Според информациите, овците се одвоиле од поголемо стадо кое било на пасење во близина. Поради невнимание или отворена ограда, животните залутале низ населеното место и сосема случајно влегле низ автоматските врати на супермаркетот Penny. Наместо на ливада, тие завршиле меѓу рафтовите со производи и касите.

Овците околу 20 минути мирно се движеле низ маркетот додека купувачите со изненадување, и насмевки, ја следеле ситуацијата. За среќа, немало повредени лица, ниту поголема материјална штета, иако некои производи биле изместени од рафтовите.

Вработените реагирале смирено и веднаш го известиле сопственикот на стадото и надлежните служби. Со заедничка помош, овците биле безбедно изведени од супермаркетот и вратени кај остатокот од стадото.

По необичната „посета“, супермаркетот бил привремено затворен за детално чистење и дезинфекција по што продолжил со редовна работа. Од Penny изјавиле дека хигиената и безбедноста на купувачите биле целосно запазени.

Настанот брзо се проширил на социјалните мрежи, каде што фотографии и видеа од овците во супермаркетот станаа вирални и предизвикаа бројни шеги и позитивни реакции. Многумина го нарекоа ова „најмирниот упад во маркет“, а други коментираа дека овците „само сакале да проверат дали има попусти“.

Овој необичен случај уште еднаш покажа дека секојдневието знае да изненади – особено кога природата и урбаниот живот ќе се сретнат на најнеочекувано место.

За повеќе информации и дискусии на вакви но и на други теми придружете ни се во групата Македонци во Германија

The post 50 овци „на пазарување“ во Penny-Видео appeared first on Македонци во Германија.

Каде и зошто се штрајкува?
Штрајковите се одржуваат во девет фабрики на Фолксваген ширум Германија, вклучувајќи ги следниве локации:
–Волфсбург (главната фабрика и седиште на компанијата)
–Хановер
–Емден
–Касел-Баунатал
–Брауншвајг
-Залцгитер
–Цвикау
–Кемниц
-„Стаклената мануфактура“ во Дрезден
Единствената фабрика која не учествува во штрајковите е онаа во Оснабрик, бидејќи не е дел од тековниот колективен договор помеѓу синдикатот и компанијата.

Која је причината?
Основната причина за овие штрајкови е предложеното намалување на платите за 10%. Оваа мерка би влијаела на околу 120.000 вработени во Германија, што предизвика големо незадоволство кај синдикатот и работниците. Дополнително, менаџментот на компанијата размислува за затворање на три фабрики, што би било без преседан во 87-годишната историја на Фолксваген.

Како влијае штрајкот?
Штрајковите траат околу два часа во секоја смена, што значително го намалува производството. Се проценува дека повеќе од 1.000 возила нема да бидат произведени само за еден ден, а продолжување на штрајковите може дополнително да го зголеми финансискиот товар врз компанијата.
Дополнително, овие протести ја зголемуваат тензијата помеѓу менаџментот и работниците, при што вработените бараат фер компензација и заштита на нивните работни места.

Што следува?
Следната рунда преговори помеѓу менаџментот на Фолксваген и синдикатот IG Metall е закажана за 9 декември. Доколку не се постигне договор, синдикатот предупреди дека штрајковите може да ескалираат во подолготрајни прекини на работата, кои потенцијално може да доведат до целосно затворање на фабриките.
Синдикатот бара компанијата да ги повлече плановите за намалување на платите и затворање на фабриките, нагласувајќи дека работниците не треба да бидат жртви на корпоративните политики за намалување на трошоците.

Овие настани ја потенцираат сложената ситуација со која се соочува Фолксваген . Од една страна, компанијата е под притисок да ги намали трошоците и да остане конкурентна на глобалниот пазар, особено со зголемената конкуренција од кинеските производители. Од друга страна, работниците и синдикатите бараат заштита на своите права и работни места.

Како ќе се развива оваа ситуација останува да се види, но јасно е дека Фолксваген се наоѓа пред голем предизвик.

За повеќе информации и дискусии на вакви и други теми придружете ни се во групата Македонци во Германија.

