“Поради преселба во нови простории, Генералниот конзулат на Република Македонија во Минхен нема да нуди конзуларни услуги во периодот од 18 јуни 2024 година до 14 јули 2024 година.

Во итни случаи, ве молиме контактирајте ги следните конзуларно-дипломатски претставништва на Република Македонија во Сојузна Република Германија:

➡️Амбасада на Република Македонија во Берлин:

Koenigsallee 2-4,

Tel: 030 890 69511 E-Mail: berlin@mfa.gov.mk

или

➡️ Амбасада на Република Македонија Одделение Бон

Am Michaelshof 4a 53177 Bonn,
Tel: 0228 9236 90

E-mail: bonn@mfa.gov.mk

Генералниот Конзулат на Република Македонија во Минхен ќе продолжи со обезбедување на конзуларни услуги за нашите граѓани, почнувајќи од 15.07.2024 година, понеделник, во новите простории на конзулатот кои се наоѓаат на следнава адреса:

Fürstenriederstr. 61 80686 München.”

За повеќе информации и дискусии на вакви и други теми придружете ни се во групата Македонци во Германија.

The post Македонскиот конзулат во Минхен на нова адреса од 15 јули 2024 appeared first on Македонци во Германија.

“Почитувани,

Во врска со законската одредба од Член 3 од Законот за патни исправи објавен во „Службен весник на Република Македонија“ број 122/21 кој гласи „Патните исправи кои го содржат натписот „Република Македонија“ издадени до денот на започнувањето на примената на овој закон, ќе важат до истекот на рокот на важење кој е наведен во патната исправа, најдоцна до 12 февруари 2024 година и во тие рамки обврската на македонските државјани кои по разни основи престојуваат во СР Германија (воедно и во Полска и Чешка) за аплицирање за издавање на нови патни исправи со новото уставно име известуваме за следното:

Сите македонски државјани кои престојуваат во СР Германија може да аплицираат за издавање на пасош во најблиското дипломатско конзуларно претставништво на Македонија и тоа според следната поделба:

· Амбасадата во Берлин е надлежна за сојузните држави Берлин и Бранденбург, Тирингија, Саксонија, Долна Саксонија, Саксонија-Анхалт, Хамбург, Шлезвиг-Холштајн и Мекленбург- Померанија (Berlin und Brandenburg, Thüringen, Sachsen, Niedersachsen, Sachsen-Anhalt, Hamburg, Schleswig-Holstein und Mecklenburg-Vorpommern).

· Одделението во Бон е надлежно за сојузните држави Северна Рајна-Вестфалија, Рајнланд-Пфалц, Сарланд и Хесе (Nordrhein Westfalen, Rheinland-Pfalz, Saarland und Hessen).

· Генералниот конзулат во Минхен е надлежен за Баварија и Баден-Виртемберг (Bayern und Baden-Württemberg).

Аплицирањето се врши со претходно телефонско или по електронска комуникација закажување на термин за сликање за нова патна исправа на следните електронски адреси: berlin@mfa.gov.mk, bonn@mfa.gov.mk и munich@mfa.gov.mk.

Информираме дека базни станици за издавање на пасоши покрај оние во СР Германија, има и во амбасадите во: Берн, Виена, Љубљана, Лондон, Генералните конзулати во Њујорк и Чикаго. Мобилни станици за издавање пасоши се поставени во: амбасадите во Брисел, Стокхолм, и генералните конзулати во Венеција, Торонто и Мелбурн.

Ги информираме сите кои ќе поднесат барање за нова патна исправа дека времето за издавање на нов пасош од денот на поднесување на барањето во просек изнесува 50-75 дена, по што пасошите можат да ги лично да ги подигнат во ДКП каде го поднеле барањето.

Доколку државјаните на Република Македонија кои престојуваат во странска држава и кои до 12 февруари 2024 година се уште немаат извадено нов пасош, а имаат намера да аплицираат за издавање на пасоши во Македонија, истите можат да се вратат во земјата со Патен лист кој се вади без термин, со важност на траење од 30 дена од денот на издавање и служи само за враќање во државата.

Напоменуваме дека при издавањето на патните листови пасошите со старото уставно име „Република Македонија„ да не бидат поништувани. Потребни документи за издавање на патен лист: пасош, пополнето барање за издавање на патен лист, две слики и конзуларна такса 30 евра.

