Но што всушност значи „подобар живот“? Дали тоа се мери во евра, во мир во душата, во блискост со фамилијата, или пак во можности за децата? Решивме да ги ставиме на вага двете земји, преку неколку важни аспекти.

Економијата – срцето на секојдневниот живот

Во Германија, економијата е стабилна, платите се високи, а шансите за напредување се реални. Работничките права се заштитени, а дури и со просечна плата може пристојно да се живее.

Во Македонија, платите се значително пониски, но и животните трошоци се поскромни. Ако човек има свој дом и скромен начин на живеење, може да помине без големи финансиски грижи – но шансите за економски напредок се ограничени.

На крај, кога станува збор за пари и стабилност – Германија води.

Здравство – кога ќе не фати нешто, каде сакаме да сме?

Никој не сака да оди по лекари, ама кога ќе затреба – многу значи каде си. Во Германија, здравствениот систем е модерен, ефикасен и точен – но задолжително се плаќа здравствено осигурување.

Во Македонија, здравството е достапно за сите, барем на хартија. Практиката, сепак, варира – одлични лекари, но често недостиг на ресурси. Приватното здравство е на високо ниво, но скапо.

Ако се мислиме каде да бидеме ако сериозно се разболиме – Германија дава повеќе сигурност.

Цената на секојдневието

Животот во Германија е скап – кирија, храна, транспорт – сè чини. Но и платите се прилагодени на тоа. Во Македонија, сè е поевтино, особено ако се има сопствен дом. Комуналиите, храната, па дури и излегувањата – сè е подостапно.

За оние кои сакаат релаксиран, скромен живот без големи трошоци – Македонија нуди олеснување.

Баланс меѓу работа и живот

Во Германија, работното време е строго регулирано. Има платено отсуство, почитување на приватноста, па дури и викендите се свети.

Во Македонија, пак, нештата се понекогаш неформални. Работното време е флексибилно – иако тоа често значи и помалку права. Сепак, таа флексибилност му овозможува на човек да биде “снаодлив” и да работи на повеќе страни.

Зависно од приоритетите – некој ќе ја избере германската структура, а некој македонската слобода.

Човечкиот контакт – душата на живеењето

Во Германија, луѓето се културни, но резервирани. Секој си го чува својот простор. Пријателства има, но се градат со време.

Македонија, пак, дише со блискост. Семејството, комшиите, пријателите – сите се дел од секојдневниот живот. Има некоја топлина што не се мери во пари.

За многумина – оваа е причината зошто никогаш не би ја напуштиле Македонија.

Образованието и иднината на децата

Во Германија, образованието е систематски организирано, добро финансирано и нуди многу можности. Стипендии, размена, специјализации – сето тоа им е на дланка на младите.

Во Македонија, образованието е пристапно, но не секогаш квалитетно. Многу млади по дипломирањето се чувствуваат изгубено – со малку шанси за работа и напредок.

Ако размислуваш каде децата ќе имаат повеќе можности – Германија носи предност.

Патишта, сообраќај и секојдневен стрес

Да, Германија има одлична инфраструктура. Но и гужви, застои, паркинг проблеми. Понекогаш треба час и пол само да стигнеш до работа.

Во Македонија – улиците не се идеални, но и нема толкава гужва. Ако живееш блиску до работа, пешачиш, или возиш – стресот е помал.

Заклучок: Што значи „подобар живот“?

Ако за тебе „добар живот“ значи кариера, стабилност, добро здравство и образование – тогаш Германија е твојата дестинација.

Но ако ти се поважни блискоста со семејството, ниските трошоци, и едноставен живот со луѓе што ги познаваш од мали нозе – тогаш Македонија е домот кој не се напушта лесно.

А ти, што мислиш? Каде е подобар животот?
Сподели го твоето мислење во коментарите
Ако те интересираат вакви теми, приклучи се во Фејзбук групата Македонци во Германија, каде што секојдневно споделуваме искуства, совети и реални приказни од двете страни на животот.

The post Каде е подобар квалитетот на животот: Македонија или Германија? appeared first on Македонци во Германија.