The post Штрајкови во девет фабрики на Фолксваген: Кои се причините? appeared first on Македонци во Германија.

Како функционираат торентите?
Торентите функционираат преку мрежа на корисници, познати како „peers“, кои разменуваат делови од фајловите. Мрежата е координирана од „tracker“ сервери, кои ги усогласуваат податоците меѓу корисниците. Главни учесници во овој процес се „seeders“, кои го имаат целиот фајл и го споделуваат, и „leechers“, кои го симнуваат фајлот но сè уште не го имаат комплетно. Клучниот проблем е што со самото симнување вашиот компјутер истовремено може да испраќа делови од фајлот или целиот фајл на други корисници, што ве прави дел од нелегалното споделување.

Како се следат корисниците?
Следењето на торент активностите во Германија е високо технолошки и организирано. Компании кои ги застапуваат правата на музички индустрии, филмски студија, софтверски компании и други креатори, користат специјализиран софтвер за мониторинг на P2P мрежите. Овие алатки ги идентификуваат јавните IP адреси на корисниците кои преземаат или споделуваат заштитени содржини. IP адресата е видлива на мрежата за време на преземањето, што овозможува лесно следење на активностите. Откако ќе се соберат податоците за активностите, правните фирми бараат од интернет провајдерите да го откријат идентитетот на корисниците. Ова обично се прави преку судски налог, бидејќи интернет провајдерите се обврзани да ги заштитат личните податоци на своите клиенти освен ако не постои законска основа за нивно откривање.

Германски закон за авторски права?
Германија е позната по строгите закони за авторски права и активната борба против нелегалната дистрибуција на дигитални содржини. Законот Urheberrechtsgesetz (UrhG) јасно дефинира дека симнувањето и споделувањето содржини без дозвола од сопственикот на авторските права е нелегално. Иако е дозволено да направите копија од заштитен материјал за лична употреба, ова се однесува само на содржини стекнати на легален начин. На пример, ако купите музички албум, можете да направите резервна копија за сопствена употреба, но симнувањето на истата содржина преку торент е незаконско, бидејќи ја добивате од нелегален извор.Дополнителен проблем е автоматското споделување (upload) кое го прават торентите. Ова ве прави активен учесник во дистрибуцијата на нелегална содржина, што е сериозно прекршување на законот.

Последици од прекршување?
Кога ќе се идентификува корисникот, правната фирма испраќа предупредувачко писмо, познато како „Abmahnung“. Во писмото се наведуваат деталите за прекршувањето, како што се датумот, времето, IP адресата и содржината што е преземена или споделена. Дополнително, од корисникот се бара да плати парична компензација, која обично се движи од 900 до 1500 евра, но може да биде и повисока, зависно од сериозноста на прекршувањето и вредноста на заштитената содржина. Во писмото често се бара и потпишување на изјава за престанување на прекршувањето , со што корисникот се обврзува да не ги повторува прекршувањата.Ако корисникот го игнорира предупредувањето или одбие да ја плати побараната сума, случајот може да заврши на суд. Во такви случаи, правните трошоци и потенцијалните казни значително се зголемуваат. Дури и ако корисникот тврди дека не знаел за прекршувањето, тоа не е прифатлив изговор според германскиот закон. Сопствениците на интернет конекцијата се одговорни за активностите што се извршуваат преку нивната мрежа, освен ако не докажат дека се преземени соодветни мерки за заштита од злоупотреба.

Може ли VPN да помогне?
Иако некои корисници се обидуваат да го избегнат следењето преку VPN услуги, ова решение не е целосно безбедно. Некои VPN провајдери водат евиденција за активностите на своите корисници, а во одредени ситуации можат да бидат принудени да ги предадат тие податоци на властите. Покрај тоа, користењето на бесплатни или недоверливи VPN услуги може да го изложи корисникот на дополнителни ризици, како што се кражба на податоци или инфекции со малициозен софтвер.