Со почит,
Амбасада на Република Македонија во Сојузна Република Германија”

• Редакцијата на порталот го задржува правото да врши технички измени на изјави на трети лица или институции, особено доколку тоа е во корелација со идентитетот и достоинството на Македонија и Македонците.

За повеќе информации и дискусии на вакви и други теми придружете ни се во групата Македонци во Германија

The post Важно соопштение од амбасадата во Берлин за пасошите appeared first on Македонци во Германија.

Од септември 2023 г. поднесувањето на барање за виза согласно § 26 став 2 од одредбата за вработување („Регулатива за Западен Балкан“) ќе следи преку надворешниот вршител на услуги ВизаМетрик ДООЕЛ. Тоа значи дека сите подносители на барање за виза за Западен Балкан барањата нема да ги поднесуваат веќе во Амбасадата, туку исклучиво кај нашиот надворешен вршител на услуги ВизаМетрик (Visa Application Center – VAC, адреса, локација). Ова се однесува само на барањата согласно регулативата за Западен Балкан!

Регистрација на термин

Регистрирајте се сами за термин во Амбасадата. Регистрирањето е бесплатно и едноставно.  

Не е ниту потребно ниту пак има смисла, трети лица да резервираат термин. Амбасадата во Скопје не соработува ниту со туристички агенции ниту со адвокатски канцеларии или приватни понудувачи на услуги, тие не уживаат никакви привилегии. Посебно тие немаат поедноставен пристап до нашиот систем на доделување на термин.

За доделување на термин за виза согласно § 26 став 2 Одредба за вработување („Регулатива за Западен Балкан“) еднаш месечно тече постапка за лотарија.  

Секогаш на почетокот на месецот се отвора нова листа за регистрација на термини за поднесување на барање за виза. Оваа листа ќе биде отворена за регистрации за одреден временски период (во просек околу 2 недели)   за точните датуми за отворање на листата информираме навреме на нашата веб-страна и на фејсбук.

Лотарија и регистрација на термин

Со компјутерски управуван генератор по пат на лотарија се одбира кој од сите регистрации ќе добие термин за поднесување на барање следниот месец. Лотаријата се спроведува во Министерството за надворешни работи во Берлин под надзор на повеќе лица. Ниту Амбасадата, ниту ВизаМетрик не можат да влијаат на извлекувањето. Лицата што ќе бидат извлечени ќе добијат известување од Амбасадата.  

Исклучена е можноста за повеќекратни регистрации. Не постои можност отпосле да се променат податоците што се наведени при регистрацијата. Не е дозволено терминот да се пренесе на друго лице. Не е потребно да се вклучат трети лица (на пр. некоја агенција) и тоа не носи предност. Регистрирајте се без брзање сами за постапката и задолжително внимавајте на тоа коректно да ги внесете Вашите податоци.  

Освен мејл од Амбасадата, ќе добиете мејл и од ВизаМетрик. Со помош на еден линк, како и на Вашето презиме и Вашиот датум на раѓање како податоци за пристап, ќе може сами да си го одберете Вашиот термин. Ве молиме редовно да го проверувате сандачето спам.
Откако ќе изберете термин, ќе добиете барање за уплата во висина од 37,50 евра, кое е потребно да се плати во рок од 24 часа по регистрацијата на терминот, за да се потврди избраниот термин. Доколку не се плати оваа такса, тогаш Вашата резервација на термин пропаѓа како и можноста во тој месец да се поднесе барање. Не може да се резервира нов термин! Ќе мора одново да се пристапи со внесување во месечната листа за лотарија.  
Оваа регулатива ги филтрира подносителите на барање кои во даден случај не би се појавиле. На тој начин се доделуваат термини само на сериозни/подготвени апликанти.    

Дури и со приложена потврда за плаќање, влез во Центарот за прием на ВизаМетрик ќе биде овозможен само кога личните податоци во пасошот на подносителот на барањето за виза целосно се совпаѓаат со податоците што се внесени при регистрацијата на терминот.

Оние рeгистрации што не добиле термин, ќе бидат избришани на крајот од месецот. Сите лица што не добиле известување за термин до крајот на месецот, не биле успешни во постапката за лотарија и може да се регистрираат на листата за следниот месец. Ве молиме да се откажете од поставувања на прашања по мејл во врска со ова. За учество во постапката за лотарија за термини во следниот месец потребна е нова регистрација.

Барање за виза според „регулативата за Западен Балкан“ може да се поднесе само на овој начин. Амбасадата не доделува посебни термини, затоа откажете се од ваквиот тип на прашања.

