐ што сте прегледале и симнале од интернет) и во некои случеви тие логови се чуваат и по неколку години

Кога корисникот го отвора TOR броузерот, тој добива нова IP адреса и криптирана комуникација,воедно се поврзува со мрежата на TOR, која се состои од илјадници доброволни релеи ширум светот,од кој секое релеј дешифрира по еден „слој“ на енкрипција пред податоците да се пренесат до следниот релеј и, во крајна линија, до неговото одредиште. На овој начин, податокот станува тежок за следење и пресретнување од страна на трети лица, како што се владини агенции, интернет провајдери, хакери итн. Корисникот може да пристапи до сите веб-страници, вклучувајќи и оние кои се блокирани или цензурирани во неговата земја.

TOR броузерот не само што овозможува пристап до нормалниот веб, туку и до т.н. длабок веб (deep web) и темен веб (dark web). Длабокиот веб се однесува на делот од интернет кој не е индексиран од страна на стандардните пребарувачи, како што е Google,Bing и така натаму.Темниот веб или Дарк веб е дел од длабокиот веб, кој е намерно скриен и достапен само преку специјални протоколи, како што е TOR. 

На Дарк веб се наоѓаат разни веб-страници, кои нудат нелегални или контроверзни услуги и продукти, како што се дроги, оружје, хакерски софтвер, фалсификувани документи,нарачка на убиства итн.Дарк веб е исто така место каде што се одвиваат разни злосторства, како што се трговија со луѓе, детска порнографија, насилство и убиства.Затоа полицјата FBI,CIA,BKA и други се често дел од Дарк Веб каде се во постојана војна со лугето од мрачната страна на интернетот,како и потрага за лоцирање на овие онион страни и евентуално нивно гасење.

Користењето на TOR броузерот има свои предности и недостатоци, кои треба да се земат во предвид при неговото користење. Предностите се дека корисникот може да пребарува на интернет без да го открие својот идентитет, локација или активност. Тоа значи дека корисникот може да ја заобиколи цензурата, да го избегне надзорот, да ја заштити својата интелектуална сопственост и да го искористи своето право на слободен пристап до информации. Недостатоците се дека корисникот може да се изложи на опасности, како што се злонамерни веб-страници, вируси, малвери, измами итн. Тоа значи дека корисникот треба да биде внимателен и одговорен кога го користи TOR броузерот, и да не ги споделува своите лични податоци, лозинки, броеви на кредитни картички итн.Уште еден недостаток на TOR броузерот е дека тој значително ја намалува брзината на интернетот.

Еден од најголемите ризици при користењето на TOR броузерот е дека корисникот може да стане жртва на хакери, кои бараат начини да ги искористат или да ги украдат личните податоци на корисникот. Хакерите може да се наоѓаат на било кој релеј во мрежата на TOR, или на било која веб-страница на Дарк Веб. Тие може да го компромитираат TOR броузерот, да го пресретнат податоците, да инсталираат малвери на корисникот, да го да ја откријат вистинската адреса на корисникот итн.

Заклучок, TOR броузерот е специјален веб прелистувач, кој овозможува анонимно пребаривање и користење на интернет. Тој е корисна алатка за заштита на приватноста и слободата на изразување, но исто така и потенцијална опасност за безбедноста и законитоста. Затоа, корисникот треба да биде внимателен при користење на TOR и да не го злоупотребува за нелегални или неетички цели.

За повеќе информации и дискусии на вакви и други теми придружете ни се во групата Македонци во Германија.

The post Мрачната страна на интернетот- TOR appeared first on Македонци во Германија.

Што е IP адреса?

IP адреса е скратено од Internet Protocol Address. IP адресата се користи за идентификација на компјутерски уред и комуникација со други уреди во интернет протокол мрежата.Секој уред има уникатна IP адреса,самата IP адреса ви ја доделеува вашиот интернет оператор,и точно знае на кого, во кое време, и која IP адреса ја има доделено.

Зошто да ја скриете вашата IP адреса?

Со помош на бесплатни алатки, многу е лесно да се одреди провајдерот и локацијата на секоја IP адресата, па така и на вашата,исто така, вашиот интернет провајдер знае кои страници ги имате посетено, вашата историја на пребарување на интернет(пребарувани песни,видеа,филмови итн… )односно се што правите онлајн.

