Во 2024 година, Германија повторно е убедливо најголем пазар за македонските производи, со извоз вреден 3,35 милијарди долари или речиси 40% од вкупниот извоз.

Веднаш зад неа е Србија со 885 милиони долари, додека Бугарија и Чешка исто така бележат значителен обем на трговија.

Македонскиот извоз денес најмногу се потпира на индустриски производи со повисока додадена вредност – каталитички конвертори, автомобилски кабелски сетови, хемиски препарати и електрична опрема. Ова претставува значајна промена во споредба со периодот пред две децении, кога доминираа текстилот и основните метали.

Вкупниот извоз пораснал од околу 2 милијарди долари во 2005 година на над 8,4 милијарди долари во 2024 година, што укажува на силна извозна ориентација на економијата и на растечка интеграција во европските производствени синџири.

Дополнително, речиси 77% од македонскиот извоз е насочен кон Европската унија, што ја потврдува позицијата на земјата како стабилен и важен снабдувач на европскиот пазар.

За повеќе информации и дискусии на вакви и други теми придружете ни се во групата Македонци во Германија.

The post Германија убедливо најголем увозник на македонски производи во 2024 година appeared first on Македонци во Германија.

Во својата изјава, министерот Андоновски нагласи дека оваа одлука е дел од пошироката стратегија за олеснување на административните процеси и зголемување на достапноста до услугите за сите граѓани. Новата мерка овозможува секој документ, добиен преку Националниот портал, да биде законски валиден и во испечатен формат, со што се елиминира потребата од физичка верификација во државните институции.

„Ова е голем чекор кон модернизација и дигитализација на јавната администрација. Со новата мерка, граѓаните веќе нема да мора да чекаат долги редици за верификација на документи. Секој документ што е издаден дигитално преку нашите системи ќе биде препознаен како валиден, без разлика дали се поднесува во дигитален или хартиен формат,“ изјави министерот Андоновски.

Со овозможувањето на употребата на испечатени документи: 1.Граѓаните добиваат поголема флексибилност. Не сите имаат лесен пристап до дигитални уреди, па оваа мерка ги покрива и оние кои претпочитаат физички копии. 2Административниот товар се намалува. Институциите ќе имаат побрзи и поедноставни процеси, намалувајќи го времето на обработка на барањата.3.Се заштедуваат ресурси. Потребата за дополнителна заверка на документи ќе биде минато, а тоа значи помалку административни трошоци.4.Се подобрува довербата во дигиталните услуги. Граѓаните кои досега биле скептични кон дигиталните решенија сега ќе имаат можност да ги комбинираат дигиталните и физичките формати според своите потреби. Технички детали за новата услуга

Граѓаните ќе можат да ги преземат документите директно од Националниот портал во PDF формат со вградени дигитални сертификати и QR-кодови. Овие кодови ќе овозможат проверка на автентичноста на документите преку скенирање со мобилен уред или компјутер.

Министерот исто така нагласи дека сите институции се веќе опремени со софтвер за проверка на овие дигитални потписи, со што се обезбедува транспарентност и сигурност во процесот.

Првичните реакции на јавноста се позитивни. Граѓаните ја поздравија можноста да ги користат своите документи веднаш, без потреба од чекање и дополнителни заверки.

Бизнис-заедницата, пак, гледа на оваа мерка како на чекор кон побрзи и поефикасни деловни процеси. Компаниите веќе нема да мора да се потпираат на физичка достава на документи, што го забрзува склучувањето договори, добивањето лиценци и спроведувањето на административните процедури.

Министерот Андоновски најави дека ова е само почеток на посеопфатна дигитална реформа. Во наредните месеци се очекува:

1. Воведување на целосна автоматизација на административните процеси.
2. Интеграција на базите на податоци меѓу различни институции.
3. Развој на мобилни апликации за полесен пристап до услугите.
4. Проширување на Националниот портал со нови категории услуги.

„Нашата визија е едноставен, брз и модерен систем што ќе ги ослободи граѓаните и компаниите од непотребна бирократија. Оваа мерка е клучен чекор на тој пат,“ додаде Андоновски.

За сите неправилности се предвидува воведување на инспекцискиот надзор (ИКТ инспекција) над примената на законот. Со тоа се обезбедува јасни правила за контролирање на исполнувањето на стандардите и барањата од Законот“, соопшти министерот Андоновски.