Примање на барање од ВизаМетрик

Примањето на барањата за виза согласно регулативата за Западен Балкан се одвива во Центарот за прием на ВизаМетрик (локација).
Таму дополнително може да изберете некоја од големиот број на дополнителни услуги, како правење на копии, слики за пасош или испраќање по пошта на сопствениот пасош откако ќе се добие одлука од Визниот оддел. Преглед на услугите ќе најдете на веб-страната на ВизаМетрик. (Link: https://www.visametric.com/macedonia/Germany/mk)
Кога ќе се појавите на терминот, мора да ги приложите неопходните документи https://skopje.diplo.de/mk-de/service/05-VisaEinreise/-/2490958) и да ги предадете Вашите биометриски податоци (слики и отпечатоци од прсти).

Одлука

Одлуката за барања за виза се носи исклучиво од Амбасадата. ВизаМетрик и нејзините вработени немаат никакво влијание врз исходот на постапката за барањето.  
Доколку сте го избрале сервисот за испраќање, тогаш Вашиот пасош ќе Ви биде испратен од страна на ВизаМетрик. Во случај на доделување на виза, тогаш Вашата доделена виза се наоѓа веќе залепена во Вашиот пасош.

Доколку сте одбиени, тогаш одбивањето ќе го добиете по мејл од страна на Визниот оддел на Амбасадата.

Доколку сте се решиле да го подигнете Вашиот пасош од ВизаМетрик, тогаш ВизаМетрик ќе побара од Вас да дојдете да го подигнете пасошот.

И во случај да биде одбиено барањето поднесено во ВАЦ, можете да се жалите. Имајте во предвид, дека Вашиот приговор против одлуката мора да го упатите директно до Визниот оддел.

За повеќе информации и дискусии на вакви и други теми придружете ни се во групата Македонци во Германија.

The post Од септември 2023 нов начин на вадење германска виза appeared first on Македонци во Германија.

Во првиот од двата дела од емисијата, Виктор за прв пат јавно проговори за проблемите кои ги имал во Македонија, а кои за многу брзо време станале пресудни за да извади карта во еден правец.

Имено, Виктор од прва рака ни раскажа за проблемите во македонскиот здравствен систем кои тој ги искусил во периодот непосредно пред да тргне за Германија. Конкретно, имале многу несакани моменти поврзани со животот на неговата ќеркичка која во тоа време (околу 2015 година) сеуште била мало бебе. Ни раскажа како здравствените власти во Македонија си ваделе дијагнози од ракав за малата ќеркичка, за да на крајот се испостави дека речиси ништо од тоа не е точно. Во трајно сеќавање им останал само стресот и трчањето низ македонскиот здравствен лавиринт.

Втората капка која ја прелила чашата на Виктор бил неговиот извор на егзистенција. Имено, во тоа време имал две свои продавници во Дојран со неколку вработени. Но како и многумина, не успеал да опстане во системот кој за некого е мајка а за некого маќеа.

Тука веќе донесува дефинитивна одлука дека среќата ќе си ја бара надвор од границите на Македонија и почнува да истражува кој би бил најдобриот начин. Во сета таа паника, за жал бил и жртва на лажни посредници за работа во странство. Конкретно, бил жртва на измамник од Бугарија кој му ветувал брда и долини, за да на крајот ги игнорира сите негови повици и пораки на Вибер.

Но, тој бил цврсто решен и не се откажал во потрагата по “ветената земја”. Во сета таа бркотница пробал да замине и за Нов Зеланд, но и таа процедура се покажала како прилично скапа и комплицирана.

Конечно, за среќа успева да дојде до работен договор за Берлин, Германија и врз основа на тој работен договор успева за брзо време да ја добие првата работна виза од германската амбасада во Македонија.

Не чекајќи ни секунда, Виктор уште истиот ден кога ја подигнал визата го фатил првиот авион и слетал на аеродромот во Берлин.

Почетокот за него бил ужасно тежок. Воедно, како што и самиот искрено признава, претходно немал многу искуство со странски земји, па културниот шок уште повеќе му ја усложнил претставата за новата средина. Но, за среќа успева да го преброди тој прв период, па за нешто повеќе од една година успева да помогне на неверојатни 47 други Македонци, да дојдат и да почнат со работа во фирмата Hermes, каде и самиот тој работел во тоа време.

