Уште околу пет недели до 11 јуни денот кога официјално стартува за Македонија историското европското првенство во фудбал. Како што сите знаете Македонија за прв пат во историјата ќе биде учесник на еден ваков фудбалски собир и затоа воопшто не изненадува огромниот интерес на македонските фанови од цел свет за овој настан. Атмосферата овде во Германија беше дополнително подгреана со победата на Македонија против Германија. Па така веднаш после овој натпревар огромен број на наши членови посакаа да дојдат до дрес на македонската репрезентација. Од оваа дискусија се изроди и прашањето “дали Македонија на европското првенство ќе настапи со дресовите кои ги носиме уште од 2016 година или како и сите посериозни репрезентации нашите репрезентативци ќе излезат со нови дресови на терен а фановите ќе имаат можност истите тие нови дресови да ги носат и со тоа да допринесат за промоција на Македонија како овде во Германија така и во цел свет?”.
Со цел да добиеме одговор на оваа прашање на 26 Април пишавме e-mail на официјалната Fanshop страна на ФФМ. Се обидовме да пишеме e-mail и директно на ФФМ но тоа не беше возможно затоа што добивавме постојано известување дека е грешка. На крај пишавме и порака на официјалната Facebook страна на ФФМ. И покрај тоа што се обидовме преку неколку канали да допреме до ФФМ до ден денес никој не не удостои со одговор на нашето прашање.
Се надеваме дека оваа јавно објавување на нашиот допис ќе допре до некој од надлежните и дека на крај од денот сепак ќе добиеме одговор.
Писмо до ФФМ
Што се однесува до другите репрезентации повеќето веќе ги претставија новите дресови.
Германија своите нови дресови ги презентираше на 23 Март оваа година и тие изгледаат вака:
Германија ЕУРО2020 дрес домашни
Германија ЕУРО2020 дрес гости
Дресовите на повеќето учесници на ЕУРО2020 може да ги видите на следниот Линк
За повеќе информации и дискусии на вакви но и на други теми придружете ни се во групата: Македонци во Германија