Како да ја сокриете вашата IP адреса?
Постојат неколку начини ние ке спомнеме само три:

1) Proxy – наједноставниот, но и најлошиот начин да се сокрие IP адресата.

2) Tor Web Browser веб-прелистувач кој е дизајниран специјално за анонимно пребарување на интернет.

3) VPN или (Virtual-Private-Network) е еден од најкористените.

Ако сакате да проверите дали сте анонимни и која е вашата IP адреса кликнете Овде

Следниот пат ке објасниме нешто повеќе за VPN како работи,како се инсталира и за што најчесто се употребува.

За повеќе информации и дискусии на вакви и други теми придружете ни се во групата Македонци во Германија.

Photo techiexpert.com

The post Како да бидете анонимни на интернет? appeared first on Македонци во Германија.

Од 2009 година, секое лице со место на живеење во Сојузна Република Германија има обврска за здравствено осигурување. Дури и за краткорочни престои во Германија, потребно е здравствено осигурување, во спротивно се одбива издавањето на виза.

 

 

Особености на германскиот систем за здравствено осигурување

Германското здравствено осигурување се карактеризира со двоен систем составен од задолжително здравствено осигурување (ЗЗО) и приватно здравствено осигурување (ПЗО). Додека ЗЗО е достапно за секого, за приватното здравствено осигурување важат одредени услови.

Граѓаните од државите на Европската економска зона1 (ЕЕЗ) и државјаните на земји со кои постои Спогодба за социјално осигурување² може да останат осигурани во здравственото осигурување на нивната матична земја. Осигурителните услуги на други земји може да бидат значително различни во споредба со Германија. Поради тоа може да биде потребен финансиски придонес или склучување на дополнително осигурување.

 

Задолжително здравствено осигурување (ЗЗО) и принцип на солидарност

Придонесите за законското здравствено осигурување зависат од приходот. Основа е вкупниот бруто приход, од кој се наплатува еднаква стапка на придонес во висина од 14,6 проценти (состојба 2019 година). Истиот на еднакви делови е поделен помеѓу осигуреникот и работодавецот со по 7,3 проценти. Покрај тоа, секој фонд за здравствено осигурување наплаќа дополнителен придонес во различен износ, за кој плаќа само вработениот. Доколку се надмине основицата на придонесот (2019: 4.537,50 евра месечно), приходот не е важен за пресметување на придонесот. Во задолжителното здравствено осигурување, децата и брачните другари може да бидат осигурени во рамки на семејното осигурување.

 

Некои групи на лица мора да станат членови на задолжителното здравствено осигурување.Тука меѓу другото се вбројуваа

 

Службеници (бруто приход под границата на задолжително осигурување)

Пензионери (ако е исполнет периодот на претходно осигурување)

Корисници на надоместок за невработеност

Индивидуални услуги во приватното здравствено осигурување

Членството во приватно здравствено осигурување не е можно за секого. Вработените можат да бидат осигурени во ПЗО од бруто приход над задолжителната граница за осигурување (2019: 5.062,50 евра месечно). Подносителите мора да бидат иззмени од задолжителното здравствено осигурување преку поднесување на барање. Честопати приватните здравствени осигурувања бараат минимален период на постојан престој во Германија. Странските осигуреници мора да докажат долгорочен период на осигурување. Многу приватни осигурителни компании нудат посебни стапки за оваа група, кои се прилагодени кон нивните потреби и должина на престој.

Доколку се поднесе барање за приватно здравствено осигурување, ќе бидат поставени детални прашања за здравствената состојба (здравствена проверка). Германската здравствена заштита истекува во моментот кога осигуреникот се враќа во својата матична земја.

Придонесите од приватното здравствено осигурување се независни од приходот и се засноваат според здравствената состојба, возраста и обемот на услугите. Премиите се индивидуални за секој осигуреник.

Опсегот на услуги што ги нуди ПЗО речиси и да не подлежи на државни регулативи и во многу случаи е посеопфатно од задолжителното. Покрај тоа, услугите може да се прилагодат токму на осигуреникот. За сите трошоци за лекување, осигуреникот плаќа однапред. Осигурувањето ги надоместува овие трошоци по поднесување на фактура (принцип на надомест).

