Најновата одлука која сојузната влада (Bundesregierung) ја донесе денес (10.08 2021) е Правилото 3G (Geimpfte,Genesene oder Getestete), т.е вакцинирани,оздравени или тестирани!!!
Најдоцна до 23 август, пристап само за оние кои се вакцинирани, оздравени или тестирани – за посети на болници, старечки домови и установи за лица со посебни потреби – во внатрешни угостителски и сместувачки капацитети, забави и спортови во затворени простории, за услуги што се делотворни за телото (на пример, фризер) и сл.
Сојузните држави можат да одлучат да го суспендираат правилото за 3G целосно или делумно во окрузи со ниски стапки на инфекција.
Освен тоа, понудата за бесплатни корона тестови за граѓани ќе заврши на 11 -ти октомври. Освен за луѓето кои не можат да се вакцинираат или за кои не постои општа препорака за вакцинација, на пример: бремените жени и оние под 18 -годишна возраст.
Тестирани ќе се сметаат лица со негативен тест, и тоа брз антиген (не постар од 24 часа) или ПЦР тест (не постар од 48 часа). Оздравени ќе се сметаат лица до 6 месеци од утврдувањето на Ковид-19 вирусот.
Извор:
Сојузна влада | Статус: 08/10/2021
За повеќе дискусии на вакви и други теми придружете ни се во групата Македонци во Германија.