При вакви Клаус-констатации, т.е. клаустации, често се потсеќам на муабетот со црвенокосата госпоѓа во поодминати години од мојата зграда во Кобленц, Frau Münzel-Bock. Секогаш тип-топ средена, администратор на станарите, наоружана со соодветни, топли, зборови и совети при секоја наша „лифт-средба“. Нетипична „чиста“ Германка, елоквентна госпожетина, која им пркоси на предрасудите за швабите. Се истакнува физички, висока женетина преку 175см, скоро секогаш со свежо исфарбана црвена коса и мисловно, со бабска емпатија, емоционална интелигенција што знае да реагира соодветно во секоја прилика. Далеку над просечната германка Корина, вечно со несредена, а богами и често мрсна коса, последно нашминкана од матурската вечер, а може ни тогаш. За емпатијата и емоционалната интелигенција на Корина, не вреди уста да отворам, т.е. мастило да трошам. Дигитално мастило. Може сум се препознал во одредени постапки на Frau Münzel, затоа и ми е драга. Да пркосиш на системот и неговиот отпор во безброј наврати, да си го „тераш патот“ според свои убедувања и притоа да останеш присебен и приземјен при секоја несекојдневна ситуација. Само стави германска граматика, културна, социјална и секој преостанат тип на интеграција, транзиција од балкански кон западноевропски структури и вредности on top of it.

Нејсе, не целосна транзиција, не за сите вредности. Има fine tuning и тука. А, да, да се вратиме на elevator pitch на Frau Münzel. М: „Herr Poposki, многу убаво јас ја согледувам и ја резонирам цела ситуација“ Љ: „Каква ситуација, Frau Münzel?“ М: „Ех, каква. Па културно интеграциска, е таква, млад господине. Овој, Herr Asimov, казакстанецот под вас, има пет деца, од кои три ги „шлепа“ во станот наменет за четиричлено семејство. Знаеш и самиот дека киријата му е целосно покриена од државата.

Врз база на дадени лажни фамилијарни податоци на институциите. Срамота, Herr Poposki. Покрај социјалното, зема и по 250Eur месечно за секое дете. Од в година, 255. А тој, мажот, главата на семејството, ништо не работи. Вечно на боледување. Жената ја носи цела фамилија на грб!“ Љ: „И државата, Frau Münzel, и државата, значи и вие и ние ги носиме малку на грб. И ве молам, Љупчо.“ М: „Е, баш така, а од друга страна, вие, кои работите откако сте завршије студии на странски јазик во туѓа земја, немате ниту еден ден да сте биле невработени, а за тоа плаќате на државата преку 40% данок од вашите примања. Па не може да ве ставаат сите странци во исто тенџере Љупчо, не е фер!“ Само благо се насмеав и и´реков: Љ: „Така е, но има многу полоши ствари на светов, Frau Münzel. Не се жалиме ние, не е фер, ама нејсе. Германија била и останала социјална земја. Да има за сите, кога нема за едните, другите да го покријат тоа, преку дел од данокот, во случајов“

М: „Да, јас го оправдувам, ама боли Љупчо, и нас Германците не´боли кога гледаме до кој степен се злоупотребува тој наш систем, направен за севкупен добробит на сите. А примери како Asimov, каде и да се завртиш!“ Љ: „Така е, Frau Münzel, ама и тоа ќе се среди, се во свое време. М: „Мора Љупчо, мора!“ Го напушти лифтот, тропајќи со црното бастунче и погледнувајќи ме длабоко со нејзините големи очи. Поглед на недокажаност. Знае дека знам што мисли. Не смее гласно да го каже тоа. Си носи друго бреме таа нивна генерација и поради тоа уште им се затворени устите на многу теми. Но, на поновите генерации, не им се. Јасно си го кажуваат својот став и што им смета од дојденците.

Asimov & family беа депортирани во ситни саати. Типично германски, дискретно, да не паѓа во очи. One way ticket за Astana. Нека, со право, правилата треба да бидат исти за сите. Ние сме гости кај нив, тие ги сетираат иститие. Но, нека земат повеќе тенџериња во предвид. Поголеми, помали, со поклопец, без. Rostfrei, зарѓани, you name it. Во германската кујна има место колку ти душа сака…

Базирано на вистинска приказна.

Љупче Попоски. 23.03.2025

The post Интеграциски тенџериња appeared first on Македонци во Германија.

Што е IP адреса?

IP адреса е скратено од Internet Protocol Address. IP адресата се користи за идентификација на компјутерски уред и комуникација со други уреди во интернет протокол мрежата.Секој уред има уникатна IP адреса,самата IP адреса ви ја доделеува вашиот интернет оператор,и точно знае на кого, во кое време, и која IP адреса ја има доделено.

Зошто да ја скриете вашата IP адреса?

Со помош на бесплатни алатки, многу е лесно да се одреди провајдерот и локацијата на секоја IP адресата, па така и на вашата,исто така, вашиот интернет провајдер знае кои страници ги имате посетено, вашата историја на пребарување на интернет(пребарувани песни,видеа,филмови итн… )односно се што правите онлајн.