Новата политика за испечатени документи е значаен чекор кон модерна и ефикасна администрација. Со оваа промена, државните институции покажуваат дека дигиталната трансформација не значи исклучување на традиционалните методи, туку интегрирање на нови технологии во служба на граѓаните.

Како што дигитализацијата продолжува да се развива, останува да видиме кои следни чекори ќе ги направи Владата за да ја зацврсти оваа позитивна промена и да ги приближи административните услуги кон секој граѓанин.

Сите е-услуги може да ги добиете на владиниот портал: ЛИНК ТУКА

За повеќе информации и дискусии на вакви и други теми придружете ни се во групата Македонци во Германија

The post Дигитализација на државните документи во Македонија appeared first on Македонци во Германија.

Рокот за аплицирање трае до 28 септември, при што предлог- проектите пристигнати по овој датум нема да се разгледуваат. Проектите во скенирана форма се доставуваат до Министерството за надворешни работи преку електронската пошта на Дипломатско-конзуларните претставништва (ДКП) на Република Македонија во странство и паралелно, на e-mail seat.fejzuli@mfa.gov.mk. Доколку апликантот нема можност за скенирање на проектот, истиот се доставува по пошта до надлежното ДКП.

Информираме дека согласно внатрешниот Правилник на Министерството за надворешни работи за утврдување на постапката за доделување на проектни средства, наменети за потребите на дијаспората, од страна на Министерот за надворешни работи ќе биде формирана Комисија за разгледување и евалуација на пристигнатите проекти. Истата ќе изготви решение за распределба на проектните средства.

Апликантите, чии проекти ќе бидат одобрени/неодобрени од Министерството за надворешни работи, за истото ќе бидат информирани преку електронска пошта од страна на Министерството за надворешни работи.”- стои на сајтот на МНР

***Став на Редакцијата на порталот Македонци во Германија е за називот на државата да се користи името Република Македонија.

За вакви и други теми придружете ни се во групата Македонци во Германија.

The post Јавен повик за проектни апликации од редовите на дијаспората, за 2024 appeared first on Македонци во Германија.

„На 06.08.2024 во 13.00 часот во туристичкиот комплекс ,,Инекс“ во Охрид, полициски службеници го приведоа Р.С.(22) од Сојузна Република Германија. Тој, пливајќи покрај брегот на езерото, излегол од водата и неовластено се упатил кон објект сопственост на државен орган. По целосно документирање на настанот ќе следува соодветен поднесок“, велат од СВР Охрид.
Инаку вилата „Билјана“ е изградена во традиционален македонски народен архитектонски стил и важи за една од 34 вили на поранешниот југословенски претседател Јосип Броз Тито. Додека другите вили се од отворен карактер за нашата не се се знае речиси ништо.

Денес, вилата е во сопственост на владата и Претседателот на Македонија, чии државници ја користат како своја лична летна вила. Бидејќи вилата се користи за сместување на високи владини политичари, пристапот е строго забранет за јавноста и оваа вила е деноноќно чувана.

Извор: skopjeinfo.mk

За повеќе информации и дискусии на вакви и други теми придружете ни се во групата Македонци во Германија.

The post Уапсен 22 годишен Германец, со пливање пристигнал до претседателската вила „Билјана“ и сакал да влезе во неа appeared first on Македонци во Германија.

Учеството на „Иселеничкиот фолклорен фестивал“ пријавете го на biljana@minisel.gov.mk до 1 февруари 2024 година.

За повеќе информации и дискусии на вакви и други теми придружете ни се во групата Македонци во Германија.

The post Иселенички фолклорен фестивал во Охрид 2024 appeared first on Македонци во Германија.

Кога,е во прашање работата, најголем дел од нив работат во транспортни компании како возачи, а некои и во фабрики за производство на храна. Жените, освен во фабрики, работат и во ресторани за брза храна, но и како хигиеничарки.

Берлин, Штутгарт, Хамбург, Хановер итн. се областите кои се најмногу населени од граѓани на Македонија во Германија.

Официјални податоци за тоа колку македонски граѓани заминале во Германија од почетокот на оваа година сè уште не се објавени, но се претпоставува дека бројките уште повеќе ќе се зголемат.

