Уживајте во неколкуте случајно избрани фотографии од денешниот ракометен натпревар помеѓу РК Вардар и HC Rhein Neckar Löwen. Натпреварот се одржа во градот Heidelberg, Германија. Одлична околност беше тоа што во непосредна близина на самата спортска сала, беа сместени и ракометарите на РК Вардар, кои накратко нé почестија со кратка средба во склоп на хотелот во кој беа сместени.
Јаготка на шлагот беше што на само 200 метри од хотелот се наоѓа македонскиот ресторан Македонија, кој се претвори во фан зона за Македонците, кои од цела Германија, во голем број дојдоа да дадат поддршка на македонскиот ракометен шампион. Иако резултатот беше во корист на домаќинот (37:33) во убаво сеќавање ќе остане прекрасната дружба на навивачите и ракометарите.
За повеќе информации и дискусии на вакви и други теми придружете ни се во групата Македонци во Германија.