 

Дополнителни осигурувања

Дополнителните осигурувања служат за затворање на празнините во здравственото осигурување. Склучувањето се врши во приватна осигурителна компанија, без оглед на приходот. Важни дополнителни осигурувања се, на пример, дополнително осигурување за туѓа нега, дополнително стоматолошко осигурување или дополнително болничко осигурување.

 

Здравствено осигурување за странски студенти во Германија

Сите странски студенти кои започнуваат студии на германски универзитет или висока школа мора да имаат здравствено осигурување. Без доказ за здравствено осигурување, нема упис на факултет.

 

 

Задолжително осигурување за студенти во Германија

Во зависност од целта на престојот, земјата на потекло и возраста на студентот, важат различни услови. Во основа, се разликуваат следните пет групи на лица:
1 Студентите од државите на ЕЕЗ¹ или државите, кои имаат склучено Спогодба за социјално осигурување² со Германија
2 Студентите од сите останати држави.
3 Студентите на возраст над 30 години или кои го завршиле својот 14-ти семестар.
4 Учесници во подготвителни јазични курсеви.
5 Странски докторанти и стипендисти.

 

Здравствено осигурување за граѓаните на ЕУ под 30 години / од 14 семестри

Студентите од државите на ЕЕО¹ и државите кои имаат склучено Спогодба за социјално осигурување² можат да бидат изземени од задолжителното здравствено осигурување во Германија ако имаат доказ за здравствено осигурување во нивната матична земја:

Здравствено осигурување во земјата на потекло	Можности за осигурување во Германија	Дополнителни услови
Задолжително здравствено осигурување	Признавање при задолжително здравствено осигурување	European Health Insurance Card (EHIC) на Фондот за здравствено осигурување во матичната земја
Приватно здравствено осигурување	Приватно здравствено осигурување	Потврда од фондот во матичната земја; Пресметка на услугите и лековите во сопствениот фонд за здравствено осигурување
без здравствено осигурување	Задолжително или приватно здравствено осигурување	од 30 години можно е само приватно осигурување

Внимание: На странските студенти кои се приватно осигурени во Германија, но сè уште немаат наполнето 30 години, често за запишување на факултет им треба потврда за ослободување од задолжителното здравствено осигурување. Потоа, приемот во ЗЗО во рамките на студискиот престој веќе не е возможен.

 

Обврска за здравствено осигурување за граѓани на држави кои не се членки на ЕУ

Студентите од сите други држави за време на нивниот престој мора да имаат задолжително или приватно здравствено осигурување во Германија. Од 30-годишна возраст или по завршување на 14-тиот семестар, студентите во Германија не се осигурани со закон и мора да се осигураат приватно. Истото важи и за лица кои учествуваат во подготвителни јазични курсеви во Германија.

 

Придонеси во задолжителното здравствено осигурување (состојба 2019 година)

Осигурување за странски студенти	Придонес во здравствено осигурување	Придонес во осигурување за туѓа нега	Вкупно придонеси
Студенти без дете (од 23 години)	76,04 евра*	24,55 евра**	100,59 евра*
Студенти до 23 одн. со дете	76,04 евра*	22,69 евра**	98,73 евра*

* Придонесите во задолжителното осигурување за странски студенти се исти кај сите фондови за здравствено осигурување. Покрај тоа, постои и индивидуален дополнителен придонес во соодветниот фонд за здравствено осигурување. ** Придонесите за осигурување за туѓа нега изнесуваат 3,05 % за студентите со дете, а од 23 без дете 3,30 проценти.

Пред започнување со студиите, странските студенти треба да се посоветуваат со надлежното Друштво за помош на студенти или со академската Меѓународна канцеларија (International Office).

 

Работа во Германија – Здравствено осигурување за работници од странство

Начелно важи: вработениот е социјално осигуран во земјата во која работи. Дури и при краткорочен престој во странство, потребно е да се приклучи на германското здравствено осигурување.

