Во Германија во денешно време многу често се случува да добиеме телефонски повик од непознат број, и обично гласот од другата страна сака нешто да ни продаде. Таквата појава (Kalte Akquise) кога станува збор за приватни лица е строго забранета. Најдобро во таква ситуација да прашате од каде го имаат вашиот телефонски број и доколку се испостави дека се работи за нешто сомнително да им наложите да го избришат вашиот телефонски број и да да не ви ѕвонат повеќе. Најсигурно е да им го блокирате бројот.
За жал, сепак секојдневно огромен број на луѓе во Германија се жртви на вакви телефонски измамници. Жртви најчесто се лица со миграциско потекло, каде веројатноста дека не знаат добро германски јазик е повисока.
Најчести негативни искуства со фирми кои работат неетички, и чија основна задача е само да продаваат и да го зголемуваат прометот се:
‼️Агресивно рекламирање: Постојат поплаки за неетички практики на рекламирање во кои клиентите се под притисок преку агресивни продажни понуди преку телефон или на врата.
‼️Несакани договори: Потрошувачите пријавуваат дека се потпишани договори што не ги сакале, честопати под лажни изговори.
‼️Зголемување на цените: По истекот на гаранцијата за цена, цените можат нагло да се зголемат.
‼️Можни неточности: Во некои случаи, имало неточни информации во врска со обновливите извори на енергија (кои всушност не се обновливи).
Еве неколку тактики како да се заштитите од ваквите натрапници:
✅️Бидете претпазливи кога примате повици, е-пошта или домашни посети од такви сомнителни лица
✅️Не откривајте никакви лични информации и не потпишувајте ништо освен ако не сте сигурни.
✅️Доколку сте склучиле непосакуван договор, веднаш откажете го во рамките на законскиот рок од 14 дена (14 Tage Widerrufsrecht)
✅️Внимателно прочитајте го текстот со ситни букви и споредете ги условите на договорот, особено времетраењето на договорот и периодите за откажување.
✅️Во најлош случај таквите измамници може да ги пријавите во полиција.
За повеќе информации и дискусии на вакви и други теми придружете ни се во групата Македонци во Германија.
Може да ви се допаѓа
За авторот
