Резултатите од Henley Passport Index за 2022 година се објавени и тоа е добра вест за сопствениците на германски пасоши. Германскиот пасош е рангиран како втор најсилен во светот, а неговите сопственици можат да посетат 190 земји без претходно да аплицираат за виза.
Секоја година, Henley Passport Index, составен од адвокатската канцеларија Henley and Partners во Обединетото Кралство испитува 199 пасоши од земји ширум светот за да ја одреди нивната ефикасност во дозволувањето на сопственикот да патува до 227 различни дестинации.
Системот за рангирање доделува по еден поен за секоја земја во која дозволува патување без потреба од претходно добиена виза. На пасошите им се доделува и бод доколку носителот може да добие виза при пристигнувањето или дозвола за посетител или електронско патување. Не се доделуваат поени за дестинации за кои патникот треба да добие виза или одобрение од Владата пред да пристигне во земјата. Рангирањето не ги зема предвид тековните ограничувања за патување поврзани со корона вирусот.
Германија се најде на второто место на рангирањето во 2022 година, заедно со Јужна Кореја, и веднаш зад двете земји кои беа на врвот на листата, Јапонија и Сингапур. Германија освои 190 поени, што значи дека имателите на германски пасоши можат да посетат 190 земји без да мора да добијат виза пред да патуваат.
Пасошот на Германија со 190 поени е ист како и минатата година, кога исто така заврши на заедничкото второ место со Јужна Кореја. Германија постојано има добри резултати во минатото рангирање на пасоши, пласирајќи се на првите три места во последните 10 години. Од 2015 до 2017 година, Германија всушност беше на врвот на рангирањето, иако овогодинешната оценка од 190 е заеднички највисоката земја што некогаш ја добила.
Според Henley’s Passport Index, ова се најсилните пасоши во светот во 2022 година:
1.Јапонија, Сингапур (192)
- Германија, Јужна Кореја (190)
- Финска, Италија, Луксембург, Шпанија (189)
- Холандија, Австрија, Данска, Франција, Шведска (188)
- Ирска, Португалија (187)
- Белгија, Нов Зеланд, Норвешка, Швајцарија, Обединетото Кралство, САД (186)
- Австралија, Канада, Чешка, Грција, Малта (185)
- Унгарија, Полска (183)
- Литванија, Словачка (182)
- Естонија, Латвија, Словенија (181)
А најлошите се:
1.Авганистан (26)
2.Ирак (28)
- Сирија (29)
- Пакистан (31)
- Јемен (33)
- Сомалија (34)
- Палестинска територија, Непал (37)
- Северна Кореја (39)
- Либија, Косово, Бангладеш (40)
- Судан, Шри Ланка, Либан (41)
Имајќи предвид дека новата Сојузна Влада во Германија уште лани ја најави либерализацијата на условите за добивање на германски пасош за странците кои живеат во Германија, ова е исклучително интересен податок. Воедно тука спаѓаат и илјадниците Македонци, кои будно ја следат оваа тема, особено поради фактот што за прв пат во историјата на современа Германија, државјаните на т.н “трети земји ” ќе може да се стекнат со германско државјанство, и притоа да си го задржат своето матично државјанство. Поопширно на оваа тема на следниот ЛИНК.
За повеќе информации и дискусии на вакви и други теми придружете ни се во групата Македонци во Германија ЛИНК.
Foto: Thai Embassy