За тоа што се случувало детално погледнете во видеото на следниов ЛИНК

Воедно ја користиме оваа прилика да го поканиме секој еден од вас што сака да ја раскаже својата приказна, да ни пише на нашата е маил адреса:

makedoncivogermanija@gmail.com

Придобивките од сето тоа ќе бидат: 1) совет за тие што планираат да поминат по истиот пат и 2) искрено и несебично споделување на искуството за тие што веќе се надвор од Македонија, кои неретко се пронајдуваат во тие случки.

За повеќе информации и дискусии на вакви и други теми придружете ни се во групата Македонци во Германија.

The post Фото+Видео: 47 работни визи за Германија со помош на Виктор appeared first on Македонци во Германија.

Почитуван господине Мирчески,
Најпрво благодарност што ја прифативте поканата за ова наше интервју.

За почеток, може ли накратко да им се претставите на нашите читатели, кој е Боро Мирчески? Кога дојдовте на функцијата конзул при Амбасадата на Република Македонија во Сојузна Република Германија (поточно во одделението во Бон)? Дали сте тука комплетно со Вашето семејство? И како најчесто го поминувате слободното време ?

Конзул Боро Мирчески:

 Ви благодарам и Вам за интересот за ова интервју. Особено ми е драго што Македонците во Германија се обединети во некоја форма преку вашата група на социјалната мрежа „Фејсбук“ и го имаат вашето онлајн издание како медиум преку кои се пласираат информациите од интерес на нашата заедница. Вие сте моќна алатка која обединува околу 50.000 луѓе а за да се менаџира целиот процес, потребно е многу време, енергија, ентузијазам и посветеност. Ви честитам!

И, тука некаде сме еднакви. На животот му пристапувам со голем ентузијазам и вложувам многу труд и енергија во целите кои ги зацртувам. Јас сум обичен човек, како многумина. Потекнувам од просечно македонско семејство, растен со бројни предизвици, чие надминување ме направило поистраен и борбен во „бурите“ кои се дел од моето секојдневие.

Со сопругата имаме два прекрасни синови, Петар и Марко, кои живот ни значат. Тие се нашиот најголем успех, гордост и причина поради која ги правиме сите жртвувања за нашето секојдневие да биде подобро и тука и дома. Се трудиме да се прилагодиме на германскиот систем и начин на живот, но не целосно. Иако физички сме тука, со срцата сме дома. И кога знаеш дека заминуваш дома од некоја држава по три години, се обидуваш да изнајдеш соодветен начин за успешно да функционираш во нејзиниот систем, но не нужно и целосно да се асимилираш. Многу често ни доаѓаат членови од фамилијата и пријатели на гости, а не ретко и ние одиме дома. Кога сме сами, целото слободно време го поминуваме на детски игралишта, во прошетки низ паркови или во посети на околни градови и држави. Едноставно, собираме спомени. Живееме од моментот за моментот.

На позицијата „Конзул“ во конзуларното одделение при Македонската амбасада во Бон сум од 1 април 2021 година. Со мандат до 1 април 2024 година. Доаѓам од редовите на Министерството за надворешни работи каде работам од 2015 година. Образовната титула Магистер по политички науки ја стекнав на Универзитетот во Болоња, Италија во 2008 година.

Македонци во Германија:
Кои се вашите првични впечатоци за Германија и градот Бон, и дали веќе се навикнавте на новата средина?

Конзул Боро Мирчески: 

За оваа фаза во животот, кога моите деца се во пред-училишна возраст, мислам дека Бон е соодветно место за живеење. Мал град, што нуди доволно фамилијарни содржини каде може да се поминува секојдневието и има соодветна позиционираност многу поголеми градови да се во непосредна близина, па често може и да се посетат. Бон како град дава чувство на безбедност и мир. Ништо нема премногу, ниту премалку. Некако е соодветно дозиран од било кој аспект. Секако, се трудиме да функционираме најдобро што можеме во земја како Германија.

Македонци во Германија:
Сега нешто конкретно со вашата мисија тука… Во каква ситуација го затекнавте конзулатот во Бон, дали имаше суштински недостатоци во функционална смисла? И дали имаме конкретни активности во насока на подобрување на евентуалните недостатоци?