Како да ја сокриете вашата IP адреса?
Постојат неколку начини ние ке спомнеме само три:

1) Proxy – наједноставниот, но и најлошиот начин да се сокрие IP адресата.

2) Tor Web Browser веб-прелистувач кој е дизајниран специјално за анонимно пребарување на интернет.

3) VPN или (Virtual-Private-Network) е еден од најкористените.

Ако сакате да проверите дали сте анонимни и која е вашата IP адреса кликнете Овде

Следниот пат ке објасниме нешто повеќе за VPN како работи,како се инсталира и за што најчесто се употребува.

За повеќе информации и дискусии на вакви и други теми придружете ни се во групата Македонци во Германија.

Photo techiexpert.com

The post Како да бидете анонимни на интернет? appeared first on Македонци во Германија.

[SLGF id=2029]

Првите 25 града во анкетата може да ги видите и како графички приказ еднаш како апсолутна бројка и еднаш во проценти. Од вкупно 5.035 овие 25 града биле избрани 3.702 односно 73,5% или безмалку 3/4.

[SLGF id=2031]

Ако овие бројки ги проицираме по покраини тогаш се добиваат следните резултати. Најмногу членови 1.124 (22,32%) за место на живеење ја селектирале покраината Baden Württemberg веднаш по нејзе следува Bayern со 1.081 односно 21,47% трето и четврто место се Nordrhein Westfalen со 982 (19,5%) и Hessen со 709 (14,08%). Со тоа во овие четири покраини имаме 77,38% од вкупниот број на учесници во анкетата.

[SLGF id=2034]

За подобра хронолошка прегледност од северниот кон јужниот дел на Германија направивме и графички приказ на бројките според 10-те поштенски региони од 0 до 9. Анализирајќи ги бројките по овој основ гледаме дека повеќе од 50% поточно 53% од учесниците на анкетата ги избрале местата од поштенските региони 6, 7 или 8 односно места кои се наоѓаат во јужна и југо-западна Германија. За да ги прикажеме посликовито и пореално на фактичката состојба овие бројки ги аплициравме на претпоставена бројка од 100 илјади Македонци кои живеат во Германија. Така добивме бројка од 20 илјади Македонци кои живеат во поштенскиот регион со почетен број 8. Според оваа претпоставка во поштенскиот регион со почетен број 7 живеат нешто над 18 илјади а во поштенскиот регион 6 безмалу 15 илјади Македонци.

[SLGF id=2038]

[SLGF id=2036]

Ако границите на поштенскиот регион дополнително ги редуцираме со тоа што наместо само првата цифра за репер ги земеме првите две цифри од поштенскиот број ги добиваме следните статистики податоци. Како и погоре за подобра прегледност на резултатите вака прикажаната анкетата ја пресликавме врз претпоставената бројка од 100 илјади Македонци кои според некој претпоставки живеат во Германија.

[SLGF id=2042]

[SLGF id=2044]

The post Резултати и анализа на анкетата „Во кое место живеете во Германија?„ appeared first on Македонци во Германија.

Од вкупно над 5 000 учесници во самата анкета, на прво место ( со 715 испитаници) се наоѓа Струмица. Следува Скопје (со 682 испитаници). На трето место е Прилеп (со 566 испитаници).

Следуваат:
-Штип (293),
-Битола (246),
-Велес (241),
-Кочани (211),
-Куманово (209),
-Охрид (156),
-Радовиш (146),
-Крива Паланка (139),
-Виница (126),
-Свети Николе (117),
-Тетово (116),
-Делчево (107),
-Кавадарци (91),
-Гостивар (89),
-Кичево (71),
-Струга (61),
-Берово (60),
-Гевгелија (56),
-Неготино (53)
-Пробиштип (49),
-Дебар (38),
-Валандово (34),
-Македонска Каменица (30),
-Демир Хисар (28),
-Пехчево (25),
-Кратово (21),
-Крушево (15),
-Ресен (15),
-Богданци (11),
-Македонски Брод (10),
-Дојран (10) и
-Демир Капија (8).

Инаку, според последните официјални бројки од 2015 година, во Сојузна Република Германија биле официјално регистрирани 95 976 македонци. Проценките се дека моментално во Германија има реално многу повеќе македонци од таа бројка.

За повеќе информации на вакви и слични теми придружете ни се во групата Македонци во Германија.

Инаку анкетата (како и многу други анкети) е сеуште активна, и секој што сака, може да земе свое учество.

The post Анкета: Од кој град од Македонија доаѓате? appeared first on Македонци во Германија.