Легални алтернативи
Најдобриот начин за избегнување на правни и финансиски последици е да се користат легални алтернативи за преземање и стриминг на содржини. Во Германија постојат бројни платформи кои нудат висококвалитетни филмови, музика, книги и софтвер на легален начин. Дополнително, јавните домени и креативните лиценци овозможуваат преземање на содржини без прекршување на законот. Користењето на овие услуги не само што го намалува ризикот од казни, туку и придонесува за поддршка на креаторите и развојот на креативните индустрии.

Заклучок
користењето на торенти во Германија е високо ризична активност која може да доведе до сериозни правни и финансиски последици. Со оглед на строгите закони и напредните методи за следење, корисниците треба внимателно да размислат пред да преземат или споделат содржини преку торент. Почитувањето на авторските права е не само правна обврска, туку и морална одговорност кон креаторите на содржините што ги користиме. Со информираност и користење на легални алтернативи, корисниците можат да избегнат проблеми и да придонесат за праведен дигитален екосистем.

За повеќе информации и дискусии на вакви и други теми придружете ни се во групата Македонци во Германија.

The post Торенти и Авторски Права во Германија: Сè што Треба да Знаете appeared first on Македонци во Германија.

Продавање на објектот и трансформација во дата центар
Во 2007 година, Министерството за одбрана на Германија донело одлука да го продаде овој објект, бидејќи неговото одржување станало премногу скапо и комплексно. Одржувањето вклучувало постојано работење на вентилациски системи, пумпи за спречување на поплавување на подземните нивоа од подземните води, голем систем за климатизација, резервоари со нафта, масивни батерии итн.
Во 2013 година, холандскиот претприемач Херман Јохан Ксент го купува бункерот за 350.000 евра. Ксент ветил дека ќе отвори 50 до 100 нови работни места и дека објектот ќе го претвори во дата центар за хостирање податоци кои бараат висок степен на безбедност и приватност. Познат по својот контроверзен став за интернет без цензура, Ксент веќе имал искуство со вакви проекти во Холандија. Неговата цел била да создаде „bulletproof hosting“ услуга, каде корисниците би можеле да хостираат каков било вид на содржина без мешање на властите. Според Ксент, единствените содржини кои не би биле дозволени во „Сајбер бункер“ се терористичките активности и детската порнографија.

Како „Сајбер бункер“ стана место за нелегални активности
Во своите почетни години како дата центар, „Сајбер бункер“ хостирал веб-страници и услуги кои барале максимална приватност. Меѓутоа, со текот на времето, објектот станал популарен меѓу корисници на Дарк Веб. Властите откриле дека меѓу хостираните сајтови во „Сајбер бункер“ биле некои од најголемите пазари на Дарк Веб за трговија со дрога и хакерски услуги.
Според извори од полицијата, некои од најпознатите сајтови хостирани во „Сајбер бункер“ биле Wall Street Market, еден од најголемите маркети за нелегална трговија со дрога, како и Cannabis Road и Fraudsters, платформа позната по продажба на хакерски услуги и украдени податоци. Физичка и технолошка сигурност го направило „Сајбер бункер“ место за сајбер-криминалци од целиот свет.
Во 2016 година, од серверите скриени под земја, бил покренат хакерски напад на 1,25 милиони рутери на Дојче Телеком. Хакерите речиси го блокирале работењето на германскиот и светскиот телекомуникациски гигант, обидувајќи се да дојдат до податоци и шифри на корисниците, но експертите за компјутерска безбедност успеале да го спречат тоа. Тогаш во Германија се шпекулираше дека зад нападот стојат руски хакери, а канцеларката Ангела Меркел дури дала изјава која упатувала на тоа.

Како германските власти дознале за нелегалните активности
Германските власти добиле први информации за нелегалните активности во 2015 година. Сомневајќи се во објектот и зголемените активности поврзани со Дарк Веб, тие започнале темелна и долготрајна истрага. Со оглед на заштитата на објектот, полицијата морала да примени софистицирани методи за собирање докази и да се посвети на детално следење на активностите во и околу бункерот.
Полицијата ја користела тактиката на инфилтрирање агенти во бункерот под маската на работници. Овие оперативци, всушност, биле тајни агенти кои имале задача да обезбедат информации одвнатре. Преку нивната работа, полицијата постепено создавала јасна слика за активностите во бункерот, следејќи ги комуникациите и интеракциите на лицата кои доаѓале и заминувале од објектот. Благодарение на овие докази, полицијата добила доволно информации за да планира координирана акција.