Конзул Боро Мирчески: 

Конзуларното одделение во Бон бара посебен пристап во работењето. Години наназад, обемот на работа континуирано расте. Се поголема е концентрацијата на македонски државјани кои одбираат да се преселат во покраините под наша конзуларна надлежност. Од моето доаѓање до денес, многу работи се сменија, што како последица од потребата за адаптирање предизвикана од „Ковид 19“ пандемијата, што како последица на суштинските промени во спроведувањето на секојдневните активности. Во септември, минатата година се постави првата базна станица за издавање нови пасоши во Бон и тоа бараше сериозни радикални адаптации за да можеме да одговориме на потребите на нашите сограѓани. Во 2021 година, споредено со 2020 година, обемот на работа е зголемен скоро за 100%. Просекот на сработени предмети во конзуларното одделение е над 20.000 на годишно ниво. Тоа бара сериозен ангажман на нас, вработените. Работното време на ниту еден од нас не завршува за 8 часа. Практично, не е возможно да се завршат сите работни обврски во тој период. Некој од нас „заглавува“ на работното место до доцна попладне, друг работи навечер од дома. Сите даваме максимум од себе за да успееме да одговориме на барањата на странките. Секако дека има незадоволство кај одредени странки од нашето работење, но, се трудиме да изнајдеме соодветно решение за нивното незадоволство, доколку постои законска можност за решавање на нивната ситуација и расположение од двете страни да се пронајде соодветна формула како да се извлече позитивен резултат и да се реши незадоволството.

Мојот пристап е отворен, клиентелистички. Отворен сум за странките во секое време и секој еден што ќе побара средба со мене, соодветно е примен. Мојот телефонски број е широко распространет помеѓу странките и се трудам да одговорам на секој повик, СМС, порака на социјални мрежи и слично. Редовно ги следам и објавите во вашата „Фејсбук“ група па директно им се обраќам на странките во приватна порака кои објавиле дека имаат било каква ситуација поврзана со нашето работење.  Во постојан контакт сум и со Здруженијата, црковните општини, џамиските одбори, наставниците по македонски и албански јазик ангажирани од Министерството за образование и наука, почесните конзули, со колегите дипломати од други земји, бизнис заедницата…  

Македонци во Германија:
Пред да го спремиме ова интервју, ги замоливме членовите на најголемата Facebook група Македонци во Германија ЛИНК да наведат кои се најголемите забелешки во врска со функционирањето на конзулатот во Бон генерално. Секогаш на прво место беше проблемот со предолгото чекање за закажување термин, сликање и издавање на нова патна исправа. Понатаму, има доста поплаки на неефикасноста на телефонската комуникација на конзулатот. Како стојат работите сега на ова поле?

Конзул Боро Мирчески:

 Секоја оправдана критика ја земаме во предвид во начинот на подобрување на нашето секојдневно работење. Ја поздравувам вашата иницијатива прашањата да произлезат од членовите на вашата Фејсбук група бидејќи тоа е начин да се добие вистинската слика – кога коментарите на двете страни се земаат во предвид.

Сепак, реалноста во моментов е сосема поинаква. Воопшто не се чека на закажување термини за било која услуга. Во моментов, сите услуги ги нудиме без термини, секој работен ден од 9 до 13 часот. Конзуларното одделение во Бон работи со странки од понеделник до петок во наведениот временски интервал, освен на македонските и германските државни празници.

Во однос на издавањето на нови пасоши ситуацијата е радикално променета. Изготвен пасош се добива за 30 до 45 дена од денот на сликање и земање биометриски податоци. Успешноста на позитивно решени барања за нови пасоши од денот на поставување на базната станица ни е 97%, што значи дека само 3% од поднесените барања за нови пасоши, од причини познати за странките се спорни и работиме на нивно решавање, по што постапката за добивање на нов пасош непречено би продолжила.

Од 21 септември 2021 година во конзуларното одделение во Бон почна да функционира базна станица за издавање на нови пасоши, што подразбира сликање и земање биометриски податоци за нов пасош на дневна основа. Со тоа, престана да се имплементира Владиниот акциски план за издавање нови пасоши со мобилни станици, пракса која траеше повеќе од деценија и подразбираше долготрајна процедура за добивање на нов пасош. Во текот на март, реализиравме сликање и земање биометриски податоци за нови пасоши во три кабини, со една базна станица и две мобилни станици со што ги реализиравме сите заостанати барања за нови пасоши од 2021 година. Од 1 април 2022 година и услугата – поднесување на барање за нов пасош се одвива без термин. На денот на поднесување на барање за нов пасош, веднаш се пристапува кон следната фаза – сликање и земање биометриски податоци, со што целата процедура од поднесување барање за нов пасош до добивање на нов пасош, трае најмногу месец и пол, секако, доколку нема спор со документацијата поднесена при самото барање за нов пасош. Затоа, најважно од се е странките да се информираат по електронски пат на нашата е-меил адреса кои документи им се потребни за било која услуга, како не би имале никакви потешкотии при добивање на услугата кога ќе дојдат во нашите простории.

