Иако има исто име и презиме со неповторливиот селектор на македонската фудбалска репрезентација (Игор Ангеловски-Мрме) нашиов Игор е потполно различен и физички, и по својот животен пат.

Во првиот од двата дела, Игор ни раскажа за неговиот тригодишен престој во САД, во потрага по “американскиот сон”, по што повторно се враќа во Скопје, каде неколку години е на добра позиција во MICROSOFT MACEDONIA.

Некаде во 2017-2018 Игор сепак одлучува дека “таму некаде” ќе најде “подобар живот” за себе и за семејството, па заминува за Берлин, Германија каде останува неколку месеци. Од таму заминува во Братислава, Словачка каде останува околу 1 година, но фактот дека е разделен со семејството го тера да бара трајно решение.

Па така, со големи напори успева да се избори за работа каква што тој смета дека заслужува, и станува сениор менаџер во PUMA GERMANY, каде е до ден денес. За тоа како успеал да се снајде во голема компанија каде службен јазик е англискиот, и за другите детали, не ја пропуштајте премиерата на првиот дел од приказната со Игор, во понеделник (27.03.2023) во 21:00 часот на нашиот YouTube канал Македонци во Германија.

За повеќе информации и дискусии на вакви и други теми придружете ни се во групата Македонци во Германија.

The post ВИДЕО:Од американски сон до германска реалност во PUMA appeared first on Македонци во Германија.

Како и со повеќето гости во изминатите епизоди на поткастот, и оваа епизода ќе биде презентирана во два дела.

Во првиот дел, Александар ни раскажува за периодот кога сеуште бил во родното Скопје и слабите можности за вработување и напредок во кариерата, и покрај тоа што во тоа време веќе бил на магистерски студии. Па така, свесен за целата ситуација, одлучува да си ја проба среќата во Германија. Како и многу други млади луѓе почнува од првата отскочна даска, а тоа се рестораните за брза храна ( во овој случај McDonald’s во градот Линдау, кој се наоѓа на брегот на убавото Боденско езеро, на самата граница со Австрија).

После успешната студентска работа од околу 3 месеци се враќа во Скопје. Но германскиот начин на живот очигледно му се допаѓа и набрзо потоа одлучува повторно да се врати во Германија.

Преку групата Македонци во Германија стекнува многу совети околу првичните чекори (сместување, работа, документација и слично) и овој пат доаѓа во престолнината на Баварија , Минхен. Соочен со најголемиот проблем во Минхен (сместувањето) на почетокот мора да дели малечка соба со цимери, за да на крајот конечно дојде до мало станче од дваесетина квадратни метри.

Егзистенцијата за почетокот во Минхен повторно мора да ја бара во McDonald’s. Свесен дека тоа е прилично стресна работа, после извесно време почнува со работа и на други места.

Во една фирма каде веќе работел 2-3 години неочекувано добива отказ во период кога бил на боледување.

После кратки консултации, одлучува да ангажира адвокат и правдата да ја бара на суд. За среќа, си плаќал правно осигурување (Rechtsschutz) па речиси сите трошоци за адвокатот биле платени од страна на неговата осигурителна компанија.

За сите детали погледнете го првиот од двата дела од поткастот со Александар во понеделник ( 13.03.2023 ) во 21 часот на нашиот YouTube канал Makedonier in Deutschland Македонци во Германија.

За повеќе информации и дискусии на вакви и други теми придружете ни се во групата Македонци во Германија.

The post Фото и Видео:Судење со работодавачот во Германија appeared first on Македонци во Германија.

Во првите неколку епизоди ќе се раскажува воглавно за Македонци во Германија, но планирано е да има гости и од “пошироката дијаспора” (цела Европа, Америка, Канада, Австралија и тн.) Воедно, ќе гостуваат и лица кои од дијаспората се вратиле во Македонија.

Целта е од прва рака да се запознаеме со причините зошто повеќето луѓе воопшто одлучуваат да заминат, како најдуваат работа и сместување, како обезбедуваат работни документи, со кои проблеми се соочуваат и слично. Гостите раскажуваат за своите згоди и незгоди, искрено и без цензури. На тој начин ќе се разбијат многу митови и заблуди поврзани со “работата во странство”.

Сите кои размислуваат да го спакуваат целиот живот во само еден куфер, во оваа емисија ќе најдат одговор на побитните прашања кои ги мачат. Воедно, заклучете сами зошто многу не ни стигнуваат на саканата дестинација или не успеваат да го издржат тој притисок и жртва, и одлучуваат да се вратат во Македонија.

Проследете ја првата епизода во која гостин е Струмичанецот Васко Коцев (алијас Артур Коцев). Слушнете ја неговата животна приказна директно од него.

Воедно ја користиме оваа прилика да ве поканиме сите вас што сакате да ја споделите вашата приказна, да ни пишете на нашата е маил адреса:

makedoncivogermanija@gmail.com

За повеќе информации и дискусии на вакви и други теми придружете ни се во групата Македонци во Германија.

The post ВИДЕО: Струмичанецот Васко раскажува за почетоците во Германија appeared first on Македонци во Германија.