Полициска рација и апсења
Во септември 2019 година, по четиригодишна истрага, германските власти организираа координирана акција со повеќе од 600 полицајци за упад во „Сајбербункер.“ а претреси биле извршени и во соседните земји, Луксембург и Холандија, како и во Полска.
Откако специјалните сили на германската полиција ГСГ успеале да ги совладаат електронските безбедносни системи и да ги отворат блиндираните метални врати на бункерот, внатре ги чекало вистинско изненадување: на едниот надземен и четирите подземни нивоа на поранешниот бункер на германската војска – Бундесверот, се наоѓале околу 2.000 меѓусебно поврзани компјутери. Се работи за најголемиот досега откриен дата цента за дарк веб


Судски процес и пресуди
Во декември 2021 година, осум лица беа изведени пред суд за нивната улога во управувањето со нелегалноста на “Сајбер бункер”. Главниот обвинет, Херман Јохан Ксент, доби казна од пет години и девет месеци затвор, додека другите обвинети добија казни од четири години и три месеци до една година условно. Пресудата беше историска и го отвори прашањето за етичката одговорност на хостинг провајдерите и потребата за законска регулација во оваа област.

Нетфликс за ова има снимено документарен филм.

За повеќе информации и дискусии на вакви и други теми придружете ни се во групата Македонци во Германија

The post Сајбер бункер во Трабен-Трарбах: Од Воен Бункер до Центар за Сајбер-Криминал.Фото+Видео appeared first on Македонци во Германија.

Tor е кратенка за The Onion Router, што значи луковиден рутер, бидејќи користи слоевита мрежа од релеи залепени еден до друг како лушпи од кромид, користени за анонимизирање и криптирање на комуникацијата.Проектот првично бил развиен во 90-тите години на минатиот век од морнаричката лабораторија за истражување на САД од страна на математичарот Пол Сиверсон и компјутерските научниците Мајкл Рид и Дејвид Голдшланг, со намера за заштита на американската разузнавачка онлајн комуникација. Денес, TOR е достапен за сите корисници на интернет, кои сакаат да ја заштитат својата приватност и слобода на изразување.

Но пред да навлеземе подлабоко,прво да објасниме што е IP адреса и зошто е таа важна.
IP адреса е скратено од Internet Protocol Address. IP адресата се користи за идентификација на компјутерски уред и комуникација со други уреди во интернет протокол мрежата.Секој уред има уникатна IP адреса,самата IP адреса ви ја доделеува вашиот интернет оператор,и точно знае на кого, во кое време, и која IP адреса ја има доделено. Исто како што лична карта ќе ве идентификува, IP-адресата е клучен дел од податоци што може да му ја каже некому вашата локација, давателот на интернет услуги (ISP) и целата историја на прелистување и пребарување на веб(сѐ што сте прегледале и симнале од интернет) и во некои случеви тие логови се чуваат и по неколку години

Кога корисникот го отвора TOR броузерот, тој добива нова IP адреса и криптирана комуникација,воедно се поврзува со мрежата на TOR, која се состои од илјадници доброволни релеи ширум светот,од кој секое релеј дешифрира по еден „слој“ на енкрипција пред податоците да се пренесат до следниот релеј и, во крајна линија, до неговото одредиште. На овој начин, податокот станува тежок за следење и пресретнување од страна на трети лица, како што се владини агенции, интернет провајдери, хакери итн. Корисникот може да пристапи до сите веб-страници, вклучувајќи и оние кои се блокирани или цензурирани во неговата земја.

TOR броузерот не само што овозможува пристап до нормалниот веб, туку и до т.н. длабок веб (deep web) и темен веб (dark web). Длабокиот веб се однесува на делот од интернет кој не е индексиран од страна на стандардните пребарувачи, како што е Google,Bing и така натаму.Темниот веб или Дарк веб е дел од длабокиот веб, кој е намерно скриен и достапен само преку специјални протоколи, како што е TOR. 