Во однос на поплаката поврзана со телефонската комуникација… Со оглед дека на дневна основа услужуваме околу 100 луѓе, практично е невозможно подеднакво да се посветиме истовремено на сите сегменти од работењето. Најмногу трпи телефонската комуникација. Телефонот во Амбасадата непрекинато ѕвони. Во исто време, во нашите простории има странки кои треба да се услужат. Секогаш даваме приоритет на присутните странки. Затоа, не сме во можност да одговориме на сите телефонски повици. Ги повикувам странките почесто да ја користат електронската комуникација како форма на комуникација со нас, бидејќи на мејловите се обидуваме да одговориме целосно и навремено.

Во блиска иднина планираме да поставиме и автоматска телефонска централа, преку која странките ќе можат со притискање на соодветни бројки да ги добијат потребните информации за тоа кои документи им се потребни за нивното барање, како начин да се олесни и притисокот што во моментот се создава од неможноста за редовна и навремена телефонска комуникација.

Оваа година, конзуларното одделение ќе добие и зајакнување на тимот со уште еден колега – дипломат од Министерството за надворешни работи, со што верувам дека само ќе се забрзаат дел од услугите што во моментов ги нудиме на нашите странки.

Македонци во Германија:
Од неодамна, конзулатот се наоѓа на нова адреса. За тоа претходно имавме и конкретна статија на нашиот портал ЛИНК. Дали новата локација донесе предности или евентуално недостатоци?

Конзул Боро Мирчески: 

Новата локација е на улицата Am Michaelshof 4a во центарот на населбата Бад Годесберг во Бон. Тоа значи дека во непосредна близина, на 30 метри оддалеченост се наоѓа подземна гаража, каде странките можат да ги паркираат своите автомобили, експозитурите на сите поголеми банки, а поштата е на само 300 метри оддалеченост. Сето ова ни ја олеснува работата и нам и на странките.  

Македонци во Германија:
Дали Вие како прв човек на тимот кој се труди да им излезе во пресрет на македонските граѓани во Германија имате некоја порака кон самите граѓани? Дали има нешто (се разбира добронамерно) што би им го кажале доколку би имале можност за тоа?

Конзул Боро Мирчески: 

Почитувајте ја земјата во која сте се родиле, негувајте го вашиот мајчин јазик и вашите културни вредности, без разлика каде и да сте во светот.

Македонци во Германија:
Какви се Вашите очекувања за во блиска иднина во однос на Вашиот работен ангажман?

Конзул Боро Мирчески:

 По завршување на мојот мандат во конзуларното одделение во Бон се враќам во Министерството за надворешни работи каде ќе бидам прераспределен на соодветна работна позиција.

Македонци во Германија:
За крај, дозволете да Ви се заблагодариме уште еднаш за прифатената покана за ова интервју, и за одвоеното време, за што веруваме дека сите што ќе го прочитаат ова интервју ќе бидат благодарни и ќе имаат многу подобра претстава за нашиот Конзул, како и за конзулатот генерално.

Конзул Боро Мирчески: 

Ви благодарам и Вам уште еднаш за интересот и за можноста да ја кажеме „нашата страна од приказната“ за работењето на конзуларното одделение.

За повеќе информации и дискусии на вакви и други теми придружете ни се во групата Македонци во Германија ЛИНК

The post Интервју со македонскиот конзул во Бон-Германија appeared first on Македонци во Германија.

“Ве молиме обрнете внимание на тоа, дека германската Амбасада не прифаќа фалсификувани јазични сертификати во постапките за виза. Доколку доставите фалсификат (свесно или несвесно), тогаш Вашето барање не само што ќе биде одбиено, туку исто така ќе бидете внесени во интеринституционалната „датотека за предупредување за визи“. Освен тоа, институцијата што нуди полагање за јазични сертификати ќе биде известена дека сте поднеле фалсификат во Амбасадата. Од тоа може да произлезе забрана за полагање на испити до една година.
Ве молиме пријавувајте се само кај признати јазични училишта за полагање на испит и не дозволувајте да бидете измамени од лажни ветувања за полесен испит или пак за фалсификувани сертификати што изгледаат како вистински.
Имајте во предвид: фалсификуваните јазични сертификати имаат сериозни последици за Вашето барање за виза и за следните барања!”

