И покрај бројните реакции и незадоволства од македонската дијаспора во Германија, амбасадорот Илбер Села очигледно продолжува со истата практика, без да покаже интерес за разбирање на ставовите и реакциите на Македонците.Една од причините за незадоволство е контроверзното однесување на официјалната Фејсбук фан-страница на македонската амбасада во Берлин, каде што се врши намерна цензура на коментари – без разлика дали тие се позитивни или негативни.
Ова не е прв пат да се создаде незадоволство поради постапките на амбасадорот Села. Ќе остане запаметена неговата изјава дека 85% од Македонците се наводно дестабилизирачки фактор – изјава што многумина ја оценија како навредлива и неприфатлива ЛИНК ТУКА
Покрај тоа, дополнителен повод за револт беше неговиот настап минатата година во Солинген, каде што, иако мнозинството присутни (околу 99%) беа Македонци, Села одлучи да зборува на албански јазик, што предизвика дополнителна фрустрација и чувство на исклученост кај присутните.
Сега, главното прашање е – дали конечно ќе следи реакција од највисоките институции на државата? Пред повеќе од два месеци, официјални реакции во врска со однесувањето на амбасадорот Села се доставени до кабинетите на Претседателот на Република Македонија и министерот за надворешни работи. Сепак, одговорот сè уште изостанува.
Народот со нетрпение очекува дали конечно ќе добиеме амбасадор во Германија кој вистински ќе ги претставува интересите на Република Македонија и ќе покаже почит кон македонската заедница во оваа европска земја.
За повеќе информации и дискусии на вакви и други теми придружете ни се во групата Македонци во Германија.
Може да ви се допаѓа
За авторот