 

 

Здравствена заштите на граѓаните на државите членки на ЕУ

Странските работници од државите членки на ЕЕЗ1 и од државите кои со Германија имаат склучено Спогодба за социјално осигурување2, треба да имаат здравствено осигурување во Германија, без разлика дали се вработени или самовработени. Истото важи и ако вработеното лице живее во друга држава членка или ако седиштето на работодавачот се наоѓа во друга држава членка. Постојат само два исклучока:

-Лице истовремено вработено како работник во една држава членка и самовработено лице во друга држава членка ⇢ социјално осигурување е можно во двете држави.

-Временски ограничено испраќање во странство (максимум 12 месеци) ⇢ здравствено осигурање во земјата на потекло (за ова е потребен обрзецот E 101).

 

Здравствена заштите на граѓаните на државите кои не се членки на ЕУ

Независно од должината на престојот, работниците надвор од ЕУ подлежат на германско здравствено осигурување под услов покрај работната дозвола да поседуваат и дозвола за престој. Државјаните на трети земји можат да поднесат барање кај германската дипломатска мисија или во Управата за странци во Германија.

 

Работа и истражување во Германија – Здравствено осигурување за работници од странство и научници од странство

 

Прописи за научници од странство

Исто така, и за научниците од странство (истражувачи) и придружните членови на семејството здравственото осигурување е задолжително. Затоа, итно е потребно државјаните од трети земји да се распрашаат за можностите за осигурување пред поаѓање: Дозволата за престој се издава само по приложување на здравствено осигурување.

Преглед на законските прописи:

 

Потекло/Вид на престој	Правилник за здравствено осигурување
Научници од странство од државите членки на ЕЕЗ¹ и државите кои имаат склучено Спогодба за социјално осигурување²	Здравствено осигурување во земјата на потекло важи и во Германија (European Health Insurance Card). Неопходен е образец број 1 или 101 од матичниот фонд за здравствено осигурување
Странски научници со место на живеење во Германија (при подолги престои)	Задолжително здравствено осигурување кај осигурителна компанија одобрена во Германија постоечкото здравствено осигурување во земјата на потекло може за време на престојот во Германија да се префрли во тарифата за квалификацискиот период
Странски научници со договор за работа	Неопходна е германска обврска за здравствено осигурување во задолжително или приватно здравствено осигурување
Странски научници со стипендија	можно е само приватно здравствено осигурување

 

Здравствена заштита за доселеници во Германија

Лицата кои сакаат да имигрираат во Германија и со тоа да бараат постојан престој, мора да склучат здравствено осигурување. Во спротивно ќе биде одбиено издавањето на германска виза.

 

Право на престој за граѓаните на ЕУ

Начелно, граѓаните на една држава членка на Европската унија имаат право да живеат во која било земја на ЕУ, дури и ако не работат таму. Меѓутоа, правото на престој подлежи на два услова:

-Доселениците мора да покажат дека имаат доволно „средства за живот“ за да можат да се издржуваат во засегнатата земја членка на ЕУ.

-Склучување на здравствено осигурување во „новата“ ЕУ-земја.

 

Прописи за државјани на држави кои не се членки на ЕУ

Имигрантите од земјите на кои за влез во Германија им е потребна виза, уште во тој момент мора да поседуваат здравствено осигурување. Во зависност од тоа дали еден имигрант е вработен или не, важат различни услови како за задолжителното, така и за приватното здравствено осигурување.

 

Посебни прописи за баратели на азил во Германија

Посебен статус добиваат лицата кои во Германија бараат заштита од политички или друг вид на прогон. Начелно барателите на азил не се осигурени преку задолжителното здравствено осигурување. Во случај на болест, тие имаат право на услуги според Законот за услуги за баратели на азил. Во зависност од статусот и времетраењето на престојот, според Законот се применуваат различни нивоа на услуги.

 

Правото според член 4 од Законот за услуги за баратели на азил содржи:

во случај на акутни заболувања: медицински третман, вклучувајќи и набавка на завои и лекови и други услуги кои служат за закрепнување

нега и медицинска грижа, вклучувајќи и помош од бабица, како и снабдување со лекови и завои за бремени жени и леунки

превентивни прегледи и вакцинации

 

 

 

 

Германско здравствено осигурување за ученици, практиканти и дадилки

 450 € oграничување на обврската за правно осигурување.