Затоа е најдобро сите кои аплицираат за германски визи, да не ни помислуваат на вакви нелегални дејствија, бидејќи последиците може да бидат далекусежни.

За повеќе информации и дискусии на вакви и други теми придружете ни се во групата Македонци во Германија.

Foto: Times of India

The post Лажни сертификати за германски јазик во амбасадата appeared first on Македонци во Германија.

Конзуларното одделение на Македонската Амбасада во Бон информира дека поради преселување во нов објект Амбасадата нема да работи во периодот 23.12.2021 – 01.02.2022 година.
Во меѓувреме, сите странки услугите може да ги добијат во дипломатско –конзуларните претставништва во Берлин и Минхен.

Инаку Е маил адресата на конзулатот останува истата:

bonn@mfa.gov.mk

Телефонскиот број за контакт останува истиот:

0228/923690

Од 02.02.2022 година, Амбасадата продолжува со тековна работа, во новите простории на ул:

Am Michaelshof 4a

53177 Bonn,

кат 4, во центарот на населбата Бад Годесберг.

На следната мапа ја имате новата локација,доколку патувате со навигација:

За повеќе информации и дискусии на вакви и други теми придружете ни се во групата Македонци во Германија.

The post Од февруари 2022 конзулатот во Бон на нова адреса appeared first on Македонци во Германија.

Како резултат на успешната соработка, а со цел ваше правилно информирање, ви ги приложуваме објаснувањата за најчестите потреби .

Во продолжение ви ја објаснуваме процедурата за издавање на патен лист.

Објаснување за постапката за издавање на патен лист во Одделението
на Амбасадата на Република Македонија во Бон:

Барањето за издавање на патен лист се поднесува лично. Потребни се следниве документи:

– македонска патна исправа со поминат рок или важечка македонска лична карта
– 2 биометриски фотографии
– 30 евра

Во дадени случаи, т.е. кога нема доволно докази за македонското државјанство, патниот лист не може да се издаде веднаш, туку е потребно да се изврши проверка од страна на надлежниот орган во Република Македонија. Проверката трае 3-4 недели. Кај изгубени или украдени пасоши потребно е да се достави и пријава за загубен пасош од надлежен германски орган.

За издавање на патен лист за малолетни лица потребно е двајцата родители да дојдат во Амбасадата на Република Македонија во Бон и да ги донесат следниве документи: доказ за идентитет на родителите, доказ за македонско државјанство на барем еден од родителите (македонска патна исправа или лична карта), патната исправа од детето (доколку поседува), македонски или од друга држава издаден извод од матична книга на родените на меѓународен образец, две фотографии и 30,-евра за секој патен лист.

Патниот лист се издава истиот ден и важи 30 дена од денот на издавање. Работното време на Одделението во Бон е од понеделник до петок од 09.00 до 13.00 часот, освен на македонски и германски празници.

За македонски државјани кои воошто не го познаваат (или делумно не го познаваат македонскиот јазик) во продолжение и превод на германски јазик:

Erläuterung zur Ausstellung eines Passersatzpapiers bei der Außenstelle
der Botschaft der Republik Makedonien in Bonn

Für die Ausstellung eines Passersatzpapiers ist ein persönliches Vorsprechen erforderlich. Folgende Unterlagen werden benötigt:

– abgelaufener makedonischer Reisepass oder gültiger makedonischer Personalausweis
– 2 Passbilder
– 30,- Euro

In manchen Fällen, bzw. wenn keine ausreichende Staatsangehörigkeitnachweise vorliegen, kann das Passersatzpapier nicht sofort ausgestellt werden, sondern es bedarf einer Überprüfung durch die zuständige Behörde in der Republik Makedonien. Diese Überprüfung dauert ca. 3-4 Wochen. Im Falle eines Verlustes des makedonischen Reisepasses ist ebenfalls eine Verlustanzeige der Polizei vorzulegen.

Für die Ausstellung von Heimreisedokumenten (Passersatzpapier) für minderjährige Kinder ist die Vorsprache der beiden Eltern bei der Außenstelle erforderlich. Mitzuführen sind: ein Nachweis über die Identität der Eltern, en Nachweis über den Besitz der makedonischen Staatsangehörigkeit von mindestens einer der Eltern (makedonicher Reisepass oder Personalausweis), falls vorhanden der abgelaufene Reisepass des Kindes, makedonische oder ggf. internationale Geburtsurkunde des Kindes, zwei Passbilder und 30,-Euro pro Person.

