Согласно надлежноста за помагање на културниот развој на иселениците, преку вклучување во Програмата на Струшките вечери на поезијата, Агенцијата за иселеништво секоја година ja доделува наградата „Стојан Христов“ за поетите иселеници.
За таа цел се известуваат сите кои живеат надвор од Република Македонија, кои се занимаваат со пишување на литературни дела и кои имаат издадено книга, збирка поезија, да се пријават во Агенцијата за иселеништво.
Книгите со кои ќе се конкурира ќе бидат оценети од страна на стручното жири при Струшките вечери на поезијата, а паричната награда ќе ја додели Агенцијата за иселеништво.
Согласно Одлуката од страна на жири комисијата, наградата „Стојан Христов“ се доделува за книги објавени помеѓу две изданија на Струшки вечери на поезијата.Заинтересираните поети, своите дела треба да ги испратат во Агенцијата за иселеништво до 1 јули 2021 година и тоа:
-во електронска форма на info@minisel.gov.mk,
-и печатено издание кое треба да се достави на следната адреса:
Агенцијата за иселеништво
Ул.Македонија бр.19 Скопје.
За повеќе информации и дискусии на вакви и други теми придружете ни се во групата Македонци во Германија.