На Дарк веб се наоѓаат разни веб-страници, кои нудат нелегални или контроверзни услуги и продукти, како што се дроги, оружје, хакерски софтвер, фалсификувани документи,нарачка на убиства итн.Дарк веб е исто така место каде што се одвиваат разни злосторства, како што се трговија со луѓе, детска порнографија, насилство и убиства.Затоа полицјата FBI,CIA,BKA и други се често дел од Дарк Веб каде се во постојана војна со лугето од мрачната страна на интернетот,како и потрага за лоцирање на овие онион страни и евентуално нивно гасење.

Користењето на TOR броузерот има свои предности и недостатоци, кои треба да се земат во предвид при неговото користење. Предностите се дека корисникот може да пребарува на интернет без да го открие својот идентитет, локација или активност. Тоа значи дека корисникот може да ја заобиколи цензурата, да го избегне надзорот, да ја заштити својата интелектуална сопственост и да го искористи своето право на слободен пристап до информации. Недостатоците се дека корисникот може да се изложи на опасности, како што се злонамерни веб-страници, вируси, малвери, измами итн. Тоа значи дека корисникот треба да биде внимателен и одговорен кога го користи TOR броузерот, и да не ги споделува своите лични податоци, лозинки, броеви на кредитни картички итн.Уште еден недостаток на TOR броузерот е дека тој значително ја намалува брзината на интернетот.

Еден од најголемите ризици при користењето на TOR броузерот е дека корисникот може да стане жртва на хакери, кои бараат начини да ги искористат или да ги украдат личните податоци на корисникот. Хакерите може да се наоѓаат на било кој релеј во мрежата на TOR, или на било која веб-страница на Дарк Веб. Тие може да го компромитираат TOR броузерот, да го пресретнат податоците, да инсталираат малвери на корисникот, да го да ја откријат вистинската адреса на корисникот итн.

Заклучок, TOR броузерот е специјален веб прелистувач, кој овозможува анонимно пребаривање и користење на интернет. Тој е корисна алатка за заштита на приватноста и слободата на изразување, но исто така и потенцијална опасност за безбедноста и законитоста. Затоа, корисникот треба да биде внимателен при користење на TOR и да не го злоупотребува за нелегални или неетички цели.

За повеќе информации и дискусии на вакви и други теми придружете ни се во групата Македонци во Германија.

The post Мрачната страна на интернетот- TOR appeared first on Македонци во Германија.

Одговор добивме од македонската амбасада во Берлин,и со нивна дозвола ви го прнесуваме во целост.

Напомена дека името на државата Република Македонија е корегирано согласно уредничката политика на овој портал и Facebook групата “Македонци во Германија“.

Почитувани членови на Админ тимот на групата Македонци во Германија

Ви благодариме за вашиот е-маил и доставата на апелот.

Амбасадата во Берлин би сакала да ве информира дека е запознаена со актуелната ситуација и има потполно разбирање за реакцијата и незадоволството од ваша страна и од страна на засегнати македонските граѓани, но би сакале да укажеме дека токму затоа Амбасадата на сопствената веб и ФБ страница ги има објавено и ги сподели појаснувањата за примената на регулативата од страна на Германската амбасада во Скопје и од Сојузната полиција, кои се доставени и до Аеродромските служби  – ТАВ, граничната полиција и авиопревозниците, со цел да бидат граѓаните информирани и да се избегнат такви непријатни ситуации. Амбасадата секако имаше комуникација и со Аеродромот во Скопје.

Во овој контекст, би сакале да ви појасниме дека службениците на аеродромите во Скопје и Охрид не постапуваат своеволно и неинформирано, туку согласно насоките и појаснувањата од германската амбасада во Скопје и германската сојузна полиција, кои исто така директно комуницираат со нив, а доколку не се придржуваат до насоките може да плаќаат пенали.