Извор: skopjeinfo.mk

За повеќе информации и дискусии на вакви и други теми придружете ни се во групата Македонци во Германија

The post Рекордни 53 илјади македонски граѓани само лани се преселиле во Германија appeared first on Македонци во Германија.

Почитувани литературни творци од иселеништво

Традицијата започната 2023 година со промоција на писателите од иселеништво, ќе продолжи и следната 2024 година во месец мај, посветен на светите Кирил и Методиј. По тој повод ве покануваме за учество на Иселеничките литературни средби кои ќе се одржат од 21-23 мај 2024 година во Скопје. Престојот за време на средбите, две ноќевања со појадок и коктел, ќе биде покриен од Агенцијата за иселеништво.

Пријавувањето е до 1 февруари 2024 година на електронската адреса:

biljana@minisel.gov.mk

За повеќе информации и дискусии на вакви и други теми придружете ни се во групата Македонци во Германија

The post Покана за литературни творци од дијаспората appeared first on Македонци во Германија.

Секако, важен сегмент е што сите средства доаѓаат од странство, бидејќи, како што веќе напоменавме, апликацијата Gofundme, не дозволува донирање од територијата на Р. Македонија.

За многу кратко време, ќе известиме за начинот на кој што секој од Македонија, ќе може да донира. Бидете спремни, зошто тогаш ние сме на потег!

А до тогаш, повик до сите Македонци, навивачи на Вардар и вљубеници во македонскиот спорт од странство: Приклучете се на борбата за Вардар и бидете дел од возобновата на македонската фудбалска гордост!

СИТЕ ЗАЕДНО – ЗА ВАРДАР НАШ! – велат Комити.

Во продолжение линкот каде може да се донира:

ЛИНК

The post Сите здружени за спас на ФК Вардар ?⚫️ appeared first on Македонци во Германија.

Во ова ексклузивно издание дознајте од прва рака кој бил главниот мотив нашиот пријател Маркус да се одлучи на еден ваков навидум несекојдневен чекор. Додека повеќето мигрираат на релација Македонија-Германија, Маркус кој претходно со својата сопруга (која е Македонка) и детето живееле во неговиот роден град во Баварија, решаваат да одат во спротивен правец, и заминуваат во топлата Струмица. Таму живеат до ден денес, и како што ни раскажа и самиот Маркус, уживаат во животот без многу стрес, опкружени со топлиот македонски менталитет. Дознајте што е тоа што го натерало Маркус да го замени подобриот животен стандард за топлата Македонија.

Видеото премиерно ќе се прикажува на нашиот YouTube канал во понеделник (17.04.2023) во 21:00 часот. Уживајте :

Воедно ја користиме оваа прилика да ве поканиме сите вас што сакате да ја споделите вашата приказна, да ни пишете на нашата е маил адреса:

makedoncivogermanija@gmail.com

За повеќе информации и дискусии на вакви и други теми придружете ни се во групата Македонци во Германија.

The post ВИДЕО: Маркус, Германец кој живее и работи во Македонија appeared first on Македонци во Германија.

“Сите ме прашуваат зошто не се селам од Македонија. Епа дојде моментот да разјасниме.
Ужасна политика? Да. Сиромаштија? Да. Неправда? Многу.
Ова е нашето секојдневие и факт е дека е катастрофално. Исто така мора да се соочиме со фактот дека оваа реалност нема да се промени сама од себе. Нема да се разбудиме едно утро во праведна држава со вистински вредности и слога меѓу народот. Бруталната вистина со која што мора да се соочиме е дека мора да излеземе од mindset-от “што се замараш”, “не зависи од нас” и слично, зашто на крајот од денот буквално зависи од нас.
Предолго интелектуалците се фокусираа на хедонизам и ја оставија политиката и одлуките на гладните и жедни мршојадци, време е да се разбудиме.
Македонија е преубава ако знаеш да го уклучиш мозокот и не се плашиш од предизвик.
Одбивам да ја предадам државата за 6 евра во McDonald’s во Германија само затоа што не сме биле доволно гласни. Тие ладни улици нема да ја заменат прегратката на баба ми, липите во април и мирисот на дом.”

За повеќе информации и дискусии на вакви и други теми придружете ни се во групата Македонци во Германија.

The post Еве зошто Андријана не сака да дојде во Германија appeared first on Македонци во Германија.