Студентите на размена, странските практиканти и дадилките кои работат во Германија мора за време на нивниот престој да поседуваат здравствено осигурување и осигурување од несреќи. Странските практиканти и дадилки имаат обврска за задолжително здравствено осигурување само ако заработуваат повеќе од 450 евра месечно. Сепак, можат да склучат приватно здравствено осигурување специјално наменето за потребите на странските гости и посетители од Европската економска зона¹, како од државите со Спогодба за социјално осигуривање².

 

Здравствено осигурување од земјата на потекло или во Германија?

Посетители од државите членки на EEЗ¹ можат да се лекуваат во Германија со помош на Европската здравствена картичка. Ако земјата на потекло има склучено Спогодба за социјално осигурување² со Германија, вклучувајќи и прописи за здравствено осигурување, под одредени околности може да се бараат услуги во Германија. Опсегот на услугите е утврден со соодветната спогодба. Ако земјата на потекло не е во ЕЕЗ¹ и не постои спогодба за социјално осигурување², мора да се склучи приватно здравствено осигурување. Кај дадилките трошоците за приватно здравствено осигурување и осигурување од несреќи паѓаат на товар на семејството-домаќин.

Возрасни ограничувања за дадилки:

По правило: 18 до 27 години

За поднесување барање за виза: 18 до 26 години

Потекло од држави кои не се членки на ЕУ: 18 до 24 години максимален период на осигурување: 12 месеци

Пред да престојувате во странство, препорачливо е да побарате независен совет во матичната земја или во земјата на престој. Ова може да се направи, на пример, кај надлежните дипломатски мисии во странство или во надлежната Управа за странци или специјално во друштвата за осигурување.

Внимание: Тарифните понуди и услуги се разликуваат во зависност од давателот на услуги – оттаму цените и услугите треба да бидат детално испитани однапред. Покрај тоа, постојат тарифи за лица кои краткорочно престојуваат во Германија во рамките на програмата Work & Travel.

 

Корисни совети за странски државјани во Германија

Што да направите во итен случај? Ако во итен случај Ви треба медицинска нега, важно е да знаете кому да му се обратите и како да дојдете до таа помош.

1. Важни телефонски броеви во итни ситуации

Следните броеви за итни случаи се неопходни ако медицинскиот третман е потребен брзо и веднаш, или ако постои друга итна ситуација:

112 → Лекар за итни случаи/ амбулантно возило и/или пожарна (важи ширум Европа)
110 → Полиција

Сите телефонски броеви за итни случаи се бесплатно достапни.

 

2. Дежурна медицинска служба

Можности за добивање на медицинска грижа надвор од работното време:

дежурна медицинска служба на Здржението на лекарски ординации: Тел. 116117

Ургентно одделение на градската болница или на универзитетската клиника на лице место

3. Лекови и аптеки

Лекови обично се добиваат преку аптеки, Германија има многу густа мрежа на аптеки. Истите се означени со голем црвен симбол „А“. Во меѓувреме, нарачката на лекови преку интернет аптеки е исто така широко распространета. Сепак, треба да се прави разлика:

 

лекови без рецепт ⇢ достапни без лекарски рецепт

лекови на рецепт (како што се антибиотици) ⇢ неопходен е претходен лекарски преглед и лекарски рецепт, како и доплата

За итни случаи во Германија постои дежурна аптекарска служба. Адресата на надлежните аптеки („аптека на должност“) во близина може да се најде во актуелен весник или на огласната табла на која било аптека.

 

 

¹ЕУ-/ЕЕЗ-држави: Држави членки на ЕУ и Лихтенштајн, Норвешка, Исланд + Швајцарија

²Држави кои со Германија имаат склучено Спогодба за социјално осигурување: Босна и Херцеговина, прекуморски департмани на Франција (Француска Гвајана, Гвадалупе, Мартиник, Мајот, Реинион), Израел³, Хрватска, Мароко, Македонија, Црна Гора, Србија, Турција и Тунис
³ Спогодбата се однесува исклучиво на помош за родилки во рамките на здравственото осигурување.

 

За повеќе информации и дискусии на вакви и други теми придружете ни се во групата Македонци во Германија.

Извор:krankenkassenzentrale.de

Foto: Maurizio Gambarino/DPA

 

The post Здравствено осигурување во Германија-Детално објаснето appeared first on Македонци во Германија.