Das Passersatzpapier hat eine Gültigkeit von 30 Tagen. Die Öffnungszeiten der Außenstelle in Bonn sind Mo. – Fr. von 9.00 bis 13.00 Uhr, außer an makedonischen und deutschen Feiertagen.

За повеќе информации и дискусии на вакви и други теми придружете ни се во групата Македонци во Германија.

The post Издавање на патен лист во македонска амбасада или конзулат appeared first on Македонци во Германија.

Резервација на термини за наредните месеци.

Поради технички проблеми при последната регистрација на термини на 5 октомври 2021 година, се регистрираа повеќе лица отколку што тоа го дозволува списокот на чекање на термин. Амбасадата одлучи да не ги избрише „пребукираните термини“, туку на сите регистрирани лица да им додели термин до најверојатно крајот на февруари 2022 година по хронолошки редослед. Од таа причина, во месеците ноември, декември и јануари нема да има отворен список за регистрација на термин.

Ве молиме, воздржете се од прашања во врска со оваа тема.

Исто така однапред би сакале да Ве информираме, дека Амбасадата најверојатно на почетокот на наредната година ќе воведе промена во врска со регистрацијата и доделувањето на термините. На тој начин регистрацијата ќе се поедностави. За конкретните детали ќе бидете благовремено информирани-стои во сопштението на Фјесбук страната на Гермaнската амбасада во Скопје

За повеќе информации и дискусии на вакви и други теми придружете ни се во групата Македонци во Германија.

The post Лоши вести од германската амбасада во Скопје – стопирани термините за виза!!! appeared first on Македонци во Германија.

“Во моментов, постапката за добивање нов пасош преку ДКП-та се одвива на начин што најпрво мора да се поднесе барање, по што се чека да се добие термин за сликање и земање биометриски податоци.

Поради заостатокот од реализација на поранешниот акционен план на Владата и големиот број на нереализирани барања од 1 јануари 2021 година, во моментов сеуште се чека за термин за сликање и земање биометриски податоци и по неколку месеци. Сепак, Амбасадите работат со полн капацитет за во најскоро време да се реализираат заостанатите барања, како побрзо би се нормализирала состојбата. По нормализација на состојбата и доведување до народски кажано НУЛА, постапката за вадење пасош ќе се одвива исклучиво со лично поднесување на барање во просториите на ДКП-та и веднаш пристапување кон втората фаза – сликање и земање биометриски податоци. По завршување на оваа фаза, изготвениот пасош се очекува да пристигне во ДКП-та во Германија за околу 30-на дена.

Во моментот цената на патните исправи е непромената и се движи од 27 до 36 евра, зависно од возраста на апликантот.
Моментално преку ДКП може да се аплицира само за добивање нов пасош, но не и лична карта и возачка дозвола.”

На наше прашање во врска со патниот лист го добивме следното објаснување:

“Патниот лист не заминува во историјата. Истиот има сосема поинаква намена. Служи и за лица кои се на туристички престој во Германија, кои се соочиле со кражба или губење на пасошот, по што задолжително ќе треба да се извади патен лист за да се оствари влез во матичната земја.”

Понатаму, во објаснувањето се вели дека во конзулатот во Бон само во периодот од јануари до септември оваа (2021) година има над 2000 заинтересирани кои сакале да извадат патна исправа преку овој конзулат. Наводно, вработените работат интензивно и изразуваат надеж дека крајната цел за издавање на патна исправа во рок не подолг од еден месец е реално да се очекува после напорна работа од околу три до четири месеци, откако сите заостанати случаи ќе се обработат и ќе дојдеме до т.н нулта точка.

Истовремено истакнаа дека во останатите две дипломатско-конзуларни претставништва на Република Македонија во Сојузна Република Германија (амбасадата во Берлин и конзулатот во Минхен) бројот на заостанати случаи за истиот период (јануари до септември 2021) е двојно помал и шансите за забрзување на целокупниот процес таму се многу поголеми.

Останува да видиме како ќе се одвива самата работа на терен и дали конечно после толку поплаки и притисоци дипломатско-конзуларните претставништва ќе станат вистински сервис на Македонците во Германија.

Фото: mkd.mk

За повеќе информации и дискусии на вакви и други теми придружете ни се во групата Македонци во Германија.

The post Најава за вадење на македонски пасош во Германија за еден месец appeared first on Македонци во Германија.