Дополнително, колку и да се револтирани граѓаните, мора на сите да им биде јасно дека е суверено право на една држава да ги регулира и соодветно од проценка на ситуацијата, прилагодува и применува условите за влез за странски државјани на нејзина територија.

Сојузната полиција и граничните службеници имаат суверено и дискреционо право да ги регулираат и појаснуваат условите за влез, вклучително и да одбијат влез на патници, и во редовни услови, а не пак во пандемија, во која секоја држава се штити на начин на кој има суверено право да одлучи кого ќе прима, какви вакцини ќе се признаат и сл.

Во случајот, во однос на олеснувањата за влез, очигледно од германска страна е појаснето дека единствено не важи обврската за пополнување на електронска пријава за влез, а неограничено право на влез имаат вакцинирани со признати вакцини и прележани согласно важечките германски прописи, а за останатите кои не се воопшто вакцинирани и се соодветно вакцинирани со барем две дози призната вакцина, може да им се одобри влез и пропуштање на аеродром со тест, само доколку исполнуваат некоја од итните и неодложни причини за влез кои и претходно важеа и се применуваа. За разлика од некои земји, за жал сеуште Германија не ги признава сите одобрени вакцини од СЗО кои се дел од Ковакс механизмот. Се надеваме дека согласно препораката на Европската комисија во иднина ќе извршат дополнување на листата на признати вакцини.

Останува сите да се надеваат дека наскоро пандемијата ќе заврши, со што би се укинале сите ограничувања, но, имајќи предвид дека актуелните трендови во ЕУ и Германија укажуваат на постепено одење кон задолжителна вакцинација, македонските државјани кои живеат во Германија и оние кои сакаат да патуваат по разни основи во Германија, треба да бидат свесни дека и во иднина е многу веројатно да има и понатаму ограничувања за невакцинирани.

Соодветно на горенаведеното, сите македонски државјани доколку сакаат да влезат во Германија, мора да се придржуваат до важечките прописи, насоки и појаснувања, во спротивно се впуштаат во сопствен општ и финансиски ризик и може да се изложат на непријатни ситуации, за кои веќе сите се свесни дека се случуваат.

Појаснувањата и соопштенијата и соодветните линкови се јавно објавени и достапни на веб и ФБ страницата на амбасадата и слободно може да се споделуваат и нема потреба од согласност за објавување, бидејќи целта им е токму таа, точно информирање со цел избегнување непријатни ситуации. Доколку сакате дополнителни потврди и појаснувања, единствено надлежна е германската амбасада во Скопје и германската сојузна гранична полиција, на кои можеме да ве упатиме, но посочуваме дека на објавата и појаснувањето од страна на германската амбасада во Скопје стои дека нема да даваат индивидуални изјави, така да тоа е фактичката ситуација до која македонските граѓани треба да се придржуваат доколку сакаат да им биде одобрен влез во Германија.

Секако, веднаш штом добиеме информации за евентуални промени ќе објавиме и соопштиме.

Со почит,

Амбасада на Република Македонија -Берлин

Botschaft der Republik Mazedonien – Berlin

Embassy of the Republic Macedonia – Berlin

Hubertusallee 5, 14193 Berlin

Tel.: +49 30/ 89 06 95 11

E-mail: berlin@mfa.gov.mk

Линк за преземање на PDF верзијата од официјалниот меил добиен од амбасадата во врска со ковид мерките.

За повеќе информации и дискусии на вакви и други теми придружете ни се во групата Македонци во Германија.

The post Oдговор на македонската амбасада во Берлин, на апелот кој го испративме. appeared first on Македонци во Германија.

Сведоци сме дека голем број македонски граѓани се вратени од аеродромот во Скопје без соодветна причина или со причина која е спротивна на ковид мерки кои се моментално на сила во СР Германија.

За што побрзо надминување на оваа проблематика упативме директен апел (E-mail) до македонската амбасада во Берлин, ТАВ аеродромот во Скопје, Виз ер и македонското МВР.

