Денес во 17 часот во Zürich беа извлечени групите и полуфиналните дуели за пласман на светското првенство во фудбал кое ќе се одржи од 21 Ноември до 18 декември 2022 во Катар. Како што веќе е познато во Play-off натпреварите има 12 репрезентации кои беа поделени по шест во првиот и шест во вториот шешир.
Во првиот шешир се најдоа репрезентациите на Шведска, Велс, Шкотска, Русија, Португалија и Италија. Додека вториот шешир го сочинуваа националните тимови на Македонија, Турција, Полска, Украина, Австрија и Чешка. Од овие 12 репрезентации се формираа три групи А, Б и Ц. Секоја група има по два пара кои играат меѓу себе еден полуфинален дуел а победниците од полуфиналето играат еден финален натпревар. Победникот од оваа финале се пласира на светското првенство во Катар.
Македонија е во групата Ц а за противник во полуфиналето ја доби репрезентацијата на Италија. Со оглед на тоа што Македонија беше во вториот шешир натпреварот ќе го играме како гости. Вториот дуел во нашата група е помеѓу Португалија и Турција и една од овие репрезентации ќе ни биде противник во финалето доколку Македонија победи во полуфиналето.
Полуфиналните натпревари ќе се играат во четврток на 24 Март 2022.
А финалните натпревари една недела подоцна на 29 Март 2022.
За повеќе информации и дискусии на вакви но и на други теми придружете ни се во групата: Македонци во Германија ЛИНК
Photo Facebook.