Обично има посебен оддел (Gewerbeamt) во самата општина. Самото отварање на фирма чини симболична сума на пари ( не би требало да е повеќе од 50 евра). Треба да се наведе точна дејност и опис на дејноста. Треба да наведете дали дејноста ќе биде ваша примарна дејност (Hauptberuflich) или додатна дејност ( Nebenberuflich). Може да си изберете име на фирмата, но и не мора. Може да стои вашето име. Седиште на фирмата може да биде посебно одреден деловен објект за таа намена. Но доколку се работа за дејност која ја обавувате од Вашиот дом, или едноставно се работи за дејност за која не е неопходен посебен деловен простор, тогаш како седиште на фирмата слободно може да ја наведете Вашата домашна адреса.

Деловен даночен број (Steuernummer für gewerbliche Tätigkeit) ќе добиете по автоматизам од страна на Finanzamt.

Ако се работи за основна дејност (Hauptberuflich) ќе мора сите придонеси (здравствено, социјално и пензиско осигурување) сами да си ги плаќате.

Освен тоа има и ситни додатни формалности како на пример членарина во комора на занаетчии, регулирање на чистењето на ѓубрето (со поголеми контејнери) доколку тоа е неопходно за самата работа и слично.

Ако планирате поголема фирма (со вработени) тогаш најдобро да си ангажирате добар сметководител (Steuerberater) за сите детални совети.

Пријавата за фирма (Gewerbeanmeldung) обично е во стандардизиран формат и се состои од две страни. Во многу општини може сами да си ја симнете од интернет, да ја пополните и да ја испратите до надлежниот Gewerbeamt.

Еве како изгледа пријавата, и кои податоци обично се потребни:

За повеќе информации и дискусии на вакви и други теми придружете ни се во групата Македонци во Германија.

The post Отворање на своја фирма во Германија appeared first on Македонци во Германија.

– 799 (43,54%) живеат во градови од 10 000 до 50 000 жители,

-449 (24,47%) живеат во градови од 100 000 до 500 000 жители,

-294 (16,02%) живеат во градови над 1 000 000 жители,

-103 (5,61%) живеат во градови (и населени места) до 10 000 жители,

-97 (5,29%) живеат во градови од 50 000 до 100 000 жители и

-93 (5,07%) живеат во градови од 500 000 до 1 000 000 жители.

Заклучокот од ова истражување би бил дека најголемиот број на Македонци кои живеат и работат во Германија претпочитаат да уживаат во слободата што ја нудат помалите градови со големина од 10 000 до 50 000 жители. Предноста на градовите од овој калибар е тоа што нудат речиси сè што нудат и големите градови (во административна смисла), а трошоците за станарина во нив се воглавно пониски во споредба со големите метрополи.

Од друга страна, можеби тој феномен има своја позадина во навиките на Македонецот да живее воглавно во помали градови (што е најкомпатибилно со доста македонски градови).

Не смее да го изоставиме и процентот на Македонци кои живеат во големи градови (од 100 000 до 500 000 илјади жители) како и оние кои живеат огромните метрополи над 1 000 000 жители (како Берлин, Минхен и слично). Останува само да претпоставуваме дали кај ваквите случаи одлучувачки фактор била желбата да се живее во голема метропола, или пак самата работа налага така.

Како и да е, нашата редакција се заблагодарува на сите што редовно даваат свој допринос во ваквите тековни истражувања, кои ни ја разјаснуваат сликата за битисувањето на Македонецот на територијата на Германија.

За повеќе информации и дискусии на вакви и други теми придружете ни се во групата Македонци во Германија.

The post Резулати од анкетата “Во колкав град (или населено место) во Германија живеете?” appeared first on Македонци во Германија.

Опционално, може да побарате и препорака ( Arbeitszeugnus) од постоечкиот работодавач. Еве едноставен пример за отказ кој може да го прилагодите на вашите потреби:

Datum

xx.xx.xxxx

Max Mustermann
Musterstraße 10
10969 Berlin

Musterfirma XY
Musterstraße 69
10963 Berlin

Kündigung des Arbeitsverhältnisses

1. Betreff: „Kündigung“

Sehr geehrte Frau Schmidt,

hiermit kündige ich das mit Ihnen bestehende
Arbeitsverhältnis ordentlich und fristgerecht zum
nächstmöglichen Zeitpunkt. Dies ist nach meiner Berechnung
der … .

2. „ordentlich“ und „fristgerecht“

Bitte bestätigen Sie mir den Erhalt dieser Kündigung und
das Beendigungsdatum schriftlich.

3. Bestätigung der Kündigung

(Ich bitte Sie, mir ein qualifiziertes berufsförderndes Arbeitszeugnis auszustellen.)

4. optional: qualifiziertes
   Arbeitszeugnis anfordern!

Für die Zusammenarbeit bedanke ich mich recht herzlich.

Mit freundlichen Grüßen
Max Mustermann

Извор на примерот: Afa-anwalt.de

The post Отказ ( Kündigung) на работното место! appeared first on Македонци во Германија.