Меиловите ви ги пренесуваме во целост(за целосна верзија притиснете на сликите)

За повеќе информации и дискусии на вакви  но и на други теми придружете ни се во групата: Македонци во Германија ЛИНК

The post АПЕЛ до надлежните институции за соодветна примена на правилата за патување кон Германија appeared first on Македонци во Германија.

Што е IP адреса?

IP адреса е скратено од Internet Protocol Address. IP адресата се користи за идентификација на компјутерски уред и комуникација со други уреди во интернет протокол мрежата.Секој уред има уникатна IP адреса,самата IP адреса ви ја доделеува вашиот интернет оператор,и точно знае на кого, во кое време, и која IP адреса ја има доделено.

Зошто да ја скриете вашата IP адреса?

Со помош на бесплатни алатки, многу е лесно да се одреди провајдерот и локацијата на секоја IP адресата, па така и на вашата,исто така, вашиот интернет провајдер знае кои страници ги имате посетено, вашата историја на пребарување на интернет(пребарувани песни,видеа,филмови итн… )односно се што правите онлајн.

Како да ја сокриете вашата IP адреса?
Постојат неколку начини ние ке спомнеме само три:

1) Proxy – наједноставниот, но и најлошиот начин да се сокрие IP адресата.

2) Tor Web Browser веб-прелистувач кој е дизајниран специјално за анонимно пребарување на интернет.

3) VPN или (Virtual-Private-Network) е еден од најкористените.

Ако сакате да проверите дали сте анонимни и која е вашата IP адреса кликнете Овде

Следниот пат ке објасниме нешто повеќе за VPN како работи,како се инсталира и за што најчесто се употребува.

За повеќе информации и дискусии на вакви и други теми придружете ни се во групата Македонци во Германија.

Photo techiexpert.com

The post Како да бидете анонимни на интернет? appeared first on Македонци во Германија.

Утре (недела 14 ноември) во 18 часот ќе се решава во нашата група кој ќе го освои второто место со оглед на тоа што првото место на Германија не е загрозено.

За обезбедување на второто место кое води во Playoff натпревари зс пласман на светското првенство на Македонија и е потребна победа против Исланд на домашен терен во Скопје. Со оглед на тоа што и во Исланд ги надигравме исланѓаните но поради невнимателност го испуштивме водството од 2:0 и изигравме 2:2, Македонија е фаворит во овој натпревар. Но секако натпреварот од Рејкјавик треба да ни биде опомена дека фаворитската улога сама по себе незначи и победа.

За повеќе информации и дискусии на вакви  но и на други теми придружете ни се во групата: Македонци во Германија ЛИНК

The post Видео!!!Головите од убедливата победа на Македонија против Ерменија!!! appeared first on Македонци во Германија.

Во 2017 година поради дотраеност мостот требало да биде целосно реновиран.

• Прва фаза, рушење и повторно градење на јужниот дел на мостот, која треба да биде готова до средината на 2020.
• Втора фаза, рушење и повторно градење на северниот дел на мостот, која треба да биде готова до крајот на 2022.

На 14-ти Август 2018 година се урива мостот во Џенова, ова е доволен знак за активирање на алармот,па така 16 Август министерот за собраќај бара детален увид на плановите од реконструкцијата и самиот надзор на мостот.

Во 2019 година се откриени сериозни грешки во реконструкцијата, собраќајот се ограничува во една лента по правец,воедно се забранува движење на тешки товарни возила во правец на Франкфурт

Во Јуни 2021 година забележано е паѓање на бетонски делови од мостот,било утврдено дека јужниот дел на мостот бил потонат за 30 сантиметри.Мостот веднаш се затвора за сообраќај,воедно се затвораат и улиците и железничкиот собраќај под самиот мост.Одлучено е целосно уривање и повторна изградба на мостот.

Ноември оваа година поточно на 06.11.2021 мостот беше срушен со минирање,каде биле искористени повеќе од 220 килограми динамит.Како тоа изледаше погледнете во видеото.

За повеќе информации и дискусии придружете ни се во групата Македонци во Германија.

FOTO: BORIS ROESSLER/DPA

The post Kако изгледа рушење на 310-метарски мост во Wiesbaden appeared first on Македонци во Германија.